أشتريت السيارة جيلى أميجراند وأليكم ملأحظاتى بعد قيادة 200 كيلو

[ابو هيما]

السلأم عليكم ورحمة الله وبركاته
الحمد لله والصلأة والسلأم على رسول الله سيدنا محمد صلى الله عليه وسلم :

بفضل الله أستلمت على خير السيارة جيلى أميجراند , جبتها من الأتحاد الوطنى للأستثمار ب 80 ألف,
طرف أستاذ محمود جمال , أشكره على حسن أخلأقه وذوقه ,
ملأحظاتى عنهم ( الأتحاد الوطنى ) .. السيارة أستلمتها بحالة مذرية جداً ومتسخة لدرجة أن معالمها تكاد تكون مطموسة من كثرة الأتربة , كانوا مواعدنى بغطاء ودواسات هدية وللأسف ما أستلمتهومش , وبصراحة أتنرفزت جداً جداً من منظر العربية والتراب اللى بهدلنى وكمان من الهدايا اللى ما أستلمتهاش , ولكن لولأ تدخل أستاذ محمود ما كنتش خدت الهدايا دى كمان !!!!


بصراحة مش عارف أبدأ أزاى لأن لى عدة ملأحظات مهمة جداً على السيارة :

أنا جبت العربية دى عشان أرخصها سياحة وكان معايا واحد صاحبى عنده مكتب ليموزين فى مدينة دهب , أشترى واحدة هو كمان عشان يرخصها سياحة وأستلمنا بالفعل مع بعض , عداد السيارة كان 15 كيلو

وأحنا بنفحص فى المرور , الكل كان معجب بشكل العربية ومن شياكتها وفى نفس الوقت كانوا قرفانين من التراب اللى عليها ولكن وبشكل عام السيارة تبهر كل من يراها من أول مرة !!

أنا سقت العربية بعد ما أشترتها داخل القاهرة لمسافة 200 كيلو , وأليكم كل ملأحظاتى الأولية عنها :

1- اول حاجة تلاحظها من لحظة التدوير أن المارش مش زى التويوتا أو الهيونداى بيلقط من أول مرة , ولكن لأزم تنزل معاه سنة مطولة لثانية ثانيتين كده .

2 - الباور ناعم جداً

3 - الكراسي ناشفة شوية ومتعبة , مش عارف مع الوقت هاتتغير وتطرى ولأ هتحتاج سفنج للضهر , بس بصراحة مش مستريح فى القاعدة

4-أسوء حاجة فى العربية دي , دواسة البنزين , عالية بشكل غبى جداً , عالية زيادة عن اللأزم , أنا سقتها مسافة 200 كيلو ومش عارف أفرد مشط رجلى .. بجد رجلى وجعتنى جداً ومفصل رجلى كمان لأنى كنت مميلها وبدوس ببطن مشط الرجل .وعندى سؤالى للأخوة الأعضاء .. هل ينفع أوطى دواسة البنزين دى ولأ لأه ؟!! أنا مش مستريح منها خالص وتعبانى أوى !!!!

5 -السحب سيء جداً جداً جداً وبيكون ملحوظ أوى على مطالع الكبارى , وعلى فكرة صاحبى اللى أستلم معايا كنا أنا وهو ماشين مع بعض وقالى نفس الكلأم على السحب , وأنا بصراحة عاوز أعرف رأى الناس اللى جابوها واللى هما كانوا بيقولوا السحب رائع , واللى يقولك سحب الأميجراند بيفكرهم بالهوندا سيفيك وما إلى ذلك .. مش عارف على أى أساس كانوا بيقولوا كده , ما هو يا أما:
* ماركبوش عربيات قبل كده.
* يا أما هما مايعرفوش يعنى أيه سحب.
*يا أما بقى أنا اللى رجلى خفيفة شوية على الدواسة ,, بس والله السحب والتجميع وحش جداً , وأنا مش عارف بصراحة لو العربية دى فضلت على كده بعد التلين أزاى هتقدر تسد معايا فى طريق زى سانت كاترين أو طريق زى صاعدة نويبع !!!!!

6- التكيف جربته , كويس , بس قفلته لأنى لسة فى التلين.

7 - الفتيس بيبقى ناعم بعد السيارة ما بتتحرك ونقلأته حلوة ومش وحشة

8- مش هقدر أتكلم عن الأضاءة الأمامية الأن لأنى لأزم أجربها الطرق السريعة . ولكن أضواء العدادت رائعة

9-أستهلأك البنزين برضوا لسة مش عارفه هيبقى أزاى ولو انى أعتقد انه هيبقى عالى لأن السيارة سحبها بطىء وثقيلة جداً .

10 - العفشة , ناعمة وحلوة جداً , وده بيبقى ملحوظ جداً للى كان راكب فيرنا أو لأنوس , وكمان العربية تقيلة وتحس أنها ثابتة زى الأوكتافيا كده .

11- الكاسيت مش هاقدر لسة أحكم عليه ولو أن أستقبال موجات الراديو كويس جداً والصوت واضح برغم أن ما فيش أريال خارجى.

12- العربية فيها جهاز أنذار ومفتاحين ريموت , بس صاحبى اللى أستلم معايا الباب الخلفى عنده ما كنش عاوز يفتح ولأ بالريموت ولأ بالأيدى وهو متضايق جداً !!!!

13- أنا ما أستلمتش كتيب ضمان ولأ دليل مستخدم , مش عارف هى ما لهاش دليل أرشادات ولأ أيه

دى ملأحظاتى وبكل
أمانة وأن شاء الله سوف أوافيكم بالمزيد كل شوية ,, ياريت كل اللى عنده رد على ملأحظاتى وأستفساراتى دى يضيفها ويرد عليا ...

[mr_astra]

الف الف مبروك
ويا رب تكون وش الخير عليك

[sherifabden]

الف مبروك على العربية ربنا يخليهالك ويديك خيرها ويكفيك شرها

[ashraf mahmoud]

الف الف مبروك ربنا يعطيك خيرها ويكفيك شرها
بصراحة انا مش عارف العربية دى ظروفها ايه اول مانزلت قولت هتكسر الدنيا وهتاكل جو الاسبرانزا والافيو وكل العربيات اللى فى الفئة دى بس اللى لاحظتة ان العربية منتشرتش خالص يمكن شوفت اتنين او تلاتة بس انا من المنصورة مش عارف ليه مع ان سعرها نزل تانى
وموضوع السحب والبنزين دول اهم حاجتين ف اى عربية مع العفشة فياريت تقولنا ع كل جديد معاك واستهلاك البنزين

[eng/walaaeldeen]

السلام عليكم
الف مبروك وربنا يطعمك خيرها ويكفيك شرها
بخصوص دواسة البنزين هل كل العربيات الأمجراند كده ولا عربيتك فقط؟
والله المستعان