حلبة ICC حان الوقت لنكتشف قدرتك الحقيقية

[ramy safwt]

السلام عليكم و رحمه الله وبركاته

" يا ريت المشرفين يهتمو و يثبتو لو الموضوع ليه جدوى هنا "

الموضوع انهارده مش موضوع فنى لكنه موضوع خاص بهواة القيادة الرياضية و التعديلات على البريفورمنس

من كام شهر اصبح لينا جار جديد لمدينة العبور اسمه حلبة ICC

و دية حلبة سباقات مصممة لأختبار الاكسيليرشن و الدرفيتنج و الدرايفينج ستايل هتنفع للشورت للدراج

الطريق للحلبة دية سهل لسكان القاهرة الشرقية القليوبية الاسماعلية بعد كده انت بتسافر لكن مره ولا مرتين فى السنة مش حاجه يعنى ولا ايه كأنك رحت مصيف

على طريق اسماعلية صحراوى بعد ما تعدى نفق العبور بيكون على يمينك مدخل قبل كارفور بتمشى شوية بتلاقى نفسك وصلت للحلبة الطريق ميتوهش و دية الخريطة



نيجى بقى لتصميم الحلبة شوف الصورة دية للتراك



دية رسمة توضيحية للتراك و النقط اللى عليه




و دية شوية صور للتراك
















انا هسيبكم تتفاجئو بطول التراك ده من خلال الجوجل ايرث


دلوقت اللى بخطط ليه كالتالى و عاوز اعرف مين معايا و مين مش معايا

ان شاء الله هنظم حدث هناك اول شهر اكتوبر خطة الحدث كالتالى

دراسة جدوى مالية للحدث ده :-

ايجار الساعة للتراك كله 500 ج انا هأجره 3 ساعات بقيمة 1500 ج

هيتجاب المبلغ ده من المشاركين هيكونو عبارة عن 15 مشارك كل مشارك هيتحمل 100 ج

هيتم دعوة 3 رعاة فقط منهم شركة مشروبات هتقدم مشروبات للجمهور و شركتين كبار واحده هتقدم 3 جوائز للمراكز الاولى فقط و غالبا هتكون مادية فى 3 تحديات هشرح دية تحت
و شركة هتقدم 6 جوائز للمراكز الثانية و الثالثة فى التحديات الثلاثة و غالبا هتكون قطع غيار خاصة

الجمهور هيحضر مجانا و هنوزع المقاعد بالحجز مفيش تذاكر للجمهور العرض ده للتسلية و ليس للربح ( على الاقل فى التجربة الاولى ليه )

التحديات الثلاثة :-

التحدى الأول :-

هيكون شورت دراج ببساطة لازم تبداء و تنهى السباق بدون ما تخرج عن التراك او تعطل فى اقل وقت ممكن

التحدى الثانى

هيكون نوكد اوت و ببساطة هيكون في 4 لفات فى كل مره بيخرج النص الاخير يعنى اللفة الاولى هيخرج 7 و يفضل 8 اللفة الثانية هيخرج 4 و يفضل 4 اللفة الثالثة هيخرج 2 ويفضل 2 اللفة الرابعة هيفضل متسابق واحد فقط

التحدى الثالث

و هو اختبار حقيقى لعديل البريفورمناس للسيارة هيكون رادار كاميرا جزء من التراك خط مستقيم هتبداء من نقطة الانطلاق لحد الرادار اللى هيسجل اعلى سرعة هيكسب التحدى ده


توزيعة لقب البطولة هتكون كالتالى

التحدى الاول عليه 7 درجات التحدى الثانى عليه 10 درجات التحدى الثالث عليه 3 درجات

التحديات الأول و الثالث فيها فائز اول و ثانى و ثالث و لقب البطولة فيه اول و ثانى و ثالث عشان كده كانت التقسيمة اللى قولت هشرحها


خطوات التقدم للسباق

1-رخصة قيادة مر عليها سنة على الاقل
2-سيارة مملوكة لقائدها غير مؤجرة او جمرك
3-عشان نضمن مستوى الحدى الحد الأدنى للقدرة الحصانية 150 حصان فما اكثر
4- يسمح بأستخدام النيتروز
5-تعهد من قائد السيارة بالتزام تعليمات و قوانين ادارة الحلبة المتعلقة بسلامة و الأمن

اللى مهتم او يعرف حد مهتم يكتب هنا الاول و بعد كده يراسلنى على الخاص

* ملحوظة مسموح بمشاركة السيدات


الخطوات التنظيمية الجارية

1- مخاطبة ادارة الحلبة ( تم بحمد الله )
2-الاعلان على منتديات و مواقع السيارت ( بداء بحمد الله )
3- اتسقبال طلبات المشاركة ( اما نشوف و ربنا يستر )
4-معاينة السيارات و التأكد من المستندات ( لسه بدرى )
5-التأكيد على الرعاة للحدث ( اما يكمل الملف كله )
6- الاعلان عن الرعاة و بداء الدعايا التلفيزيونية ( جارى التنسيق )
7- حضور المتسابقين و تسديد الرسوم و تجربة الحلبة ( لسه بدرى )
8-الموافقة الأمنية و اعلان تاريخ الحدث ( مبداءيا الحدث هيكون فى اكتوبر )
9- حجز التذاكر للجمهور مجانا ( لما نخلص الخطوات الاساسية هنعلن هنا و هناخد جمهور من مصر موتورز قبل اى حد تانى )
10- بداء الفعاليات ( يا رب )

[محمد فيصل]

يسر الله الامر وإن شاء الله يتم على اكمل وجه

[sherifabden]

فكرة جميلة جدا يارب تنجح :D

[ramy safwt]

2 تفاعل اشكركم - صفر مشاركة بداءت احس ان المنتدى نفسه مهجور

[AbOnOrA]

معلش يا رامى انت شايف الاحداث فى البلد وكملت بان المنتدى نفسه كان عطلان الايام اللى فاتت

عموماً انا معاك ومستعد اشتغل معاك فى التنسيق واى دعم محتاجينية بس المهم امتى يتعمل كل ده فى ظل الظروف الحالية ؟؟