هل ينفع أركب سماعات كاسيت بيت عادى مكان سماعات العربيه ؟

[ahmedraafat00]

السلام عليكم

طبعا كلنا عارفين يا جماعه ان دلوقتى جهاز الكاسيت شبه انقرض ومحدش بيستخدمه
احنا عندنا فى البيت جهاز كاسيت باناسونك المشهور ده وحالتله حلوه اوى ومش بيشتغل وسماعاته جامده الصراحه والواحد مستخسره فى الركنه فى الوقت اللى انا عندى فى العربيه مفيش سماعتين ورا والسماعات اللى قدام متواضعه جدا
طيب هل ينفع افك الكاسيت واقص السلك واشيل السماعتين اللى جوه واخدهم اركبهم عندى فى العربيه ورا ؟ ؟؟
وده نوع الكاسيت اللى بفكر اعمل فيه الموضوع ده او حتى اخد سماعه واحده واسيب التانيه :

ياترى ينفع اعمل الموضوع ده ولا لا ؟

[ahmedraafat00]

حد يرد عليا يا جماعه يقولى ينفع ولا لا ولا ممكن تعمل قفله فى العربيه ولا ايه

[abokoko]

انا كاسيت زى بتاعك
وطبعا باظ ومش بشغله شرائط
لكنى حاليا باستخدم ال لاين ان line in
ومدخل عليه جاك من الكمبيوتر + جاك من الريسيفر
وبكده ممكن اسمع صوت الكمبيوتر او الدش على الكاسيت
طبعا لازم يكون متوصل كهرباء
لانى الجاك اللى داخل مش هيشتغل لوحده
فلو طبقنا نفس الكلام على العربيه
يبقي انت محتاج وصلة كهرباء للسمعات ( حاجه زى توصله من الولاعه ) ومعرفش الفولت هيكون مناسب ام لا + جاك خروخ السماعات

[ahmedraafat00]

المشاركة الأصلية كتبت بواسطة abokoko انا كاسيت زى بتاعك وطبعا باظ ومش بشغله شرائط لكنى حاليا باستخدم ال لاين ان line in ومدخل عليه جاك من الكمبيوتر + جاك من الريسيفر وبكده ممكن اسمع صوت الكمبيوتر او الدش على الكاسيت طبعا لازم يكون متوصل كهرباء لانى الجاك اللى داخل مش هيشتغل لوحده فلو طبقنا نفس الكلام على العربيه يبقي انت محتاج وصلة كهرباء للسمعات ( حاجه زى توصله من الولاعه ) ومعرفش الفولت هيكون مناسب ام لا + جاك خروخ السماعات

تمام شكرا ياباشا على الرد والاهتمام
طيب هل معنى كده ان سماعه الكاسيت بتبقى عاوزه كهرباء عاليه عشان تشتغل عكس السماعات اللى مصنوعه للعربيه اللى ممكن تقطع السلك وتلحمه على طول مكان السماعه تشتغل؟