موضوع عن bmw e36

[عمرو وحيد]

السلام عليكم انا كان عندى شوية اسائلة بخصوص bmw e36 من موديل 1993 لى 1997
كنت عايز اعرف هل الموديلات دى بترفع حرارة
اصل بسمع من ناس كتير انها حرارتها بتبقا فوق النص او على النص لو فى يوم الجو حر اوى ومسكتها طريق هتسخن منى وترفع حرارة
وناس كتير قولولى بدل ماتيجب bmw بى الفلوس دى هاتلك عربية تكون مثلا 2008 زى اوبترا النترا

وكمان هتبقا مش مستهلكة كتير لكن bmw لو جبتها من الموديلات دى هتبقا مستعملة كتير
وحاجات كتير عقدونى فى الماتور علشان هيكون مستهلك كتير بردو
انتو اية رايكو فى الكلام دا

[world_of_kill]

انت مصدق !!
امال اللي في الخليج اللي ولعه عن هنا دا ايه ؟
انا الكهربائي قعد يقنع فيا 3 شهور اني مجبش ال 36 و في الاخر الصبي قالي عشان العربيات دي ما بتعطلش
و دلوقتي بقالها معايا سنه عرفت ليه مكنش عايزني اجيبها فعلا ما بقتش اروح غير عشان اروش العربيه اطقم زينون طقم ساوند شغل رواقه لكن غير كدا الحمده الله مفيش
مؤشر الحراره بيبقي علي النص و او سنه زياده دا الطبيعي بتاعه صيف او شتا هيه كدا

في ناس عندها مشاكل زي بتبقي علي الربع الاخير او الربع الاولاني

فكرة المشكله ممكن اغلب الناس متعرفش ان الردياتير بتاع العربيه دي ما بيتزودش غير و هيه بارده و تكون واخد منو هوا

العربيه دي لو حتركبها 4 سلندر يبقي تجيبها بعد موديل 94 عشان تكون المكنه الجديده لان القديمه فيها مشكله و عامتا المكنه كلها علي بعضها 2000 جنيه
اما لو حتركبها 6 سلندر اركب اي موديل منها

قطع غيار برخص التراب
كان معايا قبل كدا فيرنا 2009 و قبلها لانسر كرستاله 98 و قلهم 132 كل واحده منهم قعدت معايا سنه او اقل
البي ام مش راضي افرط فيها لغاايه دلوقتي و كل شويه ناس توقفني اني ابيع بس لا و ان شاء الله هيه عربية العمر

بس خلي بالك و انت بتشتري من حكايه انها تكون نصين بس مش منتشر اوي غير في الكوبيه و الكابورليه

و منتشر اوي انك ممكن توقع واحده معوقين تكون كويسه

سعرها لو مكنه 4 سلندر موديل 92 - 95 في حدود ال 55 - 65 علي حسب فبريكه بالكامل و لا رشه بره

موديل 95 - 98 من 62 - 70 دي اسعار الاربعه سلندر لو عايز سته بتزود في حدود 10 علي الاسعار دي

[ahmed_eng2001]

انا موافق على كلام حضرتك ... من خبرتى مع عربية صديقى فى العمل ... كانت معاه بى ام دبليو دبانة موديل 94
العربية اخدت شوية مصاريف منه فى الاول علشان المالك السابق لم يكن مهتمبها و كان بها بعض الاصلاحات ..... و بعد ما خلص التصليحات ... فضلت معاه سنة كاملة معملتش معاه مشاكل

[عمرو وحيد]

انا متشكر جد لحضرتك انا قدامى واحدة معاقين فعلا وعاملة 75 الف كيلو على 88 الف هى موصفات اروبى موديل 1997 مانول انتا رايك اية

[عمرو وحيد]

انا متشكر جدا ليك بس انا كان قدامى واحدة موديل 1997 معاقين وعاملة 75 الف كيلو كان طالب 88 الف بس انتا اية رايك
وكان عندى استفسار اخير هو الموديل دا اخر شكل فى e36
والموديل دا اية نظامة ؟؟