لانسر1600 منيوال VS اوبترامنيوال

[ahmedlion599]

السلام عليكم ورحمة الله وبركاته
وكل عام وانتم بخير
كنت طالب من أعضاء المنتدى الكرام مقارنه بين اللانسر1600 منيوال و الاوبترامنيوال من2006 الى 2008
وكمان انا كنت سمعت ان الاوبترا فيها موديلات فيها عيوب كتير
ارجوا الافاده أصل أنا هبيع ال128 وعايز أجدد
والسلام عليكم

[elkady0]

بكل المقاييس لانسر اقل حاجة هاقولهالك كفايه انها يابانى مش كورى وانت ما حددتش انت عاوزها زيرو ولا مستعمل او فى حدود كام سعر

[hazem_khidr]

الاوبترا بديله للنوبيرا و تحمل نفس موتورها
عربيه واسعه و جميله جدا مافيش فيها عيوب ظاهره علي الاقل لحد دلوقتي.
اللانسر عربيه ذات انتشار قوي جدا و اسم كبير و سهله الصيانه
عيبها الوحيد من وجهه نظري ان سحبها ضعيف شويه مش سحب 1600
لكن مرضي بأي حال من الاحوال لمن يتطلب سياره عائليه ذات طابع شبابي.
انا لو فضلت اللانسر عن الاوبترا حفضلها لان شكل اللانسر بالنسبالي افضل.
مش حبص لكوري و ياباني حبص للعربيه اللي انا مرتاح لها
و اهم حاجه الاستخاره و اللي ربنا كاتبه حيكون.

[ahmedlion599]

المشاركة الأصلية كتبت بواسطة elkady0 بكل المقاييس لانسر اقل حاجة هاقولهالك كفايه انها يابانى مش كورى وانت ما حددتش انت عاوزها زيرو ولا مستعمل او فى حدود كام سعر

شكرا على رد حضرتك وأنا ان شاء الله هجيبها مستعمله عن طريق قرض من البنك الأهلي المصري وانا حاطط رينج من 60 الى 75

[ahmedlion599]

المشاركة الأصلية كتبت بواسطة hazem_khidr اللانسر عربيه ذات انتشار قوي جدا و اسم كبير و سهله الصيانه عيبها الوحيد من وجهه نظري ان سحبها ضعيف شويه مش سحب 1600 .

شكرا لرد حضرتك
يعني حضرتك تقصد ان ال1300 سحبها ضعيف بس انا أسمع ان الالأوتوماتيك هيا اللي سحبها ضعيف
أنا اللي بخاف منه في العربيه علوها أو اذا كانت واطيه لان انا ساكن في مكان شوارعه بايظه جدااا وعايز أعرف اللانسر أوسع من الأوبترا أو العكس وبالنسبه لاستهلاك البنزين وخدمة التوكيل وأسعار قطع الغيار
معلش أنا عارف اني أسئلتي كتير