ايه رايكم؟ مكواة استيراد

[goudai]

قدامى عربية لانسر 2003 مكواة اوتوماتيك 1600 كاملة ، جاية استيراد من الخارج وصاحبها هيخلص الافراج الجمركى ويرخصها سنة وانا هاشتريها منه بتوكيل هو عايز 64 الف وانا مش عارف السعر كدة كويس ولا ايه ؟ انا اللى عاجبنى فيها انها استيراد يعنى اكيد مش هتكون متهانة
ياريت تشاركونى بارائكم

[حسام البورسعيدى]

سعرها معقول طالما استيراد و 1600 .. بس طبعا لازم تكون بحالتها .. واتاكد انها فعلا استيرا .. وانقلها باسمك نصيحه بلاش التوكيلات ..

[goudai]

المشاركة الأصلية كتبت بواسطة حسام البورسعيدى سعرها معقول طالما استيراد و 1600 .. بس طبعا لازم تكون بحالتها .. واتاكد انها فعلا استيرا .. وانقلها باسمك نصيحه بلاش التوكيلات ..

هى غالبا الاستيراد بتكون راشة برة وياريت تصحح لى المعلومة لو غلط ، بس حضرتك ياريت تطمنى من ناحية السعر يعنى كدة فيها زيادة ولا السعر مظبوط

[svneleven]

الصراحة انا شايف السعر كتير حبتين. و حكاية جاية من بره طبعا هتلاقي الصاج و العفشة زي الفل لكن هتلاقي كيلومتر كتير و طبعا الموتور و الات الجر مستهلكة.

[حسام البورسعيدى]

المشاركة الأصلية كتبت بواسطة goudai هى غالبا الاستيراد بتكون راشة برة وياريت تصحح لى المعلومة لو غلط ، بس حضرتك ياريت تطمنى من ناحية السعر يعنى كدة فيها زيادة ولا السعر مظبوط

السعر معقول .. ده لو فبريكه وبحاله الزيرو (كعاده العربيات الاستيراد) والكيلومتر مش مهم خالص (خصوصا لو اقل من 150 الف كيلو) ... عموما حاول توصل السعر لـ 60 الف ..

خلى بالك بس لو العربية جايه من اوروبا (دول الثلج) من الباورما .. ممكن يكون فيها باروما على خفيف (هو امر مستبعد بس مش هتخسر حاجة) ..


ومبروك مقدما .....