سؤال بخصوص بوابة البنزين فى النوبيرا

[النورى]

عندى سيارة نوبيرا 2001 اوروبي لما أدوس بنزين جامد وانا على السلانسيه واشيل رجلى باحس ان العربية هتبطل وبعد كده تفضل شغالة عادى بس بدون انتظام فى الدوارة يعنى زى ما يكون فى حاجة مش متظبطة فى الكهربا او فى البنزين وتنتيش خفيف على السلانسية مع العلم ان البطارية والموبينة والبوجيهات واسلاك البوجيهات جديدة
هل المشكلة فى البوابة ولا فين ؟ ولو البوابة مش مظبوطة هلى اشتريها استيراد وهتكون زى اللى فيها بالظبط ؟أرجواالافادة

[mr_astra]

البوابة موجودة فى الحرفيين استيراد وثمنها من 350 الى 500 جنية

[النورى]

جزاك الله خيرا .....بس كنت عاوز اعرف هل الاعراض دى سببها البوابة ولا حاجة تانية؟
ثانيا: هل البوابة انواع يعنى مثلا فى نوع كهربا اوروبى ونوع عادى ولا كله واحد ولما اركبها بيقرأها الكومبيوتر عادى ولالا؟

[medosat]

دا عطل حساس شكمان وعن تجربه ودا هتلاقيه في الجهه المقابله لمروحه تبريد الردياتير لو عربيتك مواصفات اوروبي هيبقي 2 سلك وبتاع الاوبترا هيشتغل عليه وبيعمل في حدود 200 جنيه ولو عايز تشتري دماغك هات جديد بيعمل 450 جنيه عشان الاستعمال بتشتري وانت وبختك ممكن بعد شهر يرجع يعملها معاك فالافضل الجديد
تقبل تحياتي

[النورى]

أنا مغير حساس الشكمان من فترة بس اشتريته استيراد ومن بعدها الحرق تمام مظبوط بس المشكلة فى الرعشة دى مش عارف منه ولا حاجة تانية