اعتقال المجاهرين بالافطار فى نهار رمضان

[salahabdelnabi]

10 منظمات حقوقية مصرية تدين اعتقال المجاهرين بالإفطار


أعربت عشرة من منظمات حقوق الإنسان المصرية اليوم الاثنين عن رفضها القاطع لتصريحات مساعد وزير الداخلية لشئون الإعلام، والتي زعم فيها أن قيام الشرطة بالقبض على "المجاهرين بالإفطار" في شهر رمضان يستند إلى أساس قانوني.

ودعت المنظمات الحقوقية مكتب النائب العام إلى إصدار بيان فوري لتأكيد عدم مشروعية قيام الشرطة بمثل هذه الحملات غير القانونية، والتي تمثل "انتهاكا واضحا للدستور والقانون وتعديا غير مقبول على الحقوق الشخصية".

وأكدت على ضرورة الإفراج الفوري عن أي شخص قد يكون محتجزا في سياق هذه الحملات غير القانونية ومساءلة القائمين على هذه الإجراءات غير المشروعة.

وكانت تقارير صحفية نشرها عدد من وسائل الإعلام المصرية قد كشفت على مدى الأسبوع الماضي عن قيام الشرطة في بعض المحافظات ـ وعلى رأسها محافظة أسوان ـ بإلقاء القبض على عدد من المواطنين أثناء تناولهم أو شرائهم للطعام أو الشراب أو تدخين السجائر خلال ساعات النهار، ونفى مساعد وزير الداخلية لأمن أسوان اللواء ناجى الحصى حقيقة هذه التقارير .

وكان مساعد وزير الداخلية لشئون الإعلام اللواء حمدي عبد الكريم قد قدم تبريرا لعمليات القبض على المفطرين وقال إن هذه العمليات تستند إلى القانون، كما هاجم المنظمات الحقوقية التي كانت قد عبرت عن انزعاجها من هذه الحملات، مطالبا إياها بالعودة إلى "الحياء" ، ومضيفا: "أطالبهم بقراءة القانون جيدا قبل أن يهاجموا وزارة الداخلية".

وطالبت المنظمات الحقوقية المصرية اليوم وزارة الداخلية وعلى رأسها مساعد الوزير بتقديم النص القانوني الذي يبرر قيام الشرطة بهذه العمليات غير المسبوقة.

ومن بين المنظمات الموقعة على البيان المبادرة المصرية للحقوق الشخصية، الشبكة العربية لمعلومات حقوق الإنسان، مركز القاهرة لدراسات حقوق الإنسان، مركز النديم لتأهيل ضحايا العنف، مركز هشام مبارك للقانون، مركز أندلس لدراسات التسامح، الجمعية المصرية للنهوض بالمشاركة المجتمعية، المركز المصري للحقوق الاقتصادية والاجتماعية، مؤسسة حرية الفكر والتعبير، البرنامج العربي لنشطاء حقوق الإنسان.




منقول
المصدر http://www6.mashy.com


والسؤال الان



الدين ....... أم .....الاخلاق ........... أم ..... القانون ؟؟؟؟؟!!!!!! ptmnlo123per111

[AHMEDCAR]

الدين طبعا

و الله انا شايف ان الاجراء ده كويس جدا علشان العالم الجبلات دى

ده ياراجل النصارى مش بياكلوا فى نهار رمضان احتراما للمسلمين

[bmkbmk]

على فكر ة الحكاية دى موجودة هنا فى الكويت
عقوبة المجاهرة بالافطار فى نهار رمضان غرامة 100 دينار (2000 جنيه مصرى) + الحبس لمدة شهر أو احد العقوبتين

[Ahmed Abo Elmkarem]

والسؤال الان الدين ....... أم .....الاخلاق ........... أم ..... القانون ؟؟؟؟؟!!!!!!

بعد إذن حضرتك يا استاذ صلاح انا شايف ان السؤال ده فيه جانب من عدم الصواب لان اللى عنده دين و متمسك بيه حيبقى عنده اخلاق و فى نفس الوقت حيحترم القانون و مش حيحط التلاتة فى مواجهة زى اللى حاصل مع الناس اللى فاطرة ديه.......

يعنى مثلا لو انا متمسك بدينى يبقى حاصوم و بكده انا محطتش نفسى تحت طائلة القانون الغريب ده.........

اما لو واحد معندهوش دين و فاطر بمزاجه يبقى اكيد مش عنده اخلاق و مش حيهمه قانون و لا يحزنون و لو اتقبض عليه يوم حيعد اليوم التانى يحف فى بيتهم.......

اما بقى من ناحيتى فانا اعارض مثل هذا القانون لو موجود و ده للاسباب التالية:
1-يقول الله تعالى فى حديثه القدسى : كل عمل ابن ادم له الا الصوم فهو لى و انا اجزى به, يعنى لو انت بتعمل كده عشان تخليه يصوم و افترضنا انه صام يبقى صام عشان خايف من القانون مش من ربنا و يبقى صيامه رى قلته......اما لو بتعمل كده مراعاة للصائمين فده مش مبرر عشان اللى عايز يصوم حيصوم عشان ربنا و لو جبتوله مية زمزم قدامه كده......
2-هما بقى حيسيبوا شغلهم و يسئلوا الناس اللى فطرة انت مسلم و لا مسيحي؟؟؟؟
3-و بعدين الاسلام محلل الافطار فى بعض الحالات زى المسافر و المريض و المراة الحائض و النفساء........ حيعملوا معاهم ايه بقى؟؟؟؟؟؟ و لا حيمشوا بقى بعربية دكاترة اى ست يلاقوها بتاكل يقوموا منزليلنها دكتورة و اى راجل يسئلوه انت مريض و لا مسافر و يقوموه كاشفين عليه و على الجمل بتاعه.........

ده و جهة نظرى الشخصية و محدش يزعل منى لو مختلف معايا

Dr.Ahmed Abo Elmkarem

[islam_galal]

المشاركة الأصلية كتبت بواسطة Gazzar بعد إذن حضرتك يا استاذ صلاح انا شايف ان السؤال ده فيه جانب من عدم الصواب لان اللى عنده دين و متمسك بيه حيبقى عنده اخلاق و فى نفس الوقت حيحترم القانون و مش حيحط التلاتة فى مواجهة زى اللى حاصل مع الناس اللى فاطرة ديه....... الانسان المثالي غير موجود ، و الإنسان مأمور شرعا أن يضع الدين أولا ثم العرف (الاخلاق) و المواطنة (القانون) يعنى مثلا لو انا متمسك بدينى يبقى حاصوم و بكده انا محطتش نفسى تحت طائلة القانون الغريب ده......... حضرتك كده أخدت قاعدة كبيرة قوي و طبقتها علي موقف وحيد ، ترتيب الاولويات في كل شئون الحياة و مع ذلك لو تعارض الدين و الاخلاق يبقي الدين و لو تعرضت الدين و القانون يبقي الدين اما لو واحد معندهوش دين و فاطر بمزاجه يبقى اكيد مش عنده اخلاق و مش حيهمه قانون و لا يحزنون و لو اتقبض عليه يوم حيعد اليوم التانى يحف فى بيتهم....... مش دايما الدين و الاخلاق و القانون متحدين و الا مكانش يبقي في مشكلة اما بقى من ناحيتى فانا اعارض مثل هذا القانون لو موجود و ده للاسباب التالية: 1-يقول الله تعالى فى حديثه القدسى : كل عمل ابن ادم له الا الصوم فهو لى و انا اجزى به, يعنى لو انت بتعمل كده عشان تخليه يصوم و افترضنا انه صام يبقى صام عشان خايف من القانون مش من ربنا و يبقى صيامه رى قلته......اما لو بتعمل كده مراعاة للصائمين فده مش مبرر عشان اللى عايز يصوم حيصوم عشان ربنا و لو جبتوله مية زمزم قدامه كده...... (‏كنتم خير أمةٍ أخرجت للناس تأمرون بالمعروف وتنهون عن المنكر‏) 2-هما بقى حيسيبوا شغلهم و يسئلوا الناس اللى فطرة انت مسلم و لا مسيحي؟؟؟؟ إيه المانع و لو أن المسيحيين لا يفعلوا ذلك في غالبية الاحوال 3-و بعدين الاسلام محلل الافطار فى بعض الحالات زى المسافر و المريض و المراة الحائض و النفساء........ حيعملوا معاهم ايه بقى؟؟؟؟؟؟ و لا حيمشوا بقى بعربية دكاترة اى ست يلاقوها بتاكل يقوموا منزليلنها دكتورة و اى راجل يسئلوه انت مريض و لا مسافر و يقوموه كاشفين عليه و على الجمل بتاعه......... حتي في هذه الحالات الافطار لا يكون جهرا ، الافطار في هذه الحالات بكفارة أي أنه ليست رخصة و لكن استثناء و من المعروف أن الكفارة لجبر النقص ده و جهة نظرى الشخصية و محدش يزعل منى لو مختلف معايا متنفعش تبقي شخصية لان هناك ما يقابلها في الدين ، مش قولتلك في الاول مشكلتنا في ترتيب الاولويات ، الدين أولا و بعد ذلك العرف و القانون و أي شئ طالما لا يتعراض مع الاولوية الاولي ألا و هي الدين و الله أعلي و أعلمDr.Ahmed Abo Elmkarem

أرجو أن يكون نقاش بصدر مفتوح و الزعل مرفوع