حكاية فيات برافو من الألف إلى الياء

[Etsh]

إستطاعت فيات برافو الجديدة إثبات نفسها كسيارة ذات تكنولوجيا متطورة من حيث الأداء الرياضى و التصميم العصرى داخليا و خارجيا فضلاً عن التكنولجى الجديدة فى تصنيع المواتير ذات الأداء الرياضى من حيث تقليل عدد القطع المستخدمة فى تكوين الموتور نفسه لتقليل نسبة الأعطال و زيادة نسبة الإعتمادية بالسيارة و إليكم تقرير مفصل عن السيارة و أراء مقتنيها من خارج مصر وده طبعا لأن أى عربيى فيات برافو داخل مص مكملتش ال 20000 كم و لذلك كان على أن أستشير من قام بتجربتها خارج مصر مع التأكد أنها نفس المواتير الموجودة داخل مصر

أولأ فئات السيارة:
1- 1400 سى سى 121 حصان تى جيت كاملة أوتوماتيك ستبترونيك تحكم من الدريكسيون كامل ولا يوجد بها جنوط رياضية أو أى إضافات أخرى السعر الحالى 135000 جنية
2- 1400 سى سى 121 حصان تى جيت كاملة أوتوماتيك تريبتونيك و جنوط 16 تحكم من الدريكسيون كامل و نظام بلو مى زجاج فاميه كامل مثبت برخصة القيادة و فوج لايت أمامى149000 جنية
3- 1400 سى سى 150 حصان تى جيت كاملة مانيوال و جنوط 17 تحكم من الدريكسيون كامل و نظام بلو مى زجاج فاميه كامل مثبت برخصة القيادة و فوج لايت أمامى و فوانيس زينون و فول بادى كيت أعتاب و سبويلر خلفى 177500 جنية

أراء أصحاب السياة و رأى الشخصى عن تجربة
طبعا معظم الناس عندها الفئة الثانية و الثالثة و لا شىء يذكر عن الفئة الأولى بالخارج اللهم إلا داخل مصر فقط و ده طبعاً لان ناس كتير مستغربة السعر على فيات ؟؟؟؟؟ لكن الجدير بالذكر أن السيارة لها إنتشار واسع جدا فى أوروبا و تنافس بشكل قوى مع سيارات كثيرة فى فئتها أمثال ال جولف و سيات ليون وعن تجربة شخصية فقد كنت أقتنى جولف 4 فى يوم من الأيام ثم إقتنيت فيات برافا بصراحة يا جماعة مافيش فرق و إلى يقول غير كدة يبقى مجرد تحيز و حب لفئة الجولف ليس أكثر أو لأان احنا ما شاء الله فى مصر بتوع منظرة عشان أقول أنا راكب جولف بس ما أقولش راكب فيات كالعادة منظرة بدون النظر للحقيقة الداخلية عل أى حال إذا قارنا بين الألمانى و الإيطال فى نفس الفئات نجد أن الفوارق قليلة لا تذكر اللهم إلا سمعة فولكس فاجن المشهورة فى مص و هى السيارة التى تسمى سيارة الشعب فى المانيا البلد الأم لأانها فى متناول يد الناس الغلابة هناك و إحنا هنا بنتمنظر بيها و نسينا أن فولجس فاجن فى تقييم مستوى الإعتمادية 2008 واخدة مركز فى ذيل القائمة التى تحتلها بالطبع لكزس و تو يوتا و مسش هاتصدقو لما أقول هيونداى ؟؟؟؟ لكن فى النهاية بجد الفيات سيارة سوقتها عبارة عن متعة حقيقية طبعا لا أقلل من شأن الجولف و لكن الفيات أكثر متعة.

تحربتى مع جولف 4
1- سيارة ثقيلة جدا تحس إنك عاوز تنزل تجرها بس الحق ثبات قاتل على الطريق كأنها مكلبشة فى الأرض و تحس بقوة السيارة بعد 120 و اللى عاوزنى يحصلنى
2- أعطال بالكومة فى المحرك و أجزاء الكمبيوتر ؟؟ حاجة بجد تقرف و ده اللى خلانى بعتها
3- قطع غيار مولعة نار بس معمرة جدا جداَ جداَ جداَ جداَ
4- تكييف ذى الزفت أنا مش فاهم هما مش ناويين يتعلموا من اليبانيين و لا أية أو يعملوا ذى بى أم دابليو و مرسيدس ... فى النهاية كلا الشركتين إستعانوا بالتكنولوجيا اليابانية منذ أةخر 2007
َ5- سعر إعادة بيع مقبول لأانها مطلوبة من فئة الشباب و عربيى برستيج منكرش ده

تحربتى مع برافا 1600
1- أول تانى تالت ولا بى أم ولا مرسيدس ممكن يطلع منك حقيقة التسارع قاتله
2- غيار الرابع بطىء شوية فى تجميعة مقارتاً بالجولف
3- السيارة متزنة جدا و ثابته على الطريق انا جربتها على ال 220 و لا كأن فى أى مشكلة
4- إعطال قليلة لا تذكر اللهم عيب قاتل و هو إن السيارة برافا على جميع الفئات نازله بعيب تصنيع و هو الأيديال عقل السياة الأساسى بيبوظ كل سنتين مرة ب 1250 جنية .....ماشى مش مشكلة
5- سعر بيع منيل و مهبب اللى هايجبها يلبسها أو يبيع برخص التراب أنا جبت ب 95000 و بعت بعد 5 سنين ب 40000 ......بالوة و تهمة بس بجد إنت راكب أحلى من الألمانى

نرجع بقى لرأى الناس بره فى البرافو و ده كلام الناس لما سألتهم
1- سيارة قوية متزنة على الطريق حت فى الملفات الصعبة معال لحد 120 مافيش مشكلة
2- اللى عاوز يمشى و الناس حتى اللى راكب بى أم راقبتو هاتتلوح عليك ....منظرة يعنى
3- قطع غيار توازى التويوتا و أقل من الألمانى......مقبولة يعنى
4- السيارة طلقة بمعنى الكلمة لا جولف ولا غيرها هايعمل حاجة معاك و دة بفضل التوربو يعنى 100كم فى 10.6 شىء لطيف لان ال 200 كم فى زمن 17.3 حاجة خيال

المشاكل
1- المتور و التيربو بيضعف بعد ال 100000 ...طبعاً ده مش طبيعى بس أنا بقول دى ترجع للى سايق
2- إعادة بيع منيلة فا اللى هايشترى يورثها أو يبيع و ذى ما تجيب
3- إقبال من فئة الشباب فقط طبعا لزوم المنظرة و الفرك فى الشوارع

طيب فى النهاية ممكن نقارن البرافو ب أية و أنا بتكلم على ال 121 حصان لأنها الغلبة على السوق المصرى
فى عربيتين ينافسوا على أساس الشكل و الأوبشن و سعر إعادة البيع
1- سيات ليون.........مش واخدة حقها فى البلد ....الموزع مشترى دماغو هو و الوكيل
2- جولف 5 ..........لم تلاقى الإقبال مثل جولف 5 و مرمية للبيع عشان مشاكلها و قطع غيار إستهبال

أنا رأيى البرا لفو تكسب و محدش يقولى ده إيطالى و الجولف و الليو ألمانى ناهيك عن الأخيرة مصنعة بأسبانيا بس مش مشكلة هيا أسباني قليلة يعنى؟؟؟؟؟؟؟؟؟ لأنى مش هنسا إن الأيطالى هما اللى عملوا لانشيا القاتلة و فيرارى الممتعة و ألفا روميو الساحرة.......إذن المسألة فى رأيى محسومة.

أنا بعت البرافا و هنزل أجيب البرافو.............لو حد عندو معلومة ممكن ينصحنى بيها أو رأى يقوللى و أخيرا هاسيبكو وانا لسةالليون بتلعب فى دماغى

[hazem_khidr]

بدايه ارحب بيك في مصر موتورز
و احييك علي كلامك العقلاني و الموزون جدا
البرافو اختيار مناسب في الفئه المقترحه في رأيي
انا عاشق للفيات بدون تقليل الشركات الاخري
لو معايا تمنها حشتريها الصراحه
تقفيل ممتاز و تسارع معقول و شكل اكثر من رائع
مسأله قطع الغيار فالكل بقي في مستوي مقارب فعلا
الايابني بقت حاجته غاليه جدا بالنسبه لكونه ياباني و المفروض رخبص
يبقي لو ادفع فرق بسيط و امتلك سياره اوربي ممتعه يبقي افضل
و شكرا ليك مره اخري

[شريف السباعي]

[FONT='Arial','sans-serif']في رايي ان الايطاليين من اعظم صانعي السيارات والدليل انتشار فيات الواسع وبالنسبه للسيارات الفخمه لا يجب ان ننسي فيراري ومازيراتي ولامبورجيني ذات التصميمات الفريده والقوه المذهله[/FONT]

[فادى]

السيارة الأكثر متعة و جاذبية فى فئتها.
فعلا تستحق, و اختيار موفق.
و مستنيين التقييم على احر من الجمر.

[Ahmed Anwer]

أنا طماع شوية

مش عايز تقييم ،،

عايز اقعد قيها بس شوية

بسم الله ما شاء الله الانتريور بتاعها جبار

كأنك قاعد في شنطة سمسونيت

ربنا يباركلك فيها