زاجاج كهرباء فيرنا لا يعمل

[pharaon]

يا جماعة انا عندى فيرنا كاملة GLS اربعة زجاج كهرباء..المهم الزجاج بطل يشتغل من الكنترول اللى فى باب السائق والكنترول اللى فى كل باب ..وحتى كانت زراير الزجاج الكهرباء المفروض بتبقى منورة نور خفيف كدا مبقتش منورة..عاوز اعرف هل دا فيوز يتغير ولو فيوز يبقى فين مكانه ولا الموضوع كبير ومحتاج كهربائى...


حاجة تانية غريبة معرفش ايه سببها برضه مرتبطة بالموضوع الاشارات بقت سريعة اوى بمعنى انى الاول لما كنت ادى اشارة يمين او شمال بتنور وتطفى بمعدل ثابت معروف دلوقتى المعدل دا زاد بمعنى لما ادى اشارة يمين او شمال لمبة الاشارة ورا وفى التبلوه بتنور وتطفى بسرعة اكبر من الاول


هل دا برضه مرتبط بفيوز ولا حاجة تانى


ياريت الرد فى اقرب وقت علشان اقرر هعمل ايه
مع الشكر

[AbOnOrA]

انا مش معايا فيرنا بس طبيعى فى الكتيب بتاعها هتلاقى خريطة للفيوزات وقيمة كل واحد ووظيفته ووممكن لو معاك بدائل لكل قيمة تغير واحد واحد او حتى تفكة تبص عليه مقطوع ولا لاء لو مش معاك خريطة الفيوزات

وموضوع ان الاشارة تنور سريع ده طبيعى علشان فيه مشكلة الكهرباء ديه بس يستحسن كهربائى يبصلك عليها والموضوع بسيط مش كبير ولا حاجة

[meno elsaher]

كدا ممكن يكون فيوز ضرب
اما بالنسبة لنور الاشارات فا دا معناة ان عندك لمبة محروقة فى يا فى الفوانيس من قدام يا اما من اللى ورا

[pharaon]

طيب النهاردة موضوع الاشارات رجعت طبيعى والحمد لله مافيش اى حاجة محروقة..برضه نور الزراير بتاع الزجاج الكهرباء بقى ينور بس لسه طبعا الزجاج فاصل..النهاردة رحت اشتريت ثلاث فيوزات 10 / 15 / 20 ومسكت علبة الفيوزات اللى عند الدواسات شيكت عليها كلها وبعدها علبة الفيوزات اللى تحت الكبوت شيكت عليها كلها كله تمام وبرضه الازاز فاصل مش شغال