إلحقونى بسرعة ..... أوبل أسترا 2007

[Mahmoud Tifa]

السلام عليكم ورحمة الله وبركاته ---- تحية لجميع الأعضاء الكرام وأرجو المساعدة على وجه السرعة

معايا أوبل أسترا 2007 سيدان - إيزى ترونك - 1600 سى سى

- فجأة لمبة التشيك نورت .... السحب ضعيف جداً فى طلعة العربية على الأول والتانى وبعد كده بتسحب عادى

- لما بتكون العربية باردة (الصبح) بتطلع زى الفل ولما بتسخن بتطلع بالعافية

- غيرت زيت الفتيس ونضفت فلتر الهواء ومفيش فايدة

- روحت لأكتر من ميكانيكى ومهندس .... كشف بالجهاز وقالى حساس كامة --- واحد تانى جرب العربية وقالى كلتشات الفتيس --- وأخر واحد قالى يا باشا ده كنترول (كمبيوتر) الموتور (المحرك) وقالى إصلاحه بيكلف فى حدود 1000 جنيه

أرجو الإفادة عن سبب المشكلة من أهل الخبرة .... وإذا كان بالفعل المشكلة بكنترول المحرك ولو قمت بإصلاحه هل ممكن يرجع يعمل نفس المشكلة فى المستقبل؟

وما سعر كنترول المحرك جديد أو إستيراد

أسف للإطالة .... وشكراً للجميع .... تحياتى

محمــود تيفــا ... الغردقة

[Hisham.Elgazzar]

نضف طرنبة البنزين وراجع على الخراطيم وغير الفلاتر
واتأكد ان الشكمان وحساس الأكسجين سليم

[mr_astra]

اعتقد المشكلة فى الفتيس مش الكنترول لان العربية دى مفهاش لمبة فتيس زى الفيكترا فالمحرك بالفتيس ليهم لمبة اعطال واحدة
لو تعرف تجرب بكنترول من اى ورشة عشان تشيل من دماغنا موضوع الكنترول
بس صدقنى افضل الحلول ان العربية تروح الرحفيين عندك هناك اكتر من واحد وممكن هناك تجرب كنترول استيراد ونشوف

[المدير الفنى]

سيدى الفاضل
لازم تقتل الششك باليقين ده غالبا كنترول بس قبل اى اجتهاد عسكر الكهربائي بالحرفيين وانسى
قضى الامر الذى فيه تستفتيان

[Mahmoud Tifa]

ألف شكر يا جماعة ... الحمد لله أنا سافرت لواحد إسمه م. أكــــرم " مركز أوتو سيرفس" مدينة نصر والمشكلة فعلاً كانت فى الكنترول وحلتها الحمد لله

والله م. أكرم راجل قمة فى الإحترام وفاهم جداً جداً فى الأوبل .. أنصحكم أنكم تعملوا أى شغل عندو

شكراً لمجهودكم