لانوس 2004 احسن ولا اوبل فيكترا 99 لو الاتنين بنفس السعر

[dr_sanadedy]

بصراحة السايت ده جميل جدا وانا استفدت منه كتير خاصة انى جديد ف موضوع السيارات ده
وباشترى عربية اليومين دول وانا حتى مبعرفش اسوق
عاوز اخد رايكم ف حاجه
ادامى سيارتين الاتنين بنفس السعر 43000 ومحتار ف المقارنة بينهم وكل واحد من اصحابى يقوللى راى
واحدة منهم لانوس 2004 بحالة جيدة والتاينة اوبل فيكترا 99 حالتها جيدة ايضا ولونها ابيض
فيه ناس بتقوللى ان اللانوس احسن عشان قطع غيارها رخيصة ومتوفرة وكمان 2004 يعنى عربية جديدة
وناس تقوللى لا الاوبل المانى واجمد
انا باه احترت يا ريت تفيدونى ايهما افضل وليه ؟؟؟ ولكم جزيل الشكر

[hazem_khidr]

اهلا و سهلا بيك عضو في مصر موتورز
اللانوس عربيه كويسه و لا تقارن بالفيكترا لان الفيكترا اعلي بمراحل
لو انت عاوز عربيه تقضي بيها مصالحك و خلاص عربيه اكل عيش يعني زي ما بيقولوا يبقي اللانوس
انما لو عاوز عربيه قويه و تستحمل و تعيش معاك و تمتعك برفاهيه عمرك ما حتلاقيها في 100 عربيه لانوس يبقي الفيكترا
بس خلي بالك الفيكترا لازم تكون حالتها ممتازه علشان تعرف تتمتع بيها ولو حالتها مقبوله او جيده حتي
مش حتخليك حاسس انك ركبت عربيه من اصله و حتكره اليوم اللي فكرت فيه في عربيه!!!!

و برضه استني رأي الاخوه يكون عندهم رأي تاني

[MosTafaFox]

والله يا دكتور انا محتار حيرتك بالظبط بس مابين الفيكترا والنوبيرا لانى عايز عربية كبيرة وتكون مريحة فى السفر ولاسره بس برضو خايف من موضوع قطع الغيار ده والصيانة مش عارف بس انا ميال اكتر للاوبل بصراحة حكايه لكن النوبيرا ديه صاجها ورق كيلنكس لو قارنتو بصاج الاوبيل ده غير الشكل الخارجى والصالون والقعدة حكايه حكايه يعنى

[lordluck]

المشاركة الأصلية كتبت بواسطة MosTafaFox والله يا دكتور انا محتار حيرتك بالظبط بس مابين الفيكترا والنوبيرا لانى عايز عربية كبيرة وتكون مريحة فى السفر ولاسره بس برضو خايف من موضوع قطع الغيار ده والصيانة مش عارف بس انا ميال اكتر للاوبل بصراحة حكايه لكن النوبيرا ديه صاجها ورق كيلنكس لو قارنتو بصاج الاوبيل ده غير الشكل الخارجى والصالون والقعدة حكايه حكايه يعنى

واللة كلام سليم وانا معاك فى الكلام دة لانى معايا اوبل فكترا وزى الفل الاوبل غنى عن التعريف سفينة الصحراء اهم حاجة تكون حالتها نضيفة عشان تعيش وممكن تروشنها وتبقى احسن من المرسيدس ومبروك مقدماptmnlo123per1147

[amr_Sahoka2006]

المشاركة الأصلية كتبت بواسطة hazem_khidr اهلا و سهلا بيك عضو في مصر موتورز اللانوس عربيه كويسه و لا تقارن بالفيكترا لان الفيكترا اعلي بمراحل لو انت عاوز عربيه تقضي بيها مصالحك و خلاص عربيه اكل عيش يعني زي ما بيقولوا يبقي اللانوس انما لو عاوز عربيه قويه و تستحمل و تعيش معاك و تمتعك برفاهيه عمرك ما حتلاقيها في 100 عربيه لانوس يبقي الفيكترا بس خلي بالك الفيكترا لازم تكون حالتها ممتازه علشان تعرف تتمتع بيها ولو حالتها مقبوله او جيده حتي مش حتخليك حاسس انك ركبت عربيه من اصله و حتكره اليوم اللي فكرت فيه في عربيه!!!! و برضه استني رأي الاخوه يكون عندهم رأي تاني

انا معاك يا باشا في الكلام ده كلام صحيح وسليم
بس حضرتك م ملاحظ ان سياره فيكترا ب 43 الف شوي ولا ايه؟؟؟