يوميات نوبيرتي ...

[nktis]

الحمد لله ربنا رزقني و جبت نوبيرا 2 موديل 2001 مانيوال سوداء .,. مرايات كهرباء و فيها تكييف بس عايز يتشحن و سنترلوك بس عايز اشيله و اقفل بالمفتاح حسب ما اتعودت .!.
العربيه الحمد لله ممتازه ,,, واخدها من واحد صديق لاخي الاكبر و معرفه جامد .,,. و هو بيايع مش عشان بيغير هو كان محتاج فلوس و عرضها و قلي عليها و علي كل اللي فيها , اساسياتها تمام فبريكه دواخل بس رشه بره , رفعتها و الحمد لله نطيفه مفيهاش بارومه .,. طبعا اول ما اخدتها عملتلها دوره صيانه و غيار زيت و زيت للباور و ربطت العفشه .,. انما فاهمين بقي انها مستعمل مش زيرو يعني سماعه مشروخه و كانت فيه اشاره مش شغاله و اتعملت و كانت محتاجه جوز كوتش قدام و دواسه البنزين كانت تقيله نوعا ما و كانت بتزهقني تحديدا في الطلعه علي الاولاني بتنط بس اتعملت بتغير الاكسيبراتير تقريبا .؟. و طرمبه البنزين و بقيت تماااااااااااااام .,,. فاي رفايع من دي بتظهر و يكون فيه قرش باعملها و ناقصني بس ده مش دلوقتي خالص لما اعدي فقراير هو فرش جلد كويس .
( انا مش خبير و للاسف شاري دماغي كل الشغل اللي باعمله معايا سواق علي الديمكس بياخدها يظبطلي اللي فيها و يجيبها و بيقلي مش هاتعرف تتعامل مع المكانيكيه و العفشجيه .!!!. و الحمد لله مريحني )
كان نفسي اعمل الموضوع ده من زمان بس ظروف .

اولا ,,, بصراحه كان نفسي اجيب عربيه نادره , من الاخر بي ام قديم e30 .,. بس الموج كان عالي ضدي من الاخوه و الاصدقاء اني اجيب عربيه بياعه و حديثه نوعا ما لاني بعدها قلت اجيب 504 و باحب البيجو و فعلا دورت في صالات مستعمل بس الاسعار فوق ال 40 الف غير انهم واخدين معجون لما مستكفيين فمعجبنيش القديم قووي .,. و اخيرا ظهرت النوبيرا و اتفرجت فيها و طلعت جربتها ( انا متعلم سواقه علي دبابه و حابب سواقتها جدااااااااا ) بصراحه دي اول سواقه ليه لعربيه ملاكي حديثه .؟. ايه النعومه دي ,,, لا مختلفه تماما عن الديمكس في المطبات و الفتيس الناعم و السحب ( التاني نوبيرا = التالت دبابه ) .

ثانيا .,. كنت زهقان جدااا من موضوع دواسه البنزين و كنت فاهم غلط موضوع المستعمل و كأني باشتري زيرو بس كما ذكرت لازم شويه رفايع و فيه ناس بتكبر دماغها و فيه ناس بتعملها اولا باول طالما الاساسيات سليمه اكيد كلنا فاهمين و علي فكره انا من النوع الاول اللي بيكبر دماغه عن الكماليات ( بس باحاول اتغير من تطويق الركوبه قبل ما اتحرك و مسحها و تغطيتها بالليل ) .

و اي استفسار عندي بخصوص اي حاجه هاكتبه هنا و انا عارف و واثق جدااا في اصدقائي عمالقه المنتدي مستر استرا و كارز ادمير و ا.هشام الجزار و ا.سيد .......... الخ و سامحوني اللي ذاكرتي مجبتهمش .,. لان الخبرات في المنتدي الرائع الضخم ده كتيره جداااااااااا .

[نبيل عبدالرحمن]

ألف ألف مبروك يا دكتور نوح على العربية وربنا يبارك لك فيها ويكفيك شرها ، بس هى عايزه محافظة وعايزة تاخد بالك منها وأى شيئ فيها إعمله أول بأول ، وعلى فكرة أنا كنت أمتلك واحدة موديل 2007 نوبيرا 2 وبصراحة موديل 2001 أحسن من الحديث فى الصاج والعفشه
عموماً العربية ثابته وتقيله وعفشتها ممتازه وإعتمادية لحد كبير وإستهلاكها فى البنزين ممتاز وكما واسعه من جوه وتكييفها لو شحنته هاتلاقى تلاجه

[nktis]

الله يبارك في حضرتك يا بشمهندس و الله شرف كبير ليه ان اول تعليق لحضرتك .
و تقريبا هو اللون ده مرغوب .!. بقالها معايا شهر و نص جاني ليها زبونين بيسالوني للبيع .,. بس الكل حذرني اني لازم اخد المطبات بالراحه عشان عيب النوبيرا ان مقصاتها ضعيفه و بتحتاج تتغير كل فتره و كمان عشان العفشه .
بالنسبه لاستهلاك البنزين هي متوسطه مش اقتصاديه قوي زي الانوس و كانت بتاكل بنزين نوعا ما , بس بعد تغير طرمبه البنزين و ضبط الدواسه بقي استهلاكها كويس جدااا .
و ان شاء الله انا ايدي فيها عالطول الي ان اخلصها و اشغل كل حاجتها ( التكييف ) و اغير التالف ( سماعه الباب اليمين ) و انجدها بس ربنا يرزق .

[نبيل عبدالرحمن]

عايز أقولك على حاجه بالنسبة للمطبات ولأن السيارة مش مرتفعة عن الأرض قوى فحاول تاخد المطبات بزاوية 45 درجه عشات ما تحكش فى الأرض

[nktis]

جزاك الله خيرااا و متشكر جدااا علي النصيحه .,. مطبات مطبات .!!!. هي مش بتحك مع المطبات المنخفضه انما فيه مطبات عندنا .!!. باكلها كما ذكرت حضرتك او بنسميها عندنا سبعات .
و جار معاه النترا الشكل القديم قالي اركبلها جلد يايات لانسر مع صدادات مساعدين و علي كلامه هو عامله في عربيته و مش بتحك بتاتا حتي لو محمل الكنبه اللي ورا .,. بس لما سالت و قلت اعملها كتيرررررررر حذرني من اللعب فيها لانها بترفع الشنطه و بتوعم المقدمه بتاعتها فانا مش هالعب فيها و هي عامه مش بتحك الا لو محمل الكنبه اللي ورا و باخد المطب اللي زي كدا سبعات .