مشكلة بخصوص توكيل كيا سيراتو

[Linux]

انا النهاردة رحت توكيل السراتو اللى فى العامرية اسكندرية الكيلو 24 وياريتنى ما روحت والله انا عربيتى 2011 خليجى كل ما اقله اعمل حاجة يقلى ماشى حاضر حاضر وخلاص وبيكبروا دماغهم وعملولى بس صيانة ال 20 الف كيلو اقسم بالله خدوا 1795 يعنى 1800 جنيه على فلتر زيت وفلتر تكييف وتغيير زيت وبيجوهات وتيل فرامل دا اسمه ايه دا ؟اقسم بالله ما عملوا غير كدا

اقسم بالله دا توكيل يطفش كل زباين الكيا للابد والله منهم لله فعلا وللاسف مضطر تدفع لانك راجل محترم وانختمت وغلطان انى رحت مكان زى دا


ياريت تنصحونى افضل مركز صيانة واسعاره مافيهاش نصب ايه ؟ ياريت يكون فى اسكندرية او دمنهور او كفر الشيخ

[Linux]

والمشكلة انى كنت حاجز كمان قبلها بيومين اقله التكييف ضعيف يقلى ماشى ماشى ولا يعمل اى حاجة كدا كدا هنظبط الفلتر يافرحتى هو انا ماعرفش انضف الفلتر بالهوا ما يتنيل يشوف دورة التكييف ويختبرها انما اقسم بالله مالهم نفس يشتغلوا

اقله عاوز اظبط زوايا يقلى ماشى بس مش هينفع النهاردة بقى انا ضارب مشوار ومسافرعشان تقلى مش هينفع ويقول عندى ضغط النهاردة وهو اقسم بالله بينش هم خمسة ستة فى التوكيل واللى هيدخله مرة مش هيدخله تانى بسبب النصب

اقله عاوز ادخل طيب سمكره اشد على الاكصدام يقلى دا لو دخلت سمكره قدامك اسبوعين عشان وش العربية مش مظبوط وش عربية ايه اللى مش مظبوط العربية ماشية 22 الف كيلو فبريكة مافيهاش مسمار اتحل اقسم بالله عاوز اشد بس على مسامير اكصدام فيه تريحة صغيرة جداا بتاعت عجلة واحد خبطة راكب عجلة يقلى وش العربية ممكن يكون هو السبب وهو اللى انعوج الشنب وسبب دا مش هينفع دا اقل حاجة اسبوعين


اقله طاب عاوز اغير كاوتش انصحنى يقلى اعمله برا


بالمختصر اقسم بالله ما عاوزين يشتغلوا وياخدوا فلوس وبس

حسبى الله ونعم الوكيل والله فى فرع العامرية الكيلو 24 باسكندرية كلهم


ياريت حد يشورنى بمركز خدمة معتمد او مركز قريب يكون كويس وناس محترمة تعرف ربنا وما تسمسرش فلوس الناس بدل ما ابيع العربية تانى والله

[tamer.koko]

سؤال معلش ازاي حضرتك بتقول ان عربيتك خليجي مش وكيل ودخلت التوكيل اساسا

[Linux]

داخل اعمل صيانة فى التوكيل بفلوس مش داخل الضمان دا امر طبيعى بس بفلوس بتتحسب كل حاجة عليك بس فى المعقول مش 1800 جنيه على فلترين وتيل فرامل ولا ايه راى حضرتك دا مش نصب؟ ولما سألت المهندس ايه دا اتلجلج فى الكلام ماعرفش يرد اصلا قلى اصل التيل غالى التيل يعنى ب 400 جنيه

[tamer.koko]

المشاركة الأصلية كتبت بواسطة Linux داخل اعمل صيانة فى التوكيل بفلوس مش داخل الضمان دا امر طبيعى بس بفلوس بتتحسب كل حاجة عليك بس فى المعقول مش 1800 جنيه على فلترين وتيل فرامل ولا ايه راى حضرتك دا مش نصب؟ ولما سألت المهندس ايه دا اتلجلج فى الكلام ماعرفش يرد اصلا قلى اصل التيل غالى التيل يعنى ب 400 جنيه

طبعا غالي جدا كمان
اعمل الصيانه بره يا باشا الموضوع مش صعب اللي انت عملته ده كله اي صنايعي ومش حريف كمان يعمله
وانا معايا النترا ووكيل كمان يعنيضمان لحد 100000كم ويدوب اول ما عديت ال 20000 كم ولا عبرتهم تاني ودلوقتي دلخل في 80000 كم وبعمل كل صياناتي بره والصيانه الجايه ان شاء الله تعالي القاهره واعمل الحاجات دي عندنا