|
#1
15-04-2013, 08:40 PM
|
|||
|
|||
مروحة الرديادتير في 128 مش شغالة
اشتريت عربية 128 موديل 90 حالتها كويسة المشكلة دلوقت ان المروحة مش شغالة و دوست علي كل الزراير في التابلوة و مش بتشتغل اسبابها ممكن تكون ايه و ازي اشغلها
2- الردياتير و الغطاء فيهم صداء كتير ازاي اغسله من الصداء وانظف الغطاء من الصداء و الردياتير تماما (الرجاء المساعدة و المشاورة ) وهل المياة الخضراء تنفع معي واحسن نوع اخوكم في الله (ابو حمزه) 
|
|
#2
15-04-2013, 08:54 PM
|
||||
|
||||
|
رد: مروحة الرديادتير في 128 مش شغالة
انا اقول لحضرتك لان ال128 قعدت معايا 8 سنين على الحلوة والمرة
بالنسبة للمروحه هية بيكون ليها زرار ولو ملهاش انت ممكن عند كهربائى ب10 تعمل لها زرار فتح وقفل زى ما انا كنت عامل ومشيت كده حوالى 5 سنين لكن عدم عملها يرجع لعده اسباب اما السلوك بتاعتها فصلت او الترموستات ودة بيكون تحت فى اخر الرادياتير ممكن يكون فل او باظ بتجيب واحد جديد اخر مرة من 5 سنين جبته ب15 جم وتخلى بالك تجيب واحد مناسب حسب درجة الحرارة يعنى لو العربية بتسخن بسرعه هات اللى بيشتغل على 68 درجه ولو عادية هات ابو 80 درجه بس هات الاقل علشان يشتغل ويبرد العربيه بسرعه وخد بالك ال128 حرارتها فى الصيف الطبيعى بتاعها 90 درجه فمتقلقش الا لو عدت ده ودى كمان درجه الحرارة المناسبه لاشتعال البنزين بالنسبه للرادياتير وموضوع الصدا انا غيرته بواحد 3 ماسورة جديد نحاس من 5 سنين وما عملتش فية حاجه غير مرة لحام ب15 جنية ودة لانى كنت مهمل ومش بحط ميه خضرا انما لو حطيت مية خضرا ومانع للصدا هيعيش معاك وخد بالك هوة بيوزن الرادياتير القديم ويديك تمنه والجديد انا جبته من 5 سنين ب280 جم 3 ماسوة وجيب غطا جديد وتخلى الراجل يعمل حاجة اسمها ينفسة بيشيل جلده فية ودى بتخلى المياةتخرج وتدخل الرادياتير بسهولة بدل ما تخرج عند الضغط الشديد وخلى معاك غطا احتياطى للظروف لو مش هتغير هات مية خضرا بس ماتجبش الغالى قوى لو الرادياتير بيسرب منك لانك هتلاقيها على الارض ونصيحه لو الرادياتير مدى جامد ارمى وهات واحد جديد احسن يعمل معاك مواقف بايخة واسال مجرب وطبعا لو جبت ترموستات هتنزل المية كلها فهات معاك المياة الخضرا واى موضوع فى العربية دى انا خدامك اخوك عزت 01005207692 
|
|
#3
15-04-2013, 09:56 PM
|
||||
|
||||
|
رد: مروحة الرديادتير في 128 مش شغالة
مروحة التبريد مش بتشتغل
اما ان الثرموستات باظ وعاوز يتغير او ان كتاوت المروحة عاوزة تتغير او ان الموتور ملحقش يسخن عشان المروحة تشتغل الحل لو متاكد ان الموتور وصل لدرجة حرارة تخلى المروحة حتما لازم تشتغل افصل السلكتين اللى فى الردياتير ووصلهم فى بعض لو المروحة اشتغلت يبقى كدة تروح للكهربائى يغيرلك ثرموستات لو مشتغلتش يبقى عاوز تشك على الكتاوت بالنسبة للصدا اللى فى الردياتير فضى شوية مية من القربة وحط فيها نصف لتر كيروسن (جاز ابيض) وبعد اسبوع نزل كل المية اللى فى الردياتير واستبدلها بمية نضيفة مخصصة للردياتير
__________________
يااااااااااااا رب إرحمنا بقدرتك علينا 
|
 |
|
|
