العربية سحبها مش هو !!!

[komodo]

عربيتى 2105 مو 95 ...
حاسس إن سحبها مش زى الأول ..
يا ترى أيه الاسباب اللى بتأثر على سحب العربية ؟؟؟

[mr_astra]

فى دخان من الشكمان او الفايظ

[eng/walaaeldeen]

السلام عليكم
السياره عامله كام كيلو وايه آخر حاجه عملتها فيها وايه حالة الدبرياج وطقم الكهرباء:08da300846c84943 ae1
والله المستعان

[zing0]

الكلام ده من الآخر, منقول طبعاً

لادا ازاي تزود سرعة السيارة والتسارع ========================= ===== 1- تغيير الاسبراتير العادى بآخر الكترونى 2- تغيير بكات السلانسية والسرعة اياً كانوا بالارقام الاتية : السلانسية بك رقمة 120،والسرعة(البوابة التانية ) 150 وعلى فكرة دى مقاسات الفبريكة مش اختراع يعنى . 3- تظبط التاكيهات عند واحد بيفهم وبالمقاسات الآتية وتقولة كدة يشتغل زى ما انت عاوز تاكيهات صباب العادم الفللر مقاس 25 ، وصبابات الهوا ( الحريق) على 20 فقط . 4- تشوف مستوى البنزين تحت العوامة فى حوض الكربراتير لازم لا يزيد ولا يقل عن العلامة ولو مفيش علامة فمستواة بالخبرة كدة بيبقى مليان لغاية قبل الحافة الخارجية ب حوالى عقلتين اصبع ( اصبع طبيعى مش صباع كفتة ) ، وتغير الإبرة بواحدة جديدة ارجنتينى كلها نحاس مفيش فى اخرها كوتشة سمرة . 5- واعتقد السبب دة من اهم الأسباب ضبط تقسيمة سير الكاتينة ، لأنها ممكن تكون مقدة او مأخرة شىء بسيط جدا والعربية تدور عادى وتمشى عادى بس تلاقى السلانسية فية رعشة كأن العربية متلتة ( شغالة ب 3 بوجية فقط ) ولما تزود بنزين تظبط . لية كل النصايح دى ؟ لأنها مرت علية فى اول عربية لادا كانت 84 سير كاتية وعملت فيها كدة كانت بتجيب ال 140 كم سرعة بمنتهى الهدوء ومن غير دوشة ودى اقصى سرعة قررها مصنع السيارة والله الموفق وارجو ان تبلغنا بما تم

طبعاً لو حضرتك متأكد إن المكنه مش خفيفه
يبقى دى الروشته, جرب و إدعيلنا

[hassanin_lada]

المشاركة الأصلية كتبت بواسطة zing0 الكلام ده من الآخر, منقول طبعاً طبعاً لو حضرتك متأكد إن المكنه مش خفيفه يبقى دى الروشته, جرب و إدعيلنا

هتكلم في اللي بفهم فيه

لو غيرت البكات دي

اتفرج علي بلاعة البنزين