|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
 |
|
|
أدوات الموضوع |
|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
|
|
أدوات الموضوع |
|
#1
22-03-2013, 11:49 AM
|
|||
|
|||
فيشه الاوكتان - موضوع هام جدا
السلام عليكم ورحمه الله وبركاته
اولا اعتذر عن غيابى الفتره الى فاتت انا قرات موضوع عن حاجه اسمها فيشه الاوكتان وده بتظبط العربيه على رقم الاوكتان الى فى البنزين الى هو بنزين 80 او 90 او 92 او 95 انا اول مره اسمع عن الحكايه ده ! كل الى اعرفه عن نسبه الاوكتان انه بيتناسب مع معدل انضغاط المحرك لى هو فى معظم السيارات الحديثه 1:10 وده الى بياخد بنزين 92 وفى السيارات القديمه 1:8 وده الى بياخد بنزين 80 ولو مثلا حطيت بنزين 80 لمحرك نسبه انضغاطه 1:10 ده هيؤدى الى ان البنزين هيحترق قبل ما البستم يطلع للمنطقه الميته العليا وده بيشل حركه البستم وبيؤدى الى ظاهره التسقيف واضراره كبيره مثل كسر البستم انا هنقلكم الموضوع هنا علشان تتطلعوا عليه وتبقوا معايا فى الصوره لكن تحذير الموضوع ماحدش يعمله علشان انا مش متاكد منه ومن رايى انه افتكاسه كبيره لان ايه دخل كمبيوتر السياره برقم الاوكتان ؟ ممكن الكمبيوتر اخره انه يحدد نسبه الخليط الى داخل لغرف الاحتراق يعنى لو انا عندى موتور نسبه انضغاطه 1:10 وظبط الفيشه بالطريقه العجيبه الى هتقراوها ده على بنزين 80 مش هسمع صوت تسقيف ؟؟ ماعتقدش اليكم الموضوع ↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓ ↓↓↓↓↓↓↓↓↓↓↓↓↓↓↓↓↓↓↓↓ ↓↓↓ كتر الكلام حول فيشة الاوكتان وظبطتها المثاليه المترتبه على درجة اوكتان البنزين المستخدم فحبيت ان اوضح ظبطة الفيشه الصحيحه لكل نوع بنزين للتسهيل على الجميع بسم الله نبدأ فيشة الاوكتان عباره عن jamper او كوبرى مثل الموجود فى هارد الكومبيوتر تختلف الفائده منه بحسب طريقة توصيله للاطراف المختلفه مع الاختلاف الفيشه فى الانوس لها ثلاثة اوضاع مختلفه للتوصيل يتناسب كل وضع منها مع نوع البنزين المستخدم فى التشغيل ( 80 , 90 , 92 ) وطبعاٌ توصيلها الصحيح المتوافق مع نوع البنزين المستخدم يؤثر بالايجاب على اداء العربيه بصوره خياليه طيب مكانها فين ؟ تحت الكرسى اللى جنب السواق مباشره هنقدم الكرسى لقدام على الآخر و هنرفع فتحة الموكيت من تحته ( فى الانوس 1 هنلاقيها جنب الكومبيوتر ) ( فى الانوس 2 هنلاقيها جنب الضفيره الماره تحت الكرسى ) وده الشكل بتاعها [IMG][IMG]http://www.**********.net/Nile/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x380.  ..[/IMG]طيب لقيناها شكلها ايه ؟ عباره عن فيشه داخل ليها ثلاثة اطراف ( بنى , اسود , بنى فى ابيض ) وفيشه موصوله بيها ( نصفها التانى ) موصله الطرفين ( الاسود , البنى فى ابيض ) بسلك اسود عليه ملصق مكتوب عليه 87 او 83 وده رقم الاوكتان اللى المفروض العربيه مظبوطه عليه وطبعا ده مش موجود بمصر الحبيبه طيب ممكن نظبطها على البنزين الموجود بمصر بأنواعه المختلفه علشان نحقق اعلى استفاده من الموتور ؟ ممكن طبعاٌ المصممين للسياره كتر خيرهم تركولنا المجال اننا نلعب برقم الاوكتان المناسب لكل واحد فينا ( بعكس عربيات تانيه كتير ) لايوجد بها هذا الخيار ( وده من احد مميزات الدايو ) خلص الكلام النظرى نخش بقى على العملى قبل اى حاجه نفتح الكابوت و نفك القطاش السالب من البطاريه بمفتاح عشره ونخش تحت الكرسى اليمين ونرفع الموكيت ونمسك الجمبر والفيشه هنشيل نصف الفيشه الموجود به الملصق بالضغط على سوكت المنتصف مع الشد للخارج هيطلع الجمبر فى ايدك وده شكله [IMG][IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجم الطبيعي.  ..[/IMG]ونظبطه تبعاٌ لنوع البنزين المستخدم فى العربيه وليه 3 ظبطات ونبداء بكيس التوفير ( اقصدى بنزين التوفير ) 1_ ال 80 الجمبر فى ايدينا له ثلاثة فتحات اتنين متوصلين ببعض بالسلك الاسود والثالثه من غير اسلاك [IMG][IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجم الطبيعي.  ..[/IMG] .بكل بساطه هنوصل طرف تالت من السلك الوسطانى الى الفتحه الفاضيه ( زى متكون بتوصل شعرة فيوز بالظبط ) تمام كده هنرجع الجامبر للفيشه تانى ونرجعه مكانه ونغطيه بالموكيت ونوصل كابل البطاريه السالب تانى ونعمل ايدل ليرن بالمره علشان كومبيوتر العربيه يظبط نفسه على الوضع الجديد و بسم الله واطلع جرب 2 _ البنزين ال 90 هنعيد الخطوات السابقه بس المره دى هنشيل الفيشه وبس يعنى مش هنوصل اى حاجه هنسيب الفيشه فى الهواء كده ونعين الجمبر فى البيت [IMG][IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجم الطبيعي.  ..[/IMG] تمام كده هنرجع الجامبر للفيشه تانى ونرجعه مكانه ونغطيه بالموكيت ونوصل كابل البطاريه السالب تانى ونعمل ايدل ليرن بالمره علشان كومبيوتر العربيه يظبط نفسه على الوضع الجديد و بسم الله واطلع جرب 3 _ البنزين ال 92 هنعيد خطوات الفك الاولى هنمسك الجامبر فى ايدينا ونفك الكلبسين اللى فى اطرافه بالضغط للخارج بشويش ونرجع الغطا البلاستيك للخلف وده شكله [IMG][IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجم الطبيعي.  ..[/IMG]هنجيب مسمار 3 سم وندخله مع الفيشه اللى فى الطرف بالضغط لجوه بالشكل ده [IMG][IMG]http://www.**********.net/Nile/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x414.  ..[/IMG]وبعدين نشد المسمار والسلك لبره هيطلع السلك معانا هندخله تانى بس الناحيه التانيه يعنى هننقله من الطرف ده الى الطرف ده مع الحفاظ على الطرف الاوسط متوصل زى ما هو وده شكله الجديد [IMG][IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجم الطبيعي.  ..[/IMG]تمام كده هنرجع الجامبر للفيشه تانى وده شكله النهائى [IMG][IMG]http://www.**********.net/Nile/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x413.  ..[/IMG]نرجعه مكانه ونغطيه بالموكيت ونوصل كابل البطاريه السالب تانى ونعمل ايدل ليرن بالمره علشان كومبيوتر العربيه يظبط نفسه على الوضع الجديد
__________________
  صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine 
|
|
#2
22-03-2013, 11:58 AM
|
|||
|
|||
رد: فيشه الاوكتان - موضوع هام جدا
عاوز رايكم لانى محتااار
  :TH E_PR~18:
__________________
صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine
|
|
#3
22-03-2013, 12:57 PM
|
||||
|
||||
|
رد: فيشه الاوكتان - موضوع هام جدا
يعنى حضرتك عايز تحط بنزين كام فى عربية نوعها ايه ؟
اصل فيشة الاوكتان فى الدايو لها بدائل متطورة فى عربيات تانية
__________________
سبحانك لا علم لنا الا ما علمتنا
|
|
#4
22-03-2013, 05:44 PM
|
|||
|
|||
رد: فيشه الاوكتان - موضوع هام جدا
انا مابشتكيش من حاجه فى عربيتى انا مهتم جدا بمجال السيارات انا عاوز اعرف هل الحكايه ده حقيقه ام لا ؟ يعنى عاوز حضرتك تقولى الى عارفه عن الموضوع ده ولك جزيل الشكر . amir elgamal
__________________
صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine
|
|
#5
23-03-2013, 07:59 AM
|
||||
|
||||
|
رد: فيشه الاوكتان - موضوع هام جدا
انا عن نفسى ظابط الفيشة على 95 و بحط 92
و دا موضوع تفصيلى كنت عامله 2010 http://masrmotors.com/vb/showthread.php?t=23821 بس موضوع عصام غنايم اوضح
__________________
سبحانك لا علم لنا الا ما علمتنا
|
|
|
|
