تجربتى مع سيراتو 2013 خليجى اول فئه اوتوماتيك

[hambosi]

حبيت اضيف تجربتى مع السيراتو 2013 خليجى اول فئه اتوماتيك 4000 كم النهارده
المواصفات
اتوماتيك
1 ايرباج
4 زجاج كهرباء
سنتر
تكييف
شاشه 7 بوصه تاتش دى فى دى بلوتوث جى بى اس
فوجات
كاميرا خلفيه
مرايات و مقابض سوداء
جنوط و استبن 15 بوصه طاسات
صالون واسع و مريح جدا تحس بالفخامه جواه
تسارع العربيه ممتاز صوت الموتور بيبداء يظهر من الداخل بعد ال 140
استهلاك حلو جدا فى البنزين مع السرعه العاليه و التكييف و عدد 4 افراد فى العربيه كانت السرعه 140 و استهلاك البنزين 7.8/100كم
ناعمه فى المطبات غير الشكل القديم
الحاجه اللى مزعلانى من العربيه ان لو 3 اشخاص احجام طبيعيه فى الكنبه الخلفيه بدون شنط الكاوتش الخلفى بيحك فى الكارتيره و ده شى مزعلنى جدا مش عارف بقى ده عيب فى عربيتى ولا كل العربيات كدا
سعر 140 الف

[sherifabden]

الف مبروك على العربية ربنا يديك خيرها ويفكيك شرها
بس انا ليا كام استفسار
1/ الثبات اخباره ايه ؟؟
2/ الابعاد صعبة ؟؟

[reda310]

فعىلا الثبات اخباره ايه وبتحك من تحت ولا لا ؟

[sherifabden]

ومعلش سؤال تاني جبتها من انهي معرض ؟؟

[برنس الليالي]

تسلم يا برنس هي اصلاً النيو سيراتو عربية فخمة وإن شاء الله الاخوة يفيدوك في حوال الحكة الخلفية

بس انا عندي سؤال بسيط ... هي الفئة اللي مع حضرتك فيها ليدات امامية وخلفية وفتحة سئف ؟