تركيب جوايط بدلا من مسمار الفرده وتنزيل زيت الفرامل

[wael890610]

السلام عليكم ورحمه الله
الحكايه بدات من فتره لما لقيت ان مسمار الفرده بيلف على الفاضى والكاوتش بقه ماسك فى الطمبوره بمسمارين بس والباقيين السن اللى بيمسك فيهم اتاكل
طبعا قولت يمكن يكون العيب فى المسمار نفسه ونغيره بس اتضح ان السن اللى بيمسك المسمار فى الطمبوه هو اللى باظ
وكان راى الزملاء فى الموقع وبره الموقع اننا نخرط الطمبوره ونخلى المسمار اكبر ومش مشكله ان يبقى فى مسمارين بمقاس مختلف ممكن نركب لقمه تفكهم
روحت المخرطه وقام خرط الطمبوره بانه جاب حاجه توسع السن اللى بيمسك فيه المسمار بحيث انك ممكن تدخل مسمار جديد بسن اكبر جديد انت عملته
وقولت كده الدنيا تمام .......... مافيش اسبوع الفرده نامت ولقيت المسمارين الجداد سنهم دايب ومش بيمسكوا فى الطمبوره تانى
واكتشفت ان الموضوع ده ولا ليه ايتها لازمه
وبعد سؤال اهل العلم والمعرفه قالولى خليك فى اليابانى ركب جوايط
بيكون شكلها زى الصوره دى



هتلاحظوا ان اللى بيربط هنا صاموله مش المسمار 14 بتاع البرايد وبتكون المسامير متثبته فى الطمبوره وظاهرلك من الجنط السن اللى بتركب فيه الصاموله
===========
متابع معاكم علشان بس اصلى الفجر