<<< تكييف عاوز شحن >>> شعار السيارات المستعملة - مطلوب نصائح وتحذيرات

[فرفوش]

السلام عليكم اعضاء المنتدى الكرام
اعتدنا نحن مستهلكي السيارات المستعملة سماع تلك الكلمة في أغلب السيارات المستعملة ويحتب فيها التكييف ضمن كماليات السيارة ويقول لك البائع في الغالب
" التكييف عاوز شحن "
او
" التكييف عاوز شحن وسير "
او
" معرفش العطل اللي فيه ايه بس غالبا شحن "
او
" انا مشحنتوش الصيف ده "
او
" لو هتشتري هسلمها لك والتكييف شغال "

كل تلك الكلمات نسمعها من اصحاب السيارات المستعملة وتكثر في السيارات التي اعمارها في التسعينات او اقل والكثير يقول ان السيارة بعد استخدامها فترة قليلة او كثيرة تحتاج الى شحن اخر او يكتشف فيها عيوب اخرى
لذلك
طرحت هذا الموضوع ليساعدنا اهل الخبرة في فهم تلك الجملة " التكييف شغال بس عاوز شحن "
هل هي تعني ان التكييف به عطل يجعله يحتاج الى الشحن كل فترة او يسرب ام ماذا
وكيف نكتشف ان التكييف فعلا يحتاج لشحن فقط ام به عيب اخر خاصتا ان من ييشتري سيارة مستعملة يحضر ميكانيكي ليراها ويحضر عفشجي ليعطي ملاحظاته ويحضر سمكري ليبدي عبقريته فلا نثقل عليه ايضا بفني تكييف يستعرض نظرياته لان كل واحد منهم يريد ان يملئ جيبه بعد الفحص والضحية في النهاية هو المشتري الذي قد يترك السيارة في النهاية وقد دفع ملايقل عن 250 - 300 جنيه فحص فقط
ارجو ان يضع اهل الخبرة رأيهم ويعطونا النصائح اللازمة لما نحتاج ان نسأل عنه في موضوع التكييف وهل نكتفي بقبول السيارة فقط لو شحن تكييفها البائع ام ماذا نفعل
وشكرا

[meno elsaher]

هو حضرتك اغلب السيارات القديمة بالذات بتكون مسربة الفريون الخاص بها
لان المواسير الخاصة بالتكييف بيكون ليها عمر افتراضى ولما بيعدى عمرها بتنفس الفريون من اضعف مكان وعندك فى حاجة تانية فى الدايرة الخاصة بالتكييف بيكون فية وصلات وبة جوانات كاويتش ومع الوقت والحرارة الجوانات دى بتنشف فا بتروح مسربة الفريون
ونفس الحال فى الكمبريسور نفسة جواناتة بتنشف برضة ويروح يسرب الفريون
وحضرتك اللى بيقولك التكييف اصلة عايز شحن بيكون شحن التكييف قبل كدة وسرب الفريون
والصح ان دايرة التكييف يتكشف عليها صح ولا يتم الشحن قبل معرفة مكان التسريب وعلاجة

[eng/walaaeldeen]

السلام عليكم
الى يقول لك التكيف عايز شحن او اي حاجه اشتري العربيه على انها بدون تكيف لأن في الغالب هتكون مشكله كبيره لأنها لو شحن فقط كان شحنه
والله المستعان

[aldebbas]

لو جيت تشترى عربية وقالك عايز شحن لازم تكشف علية عند متخصص لان لو عايز شحن كان اتشحن

والى محتاج اى حاجة فى تكييف السيارة يتفضل انا فى الاسكندرية
الكيلو 21
مركز دنيا لتكييف السيارات
شحن فريون- لحام مواسير وسربنتينات المنيوم- كبس خراطيم التكييف
01285291587

[حسام البورسعيدى]

عند صيانه تكييف العربية اول حاجة لازم يتم التشييك على جميع وصلات دايره التكييف كلها بالنظر كده .. وبعدين تتكبس هوا بضغط عالى نسبيا ويتركب العداد وتتسجل القرايه .. وبعدين باسفنجه وميه بصابون تحاون تعدى على اجزاء دوره التكييف (السربنتينه - المواسير - الكمبريسور) علشان لو فى تسريب يبان

يفضل انه يتساب فتره لا تقل عن نصف ساعه علشان لو فى تسريب بسيط تقدر تلاحظه من خلال انخفاض ضغط الهوا ..

بعد التاكد ان مفيش تسريب توكل على الله واشحن الفريون ....

وكده باذن الله مش هيحصل تسريب .....