مشكله فى فتيس اوبل فيكترا 96 اتوماتيك

[محمدصلاح القاضى]

هى عربية واحد صاحبى وزى اخويا
العربية حالتها محترمه جداا
الفتيس اتوماتيك وكان محترم
لكن مشكلته ظهرت من مده
لما كان بيعشق ال R كانت فى رجرجه فى الحركه والعربية بترجع كأن العربية جايبه اسطوانه بالنسبه للمانيوال
المهم كان بيسأل على السبب لحد ما المشكله اتطورت معاه وبدأ عزم العربية فى الرجوع يقل جداا
لدرجه ان لو فى زلطه جات تحت العجله العربية تقف ومتتحركش حتى لو داس بنزين
المهم راح لواحد متخصص فى الفتاييس الاتوماتيك وخصوصا الاوبل والاسكودا
طلب انه يغير بلوف الفتيس كلها
وتم التغيير من حوالى يومين
لكن النهارده او تقدر تقول انها بانت من النهارده ان العربية مش سلسه فى الطلعه
يعنى الاول كان بمجرد ما تعشق ال D وتسيب فرامل تحس ان العربية عاوزه تتحرك
لكن دلوقتى لازم تزود بنزين بزياده عن الاول بكتيير عشان العربية تتحرك وكمان العربية مش بتفتح منه بسرعه رغم انه طبعا زى ما ذكرت غير البلوف كلها وفلتر وزيت وطرمبة زيت للفتيس

فاللى مر بالمشكله دى قبل كدا ياريت يقترح لنا حلول او اسباب للمشكله
ومقدمهوش حاليا الا انه يجرب سليكتور ( مشط الفتيس ) تانى ويشوف الوضع هتغير ولا فى مشكله

[محمد فيصل]

دائماً افضل حل لأى جيربوكس اتوماتيك قديم لم يهتم صاحبه به وبمواعيد تغير الزيت له يفضل فى هذة الحالة تغير الجيربوكس بالكامل وعدم اللجوء لأن الجيربوكس اصبح معطوب من عدة جهات وليس من موضوع زيت وفلتر فقط او طقم بلف فالف بودى او عقل او مشط .....
الصيانة الدائمة علاج فعال لإستخدام آمن لأى سيارة