مسجد المعينى واحد من اقدم 5 مساجد فى افريقيا

[Romeeoo]

يقع مسجد المعيني بمدينة دمياط في مصر ، شيده التاجر الدمياطي محمد بن معين سنه‏710‏ هجريه‏(1310‏ ميلاديه‏)‏ في زمن الناصر قلاوون ‏.‏ ويمتاز بضخامه البناء وارتفاع الجدار والمئذنه وبداخل الجامع ضريح احيط بمقصوره من الخشب مصنوعه علي طراز المشربيات العربيه‏,‏ وكان قد شيد قديما فوق قناطر ليكون مرتفعا علي مياه النيل‏.‏ ومازال تحت المسجد قبو وفراغ فسيح‏.‏ ويعد من المساجد النادره في الوجه البحري خاصه في تخطيطه وزخارفه وطريقه بنائه حيث بني علي الطراز المملوكي واستخدم كمدرسه‏,‏ ويتكون كصحن مفتوح ارضيته محلاه بالفسيفساء ويضم اربعه ايوانات أكبرها ايوان القبله ولكل إيوان منها سقف مزين بالاخشاب بديعة الزخارف وكانت الايوانات مخصصة لتدريس المذاهب الاسلامية الأربعة .
وجميع الاسقف ذات زخارف بديعه الصنع‏.‏ ويقال أن السلطان الظاهر بيبرس هو الذي حضر وفاة جمال الدين أثناء مرضه بدمياط وجهز وبني له هذا المقام في القرن السابع الهجري.
قبة الدياسطي من القباب الإسلامية المهمة وقد بنيت خلال العصر العثماني وهي ذات قيمة فنية عالية وتنسب القبة إلى حسن الدياسطي بن جابر الأنصاري وهي قبة بصلية الشكل مقامة على حجرة مربعة ومنطقة الانتقال من مربع إلى مثمن عبارة عن مربعات ومقامة على أربع مقرنصات على شكل عقد ثلاثي.

[Romeeoo]

ايه يا جماعه محدش بيحب الأثار هنا ولا ايه

[mokhtar872000]

ازيك يا روميو شكرا على الصور الجامده على فكره انا دمياطى ومن ساعه ما اعيد افتتاح مسجد المعينى وانا بصلى الجمعه فيه على طول بس فعلا المسجد ده بحس فيه باحساس جميل جدا مجرد انى اقعد اتامل فيه كانى رجعت 800 سنه لورا ايام المماليك

[AbOnOrA]

انا لسه شايف الموضوع بصراحة تسلم ايدك اضافة مفيده جدا انا شخصيا اول مره اعرف ان فيه مساجد عمرها اكتر من 700 سنة فى الوجه البحرى بس للاسف ككل المساجد القديمة فيه ضريح وده مخالف للسنة على اعتقادى

[Romeeoo]

هو الضريح مش جوا الجامع الضريح فى غرفة موازيه للجامع والمدفون فيها تاجر مش ولى ولا حاجة ومالوش نصب ولا شاهد ارض مسطحه مفروشه موكيت وبس

تقدر تشوف الموضوع التانى بتاع مسجد عمرو بن العاص اهو ده واحد من اول مسجدين فى مصر وافريقيا واحد ف دمياط والتانى فى القاهرة والإتنين إسمهم بنفس الإسم