استفسار ضرورى عن البرايد سيدان

[محمد البيلى]

السلام عليكم ورحمة الله وبركاته

إخوانى الكرام ، أنا لسه شايف انهاردة برايد سيدان موديل 2000 معرفش هى مصرى ولا إيرانى ولا فيها كماليات ولا لأ..
كل اللى أعرفه عنها إنها فابريكة عدا خبطة جانبية بسيطة جدا تترد على البارد بدون دهان.. والاكصدام فى حتة مدهونة..
عدا كده ، العربية هشتريها من مالكها الثانى ، وكانت مرفوعة 6 سنين ، عاملة 85000 كيلو متر بس..

الراجل بيتكلم فى 33000 جنيه .. السعر ده كويس ولا عالى؟

[anwss]

انا معايا نفس العربية دي واشتريتها ب 27 الف ، ولما سألت ع سعرها بعد ما اشتريتها الميكانيكي قالي ان سعرها كدا غالي ، السعر اللي طالبو ده عالي ، لان العربية جديدة موديل السنة بتعمل حوالي 60 الف

[محمد البيلى]

شكرا لردك السريع..
لكن معلش اعذرنى ..
أنا دوخت وأنا بدور على النت ، لاقيت ناس عارضينها للبيع بسعر أكبر من كده ، لدرجة إن فى ناس واصلة بيها لحد 43000 ، وفى ناس بتتكلم فى الثلاثينات..

ايه سبب الفرق الشاسع فى الأسعار ده؟
وهل فى حد آخر من أعضاء المنتدى عنده رأى تانى؟

[anwss]

اسعار النت بيطلبوا عالي عشان لما تفاصل معاهم ، لكن سعر السوق الحقيقي غير النت خالص ، وبيبقى فى كلام تاني لما تيجي تشتري ، ال 33 ممكن تنزل 27 او 25 كمان ، لما تجيب ميكانيكي كويس يكشفلك عليها

[sherif sadeek]

السلام عليكم
معلش معتقدش الفروق الكبيرة دى البرايد مازالت مسكه سعر كويس بكل موديلتها ومتوصلش ابدا للسعر دة الا لو وقعه قوى او عايز يخلص وخلاص