مساعدة ضرورى فى طنابير الفيرنا والتيل

[memodina1]

السلام عليكم ورحمة الله
انا قبل ما اعمل اى حاجة بسال هنا الاول لانى عارف اد اية الاعضاء هنا متجاوبة وفدونى كتيير
المشكلة انى عايز اخرط الطنابير عشان فيها ريجة فوق 100 ك
رحت اخرطها عند واحد معرفة وجار ليا قالى هعملهالك صح قام الراجل العفشجى قالى لازم تغيير تيل فرامل
حتى لو اللى راكب جديد
هو فاكر التيل ب 100 جنية مش عارف انى بجيبة من التوكيل بـ 380 جنية
لانى تعبت من التيل الصينى والكورى والحوارات دى كلها فاشلة حتى موبيس جربتة وبيصفر
الوقتى انا ماشى حوالى 5000 كيلو بالتيل الاصلى وباقى فية كتير
سؤالى هل ينفع اخرط الطنابير واركب التيل عادى ومش هيحصل حاجة للطنبورة ولا التيل عشان طبع على الطنبورة قبل الخرط ممكن يرجع الطنبورة زى ما كانت
محتاج رايكم وشكرا لكم جميعا

[فهمى]

هو مش ممكن تودى التيل للخراط يصنفره او يكشطه او يمسحه بأى شكل ليستعدله ؟طالما هو جديد

[memodina1]

المشاركة الأصلية كتبت بواسطة فهمى هو مش ممكن تودى التيل للخراط يصنفره او يكشطه او يمسحه بأى شكل ليستعدله ؟طالما هو جديد

شكرا على ردك جدا
ملحوظة صغيرة سبب انى خرط الطنابير اول مرة ومكنتش كملت بالعربية 25000 كيلو كانت زيرو السبب انى كانت الطنبورة بتبقى سخنة ناااااااار وانا اجيب مية سقعة واكب عليها بالخرطوم ومكنتش اعرف انى دا غلط يبوظها وبعدها خرطها مرة ورجعت تانى وسبتها كتيير وخرطها من 7 شهور كدة واهى ابتدت ترجع تانى وعلى طول بلاقيها عملت دوائر على سطح الطنبورة فهل الدوائر دى السبب ولا الطنبورة فيها لوحة ودا السبب والدوائر دى ملهاش علاقة بالموضوع واتمنى تجاوبنى لانى رايح بكرة اشوف الموضوع فارجو انك تدلنى للصح واعتقد الطنبورة فيها سماكة مش رفيعة وشكرا

[احمد على 1999]

ازيى حضرتك يا استاذ محمد كل سنة و حضرتك طيب
الصراحة مش عارف بس اكيد ان شاء الله حد خبرة يفيدنا فى الموضوع دا
هو فعلا منطقى ان كله يبقى مظبوط و مطبع يا الا حترجع تبوظ تانى

[memodina1]

اشكر كل من شارك واشكر استاذ احمد على مشاركتة وكفاية انى حضرتك شرفت الموضوع
عموما اللى عملتة بصراحة رحت مسيت على الطنبورة يدوب حاجة بتاع مللى وبعدين شلت من التيل برضة سويتة عند الخراط لانة كان يعتبر جديد وركبت كلة على بعضة والحمد لله الرجة راحت بس طبعا هترجع تانى بس ربنا يسهلها لما ترجع ابقى اجيب 2 كورى بدل المصرى اللى نازل مع الفيرنا واهى ماشية كويس الحمد لله شكرا لكم