|
BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
أدوات الموضوع |
#1
|
|||
|
|||
الى معاه بى واى دى يتفضل وبالذات 2010
الاخوة الاعزاء الأفاضل
تحية لكم جميعا انا ان شاء الله بصدد شراء f3 Gi 2010 عملة 27000 كيلو صالون كويس كشفت عليها فى التوكيل عيزة عفشة بـ 3100 شامل (مساعدين خلفى + طنابير امامى + تيل + جلب امامى) دهان فى الكامل بـ 250 × 16 لوحة = 4000 للدهان المهم ملناش دعوة بالتوكيل حنقول 2000 دهان + 1500 عفشة وصاحبها طالب 52 الف والراجل عملها سنسور باركنج و انذار ورفع طبعا عايز رأيكم فى الكلام الى فات ده نيجى على المهم فيه مداخلة لمهندس كان بيتدرب فى شركة الامل فى 2010 وقال الكلام ده "بص حضرتك ...كون ان عامل بيرش السياره او روبوت دا مش هيفرق كتيير قوي في الدقه و جوده الدهان...انما بيفرق اكتر في الوقت و التكلفه اللي علي المصنع...الروبوتات دي غاليه جدا جداااا..فاما شركه زي الامل تجيبها يبقي بيقضي علي نفسو...لانو لو قعد طول عمره يبيع العربيات اللي ب 60 الف عمرو ما هيجيب تمن روبوت او 2..و اعتقد ان مصانع بي ام و مرسيدس اللي في مصر هنا مفهاش روبوتات برضو..دا مجرد تخمين..... هي بتفرق في حاجه اسمها Elbow دا حضرتك لما بيجيو يرشو طبقه فسفات علي العربيه عشان الصدأ و كدا في مصانع فقيره شويه زي بتاع شركه الامل بييرشو من خلال رشاشات Nozzles_ انما في المصانع الغنيه و دا حضرتك ممكن تشوفو علي اليو تيوب هتلاقيه بيغطس العربيه كلها في حووض كبيير هو دا ال Elbow و دا بيضمن ان العربيا تتشبع بالفوسفات....كذلك برضو البرايمر..في BYD عامل بيرشو..انما في المصانع المتطوره العربيه بتتغطس في البو .... الفكره كلها ان العامل لو عليه ذره تراب هتتطاير في غرفه الرش و ممكن تلزق علي العربيه و بتبان في النهاااايه خالص في صوره بروز في الدهان يمسي Dirt و دا هو احد عيبوب الدهان اللي بيعالجوها كما سبق ذكره في الرد السابق...فهو موضوع اللي بيرش روبوت او عامل دا مش هيفرق قوي ...قد وجود البو ودا موجود في مصر هنا في الجنرال موتورز و بي ام و مرسيدس...و اي استفسار انا تحت امر حضرتك..انا عرفت المعلومات دي من خلال فتره تدريبي في مصنع ال BYD لمده شهر لان انا هندسه قسم ميكانيكا" هو يشكر على الكلام ده طبعا ممكن اعرف من اصحاب 2010 ان فعلا فيه مشكلة فى الدهان انا مثلا العربية الى شفتها دى والله لقيت فى الاربع أبواب من الاسفل صدأ واسفل العربية صدأ ومش محكوكة وفى حوض العربية من الامام وبعيد عن اى زيت باكم او باور. انا مثلا كان معايا اكسل مو 97 ولحد لما بعتها ولا كان فيه الكلام ده لا اسفل الابواب ولا اى مكان برجاء افيدوى لأنى فعلا حشترى العربية دى ومعلومة كدا على السريع اخدتها من مهندس الصيانة عندنا فى اسكندرية ان اول انتاج هو الى كان بيعلجو الصاج بالطريقة دى بالرش بالنوزلز وليس الغمر فى احواض والشركة الصينية فرضت عليهم بعد عام 2010 احواض غمر الفوسفات وشكرا ليكم واحب اعرف ردود بارك الله فيكم جميعا ولو قدر الله واشتريت العربية دى ممكن اعرف تمن المساعدين خلفى وايه بدائل الصينى بأسعارهم |
#2
|
|||
|
|||
رد: الى معاه بى واى دى يتفضل وبالذات 2010
75 مشاهدة
طيب يريت الى عنده 2010 يبص على العربية اسفل الابواب او اى مكان حصله صدأ من غير اى مقدمات |
#3
|
|||
|
|||
رد: الى معاه بى واى دى يتفضل وبالذات 2010
رأى الجديد جديد طالما ناوى تدفع مبلغ يصل الى 60 ألف بالاصلاح يبقى الجديد احسن . مش كده ولا ايييييييييييييييه
مع تحياتى |
#4
|
|||
|
|||
رد: الى معاه بى واى دى يتفضل وبالذات 2010
الكلام اللي حضرتك قلته بيبن العربيه متبهدله صدأاسفل الابواب وفي الحوض غير العفشه وكمان دهان يعني هتفقد دهان الفبريكه والعربيه موديل 2010 اعتقد تجيب زيرو افضل زي الفيرنا وعليها خصم 2000 ج دلوقتي ومتنساش ان وقفه الصنعيه متعبه وفي الاخر ممكن شغلهم ميعجبكش
|
#5
|
|||
|
|||
رد: الى معاه بى واى دى يتفضل وبالذات 2010
او شوف حاله انضف شويه طريقه تفكيرك دى متجربه قبل كده ولقيت انك هاتغلب مع الصنايعيه جدا ومش بتوفر حاجه انا قصدى : اجيبها رخيصه واشتغل فيها على ايدى بنظافه ومكونات اصليه نصيحه ما تفكرش بالطريقه دى . |
|
|