تجربه قياده لانسر 1600 2013

[FAR!D]

مساء الفل يا جدعان انا اول مره النهارده اجرب الانسر و انا اعتذر لها من كل فلبي على مابدر مني في حقها بداخل نفسي
انا بأمانه كنت بكرها عمى و بعتبرها عربيه تيت عشان الي المصريين متبتين فيها لرخصها و باقى خصال المصريين
العرييه مش عربيتي انا معايا و الحمد لله نوبيرا اروبي 99 و خلي بالكم العربيه ديه بالذات محترمه اوي عشان اروبي المهم النهارده كنا في مشوار و اصر هوا انه انا اللي اسوق عشان بيثق في ارائي عشان الحمد لله بتواضع طبعا عارفلي معلومتين تلاته في العربيات على قدي ممشي نفسي بيهم يعني و كل ياعيني ما يجي يشتكيلي منها اقوله مانا قولتلك عربيه بنت تيت و ابو التيبت الللي جايبها
بس ركبت العربيه بس الله الرحمن الرحيم طلعت بخوف و حرص طبعا عشان عربيه غيري و هيا اصلا عربيه تيت فاخايف وهيا لسه زيرو يجرلها حاجه البسها لكن ربنا ويرزق حد بيا على طريق بعربيتي حيزززززعل
طلعت بالعربيه انا حقول ماليها وما عليها اللي لاحظته النهارده ,العربيه الاول ماكملتش 2000 كم اتوماتيك اسيبترونك 1600 خلي بالكم زيرووو:
*انا انبهرت بالقعده حلوه على اللي انا كنت بكنه ليها من كره
*الماتور قوي بس انا عارف من الاول ان اللانسر ماتورها حامي بتاع جري يعني الاوتوماتيك فيها قوته زي النوبيرا المانيول بس بردوا النوبيرا معزوره لسنها و شيبتها P:
*الطابلوه لحد ما خامته كويسه يعني لا مرسيدس ولا ماروتي مع الاعتذار لملاكها انا قولت اهوه
*يااااه بعد سنين طويله غيروا عدادات عربيه جدي ديه!!! ديه ولا كانت عدادات السيزتافا هههههه لامؤاخده يا ملاكها بردوا الومينيتور و حركات و البنزين ديجتال عيني عليكما بارده
*واسعه وانا اللي فاكرها علبه سردين بنت ال....
*الكيك داون بتعاها لذيذ جدا وحلو
*ماحسيتش بالنقلات للفتيس و الفتيس استجابته حلوه للمانويل و للحرق على الغيار وهيا اتوماتيك عادي لو حبيت
انبهروتوا؟؟؟؟؟؟!!!! نيجي باه للحيسخن نجوم اللانسر عليا ههههههه
*العزل ؟ عزل انت ههههه ..... سئ جدا اوي للغايه مش متوقع من عربيه موديل السنه
*الثبات مش ولا بد حسيت بغدر و انا على 140 كان تحتي حته اسفلت خشنه لقيت التاره بتلعب بايدي بس على مين؟ مع ان الكاوتش 195
*العفشه ناشفه مقابل الثبات مش زايد يعني ماعرفوش يعوضوا ده باده ولوني عازر اللي حيقول لسه العربيه ملينتش عافشتها
*حاجات غريبه متفهمش هما نسينها و لا قصدين زي انوار غيارات الفتيس و مفيش اضاءه في زراير الزجاج الولاعه مش بتنور مع التابلوه
* اخيرا و انا سايب ده للاخر .... التكييف ..... سئ و مش عارف اقول ايه تاني زفت مثلا؟ لا بجد و الله بدون مبالغه التكييف وحش اوي احنا سنه 2013 و العربيه سعرها عالي و التكييف مستواه كده ؟؟
بصوا الواد ياعيني كان طالع من تويوتا 99 ركب اللانسر موديل السنه باااااااه عارفين من اسبوعين عايز يعمل ايه ؟؟ عايز يبعها والله العظيم عايز يبعها عشان التكييف ده بيحكيلي اساطير عن تكييف التويوتا جمبها فاقولت انا بردوا احكم بالعدل و اجربه النهارده لا بجد وحش اوووي و كمان ايه مركب عايز حراري امريكي و ستاير كبس و لسه وحش كل اجازاته في التوكييل عشانه و التوكيل نفسه بيقوله بعد ماكشف و زود فريون هوا عيبها السنادي كده عشان كباسها مش عارف ايه غيروه بواحد تاني غير الاولاني
و الله العظيم تلاته كان صاحبها الاجازه اللي فاتت قاعد في دايموند مع المدير الاقليمي و قاللولو انه عايز يقابلوا نظرا لتكرار الشكاوي فصحبي راحلو و قالي انت مالك بتشتكي من ايه قاله وحكاله على اللي عمله معاه التوكييل من كل الطرق و اللي هوا كمان مركبه فيها عشان يعدل حالها قالوه انت ركبت العازل فين عشان انا عايز اركب في الشارك بتاعتي زيك ههههههههه
بس انا خلصت وانا وسطيكم اهوه قولت الحق اللي شوفتوا و مستعد اتحمل العواقب هههههه

[ahmed_eng2001]

شكرا على رأيك الموضوعى
و انا متفق مع حضرتك فى كل الى انت قلته
اللانسر زى ما هى من 10 سنوات فاتوا تقريبا .... الاوبشن قليلة جدا ... و التكييف ضعيف حبتين
العربية مش ضيقة ... و موتورها سحبه كويس

[bakerkassab]

اعتقد حضرتك بتتكلم على البومة مش القرش

[bakerkassab]

عشان انا شاري قرش من شهر تقريبا و السحب تمام و التكييف جميل و الكراسي مريحة وواسعة و العزل جامد ما شاء الله و ولصت لحد 160 بس طبعا عشان الرادارات في الامارات كتتتتيير و كانت ثابتة على الاخر

[sherifabden]

غريبة موضوع الثبات اللانسر ثباتها ممتاز جدا
اما التكييف انا اسمع انه كويس
بس انا ليا استفسار هو حضرتك قصدك على البومة ولا الشارك ؟؟