اسكودا 98

[eldeepmoh]

السلام عليكم اعضاء هذا المنتدى الكبير -ربنا اكرمنى واشتريت اوكتافيا 98 والعربيه كويسه كبودى وموتورsr الكبير وعفشه وصالون وفيها فتحة سقف وخلصت على 66
وبعد ماشتريت قلت ارفع العربيه واعملها صيانه تغيرزيت وسيور وخلافه المهم غيرت سير الدينامو والكرتيره كان فيها 3لحامت و بتندع زيت لايذكر وانا ماشى العربيه سخنت والمهم طلعت المروحه مش شغاله فروحت اصلحها الصنايعى قلى المروحه دى مش متوصله صح والتكيف متركب على العربيه لان العربيه دى نزله من غير تكييف المهم رجع المروحه على الفيوز بتعاها وفصل التكييف وقلى الشغل ده مش مظبوط لازم ضفيرة تكييف ووصلات التكييف فيها شغل المهم ياعم اعمل حسابك فى 1500:2000 جنيه قلتله انا مش جاهز دلوقتى وربنا يسهل -- من كام يوم كده مع تدوير العربيه الصبح بلاحظ عدم ثبات عداد rpm بيطلع وينزل وساعات العربيه تبطل لازم افضل ساند رجلى على الدواسه لغايت ما تمشى ويثبت بعد كده رحت للميانيكى قلى ترموثتات حراره غيرت ترموثتات ب130ومصناعيه 50 بس المشكله ما تحلتش برده فقلقت من الصنايعى ومروحتش عنده تانى وانا من الاسماعيليه وعاوز حل من الاخوه الاعضاء واو مكان محترم اروح عنده بالعربيه ويعمل اللازم وشكرا لكم واسف على الاطاله

[احمد على 1999]

هى لو فيها صمام ايدل او اتوماتيك شوك شكله بيعلق
احتمال فك و تنضيف الصمام و البوابة بالمرة يجيب نتيجة

[eldeepmoh]

شكرا على ردك يا باشا بس اناكنت عاوز مكان محترم اروح عنده بس اهم حاجه يكون صنايعى ومحترم عشان ميشتغلنيش لان انا على قدى خالص ومرة تانيه متشكر جدا

[احمد على 1999]

العفو يا باشا
و ان شاء الله حد من الاعضاء الكرام يبقى عارف حد كويس فى الاسماعيلية

[eldeepmoh]

لا انا كنت عاوز حد فى مصر فى الحرفيين او اى مكان حضرتك بتثق فيه لان فى عندنا بعافيه شويه وشكرا ليك يا باشا