المشاركة الأصلية كتبت بواسطة queen
السلام عليكم
الموضوع ده جه على بالى عشان كلنا كسيدات بنتعرض له بشكل شبه يومى فى شوارع المحروسه وغالبا بنكون سايقين لوحدنا ومش بنعرف نعمل ايه وحبيت اننا نشارك بالآراء فى الحل وخصوصاً فى الايام دى اللى مفيهاش اى أمان . ولا فيها داخليه ولا حد تطمنيله :
- لاقدر الله فى حالة انك خبطتى عربيه تانيه وانتى الغلطانه والموضوع كبر
- حد خبطلك عربيتك وهو الغلطان.
- خبطتى حد ماشى فى الشارع واتصاب .
وطبعا كل ده فى حاله انك كلمتى حد من أهلك لكنه لسه فى طريقه ليكى
يا ترى ايه التصرف السليم فى الحالات دى عشان ميتنصبش عليكى ولا تروحى فى خبر كان أو يضيع حقك .
|
وعليكم السلام ورحمة الله
لاقدر الله فى حالة انك خبطتى عربيه تانيه وانتى الغلطانه والموضوع كبر
|
مش هاخلى الموضوع يكبر مدام انا اللى غلطانة هراضى الراجل لو معايا المبلغ اما لو مش معايا هافضل معاه لحد ما حد يجيلى
حد خبطلك عربيتك وهو الغلطان.
|
جوزى منبه عليا ((مش عارفة تنبيه صح ولا غلط)) ان لو العربية اتخبطت منى ماقفش ولا اعمل مشاكل
قاللى كده كده العربية اتخبطت يبقى هاتقفى وتتخانقى على ايه .. كملى طريقك لحد ما تحسى انك بعدتى ولو حابة انك تشوفى الخبطة عاملة ازاى اركنى واتفرجى عليها على مهلك انما لا تنزلى ولا تتخانقى بأه ولا الكلام ده
خبطتى حد ماشى فى الشارع واتصاب .
|
دى بأه مشكلة بس حقه انى على الاقل اوديه اقرب مستشفى وادفع مصاريف علاجه ((ده نظريا)) عمليا بأه مش عارفة ايه مدى تطبيق الكلام ده فى الواقع