|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
||||
|
||||
كسرولى المفتاح !!!!!
السلام عليكم كالعاده مشاكل الجراج التى لا تنتهى لتوضيح المشكله انا يا جماعه مشترك فى جراج صغير ونظرا لانى مش بخرج بالعربيه كتير ممكن مره فى الاسبوع او مرتين بالكتير فبيحطوا عربيتى جوه خالص وبيوفروا الاماكن اللى بره للناس اللى بتدخل وتخرج باستمرار وانا مش بتكلم باعتبار انى مش بخرج كتير وطبعا حصلى مواقف زفت كتير وكتير اكون محتاج العربيه والاقى عربيه زانقه عليا ومعرفش اخرج بيها وبتطر اكلم السايس قبل ما اخرج بيها بيوم وفى مواقف تانيه أسود بس مش هحكيها عشان مطولش على حضراتكم المهم امبارح خرجت بالعربيه ورجعت بليل ركنت العربيه بره لان فى عربيه دخلت مكانى جوه وقالولى سيب المفتاح عشان الصبح ندخلهالك مكانها سيبيت المفتاح النهارده من ربع ساعه السايس بيكلمنى يقولى انا جيت الصبح لقيت المفتاح مكسور انا الحمدلله معايا نسخه تانيه من مفتاح والدى المهم بسأله ايه اللى حصل يقولى معرفش اسأل الغفر انا جيت الصبح لقيتها كده ! ازاى ياعم مش انت المسئول هنا يقولى والله انا جيت لقيته مكسور انا لما ركنت امبارح كان فيه عربيه نص نقل قدامى النهارده لما روحت دلوقتى لقيت العربيه دى طلعت وانا عربيتى راكنه مكانها طب ازاى حركتوها قالى الحمدلله لقيت الباب اليمين مفتوح ومكست الدركسيون وزقناها وانا امبارح يا جماعه فتحته وقفلته تانى بنفسى من المسوجر بتاعه اللى جوه ومتأكد من كلامى بنسبه 90 % ! طب ازاى بيقولى لقاه مفتوح !!!! ملاحظه : فى عندى فى الباب من جوه زرار اللوك اللى بيتربس كل العربيه وبيفتحها كلها الزرار ده كان شغال بس مش فعال يعنى لما كنت بدوس عليه كنت بسمع صوت المسوجر بتاع كل الببان بيتقفل واحيانا مكانش بيتقفل للاخر وده كان عيب عندى من ركنه دلوقتى جربت ادوس عليه الصوت ده مش موجود ومفيش اى مسوجر بيتحرك ولما بحركه بسمع صوت جاى من التابلوه عامر زى الصوت اللى بيطلع لما بتدى اشاره وانت ماشى بعدا ما مشيت من الجراج وانا متعصب فى محل مفاتيح قريب من الجراج قولت اروح عنده عشان اعمل نسخه او اتنين على المفتاح اللى معايا لقيته من غير ما يمسكه قالى ده مفتاح شيروكى ده مش عندى روح عند أولاد فايد فى المنشيه طب هوه عرف ازاى يا جماعه انه مفتاح شيروكى مع انه مفتاح عادى جدا ومش مكتوب عليه شيروكى وكمان مش اصلى وكمان نسخه وانا عامله قبل كده عنده وأدى صورة المفتاح أهيه عشان تتأكدوا هل ممكن حد من بصه يعرف انه مفتاح شيروكى ! هوه مكتوب عليه CHRESLER اللى هيا تبع شيروكى ممكن يكون ده الاصلى واللى معايا النسخه بس حتى لو معتقدش ان الراجل بتاع الفاتيح قراه كلمه كليسر دى لان المفتاح كان فى ايدى وبعيد ده انا نفسى لسه واخد بالى دلوقتى وانا بصوره ! ياريت يا جماعه تقولولى تفسيركم للى بيحصل وهل فى لعبه بتتلعب عليا وممكن العربيه تتسرق ولا حاجه ولا ده مجرد خطأ او غلطه تقصيريه من الغفر او السايس ! دى صوره المفتاح هل ممكن حد من نظره واحده من بعيد يعرف انت مفتاح جيب شيروكى ؟
__________________
|
#2
|
||||
|
||||
رد: كسرولى المفتاح !!!!!
دى صوره للمفتاح اللى اتكسر هل الكسره دى طبيعيه ! يعنى ممكن يكون واحد رخم خده يعمل بيه حاجه كأنه مفك مثلا قام مكسور ! ولا ممكن يكون كسر الجزء الفعال منه وهيعمل عليه ؟ وفى مخطط لسرقه العربيه انا احترت
خايف اكون مكبر الموضوع وخايف يكون الموضوع كبير أصلا
__________________
|
#3
|
||||
|
||||
رد: كسرولى المفتاح !!!!!
انا لو مكانك اولا خلاص المفتاح اتكسر ولله الامر ولكن حرص بمعنى انك تدور على جراج تانى ولو دا صعب يبقى انت اللى تركن عربيتك وتاخد مفتاحك قدامة وتتاكد انها مقفولة
بس عموما من راى دا كسر عادى لانى لو هيسرقوا العربية مش هيعملوا القصة دى ويخليك تاخد بالك |
#4
|
||||
|
||||
رد: كسرولى المفتاح !!!!!
بالنسبه للجراج فللأسف مفيش جراج غيره وجايبه بالعافيه كل الجراجات اللى حوالينا مكتفيين وقافلين باب الاشتراك و اللى مصبرنى على الجراج اللى انا فيه ده انه مهما كان الواحد بيبقى مطمن برده عالعربيه فى ظل انعدام الامن وسرقه العربيات اللى بقيت حاجه عاديه دلوقتى بالنسبه انى اركنها للأسف صعب لان الجراج صغير جدا ولما بروح بليل مفيش اماكن فاضيه غير فى النص ودول لازم تسيب المفتاح عشان لو عربيه خارجه من الجنب وانت زانق عليها يحركوا عربيتك وموضوع كسر المفتاح ده انا خلاص عرفت الحقيقه وأطمنت السايس كان بيلف ويدور عليا روحت بليل للغفر اللى هما حضروا الواقعه وقالولى ان كان فى سواق نقل حب يطلع بعربيته فخد مفتاح عربيتك واتكسر فى ايده وكده عالعموم قدر الله وماشاء فعل والحمدلله ان كان معايا نسخه تانيه
__________________
|
#5
|
||||
|
||||
رد: كسرولى المفتاح !!!!!
غير الكالون من باب الإحتياط وماتسيبش العربية مفتوحة
|
|
|