الحمد لله تم بيع ال 128

[هريدى]

اخوانى اللهم لك الحمد تم بيع عربيتى ال128 فعلا الى صنع العربية دى راجل ربنا يسامحة دة لو كان قاصد يجيب للناس مرض مكانش عمل كدة الحمد لله بعد عناء مع الصنايعية الى ربنا يسمحهم برضة الا من رحم ربى فعلا ناس جزاريين يمكن الجزار عندة رحمة شوية لذا نصيحة من اخوكم لوجة الله تعالى ابعد عن العربية دى لو عايز تركب عربية والله مقرفة لاقصى درجة وبالذت لو دخللك على قدك هتبقى رهينة لشوية صنايعية مش بيتقوا ربنا وتخلص من حاجة يطلعلك حاجة والله انا افتكر ان الكلام قريتة قبل ما اجيب ال 128 لاحد الاعضاء الله يبارك له ماخدش بية ولبست فى الحيط وصرفت كتييير منى اتمزعت فلوس وتروح للاسطى الى يسوا والى ما يسواش ويعملك فيها زويل وكانة بيعمل نووى والله هتتعب لو جبتها وافتكر كلامى زى انا ما بفتكر كلام الاخ قبل كدة ولكم الشكر

[momen_bondok]

انا للاسف أصبحت اعانى من مصاريفها الفترة الاخيرة غير إنى حاسس إن الشاسية ضعيف وكمان ال 128 للاسف لا تصلح للسير فى شوارع مصر المدغدغة

[mr_astra]

العربية دى اخدت عربية العام لسنة تقريبا 1973
لكن احنا فى مصر المرسيدس عندنا بيتكسر مش الـ 28
العربية دى بتعانى من حاجة مهمة اوى وهى الشاسية او الصاج بتعها عموما
فعلا ضعيف او يمكن احنا اللى شوارعنا فيها المشكلة
عربية بتحب الشروخ زى عنيها
وبتعشق اصحابها اللى هما السمكرية والميكانيكية بحس انها بتحب تروحلهم كتير
انا عن نفسي جبت العربية دى يجى 5 مرات وكل مرة اقول حظى هايطلع احلى المرة اللى بعدها لكن ... ما فيش فايد
عارفين لما غيرت العربية وجبت ايامها الريتمو اعدت معايا سنة ما غيرتش حتى طقم بوجيهات .....عربية كانت كويسة اوى
لكن بنظرة مبعدية
عاوز اسالكم لو طلعنا حتى من فئة العربية دى وبقى معانا 20 الف ولا 30 ولا حتى 40 الف اية ممكن نجيبة
اسمحلى اجاوب انا
ممكن نجيب ماروتى فى رنج 20 او ديهاتسو شاريد
او نجيب اكسيل فى اوائل الـ 30 الف
او نجيب عربية يابانى او لانوس او نوبيرا فى اوائل الاربعينات
طب شايفين فى العربيات اللى انا اقترحتها دى فى حالات فعلا كويسة
انا بصراحة شايف ان معظم العربيات اللى فى السوق مكسرة
واللى معاة عربية سليمة اما مش بيبعها او هايكون مبالغ فى تمنها اوى
انا شوفت الاسبوع اللى فات اكسيل صاحبها طالب 40 الف !!!!!!طب دة كلام
النوبيرا الـ 1 فوق الـ 45 الف وحالة مش نمرة واحد كمان

لكن انا من انصار تطبيق النظرية اللى بتقول موديل عالى ولو كانت صينى
على الاقل موديل عالى يعنى اعطال اقل
صحيح الاداء مش مرضى
لكن طبيعة شوارعنا والزحمة ما فرقتش بين عربية اوربي وبين سيات
الاتنين بيمشو على سرعة 40 كم
اية الحل يا جماعة
واسف للاطالة

[nktis]

الحمد لله و ربنا يرزقك و تركب زيرو .