|
#1
28-07-2009, 01:34 AM
|
|||
|
|||
كيا كارنز
انا يا جماعة الخير كنت عايز اشتري كيا كارنز بالرغم من اني مش مقتنع بيها لان التوكيل منزلها بدون أي كماليات مثل الكاسيت نوعية ال جي و لكن شكله ردئ و دخيل على التابلوه و طبعا ده مش الكاسيت الأصلي الموجود على موقع كيا على النت كالعادة و أيضا بدون فتحة سقف و الفرش ردئ جداً و الطارة المفروض برضه في النت انها ملتي فنكشن ولكن كالعادة التوكيلات المصرية تحب توفر على حساب المستهلك المصري الغلبان و الحمد لله انهم سابوا الجنوط و ما شالهاش هي كمان زي عمنا غبور ما بيعمل لكن كيا برضه قامت بالواجب وشالت الكونسول الأمامي اللي بين الكرسيين و المفروض انه في هذه النوعية من السيارات مهم جدا للآتي : -
1 - الوظيفة الأساسية و هي انه مسند مهم لمرفق السائق 2 - مساحة تخزينية إضافية في متناول السائق 3 - الوظيفة الأهم من الكونسول و هي انه من المفروض أن يكون به من الخلف فتحات لتوزيع هواء التكييف للجالسين في المقعد الخلفي اما الكارثة الكبرى فهي انك لو نظرت من الخلف داخل السيارة فبإمكانك رؤية ما بداخل الشنطة بوضوح تام يعني حتتسرق حتتسرق يا معلم بس هما الحقيقة عملوا اللي عليهم و حطوا ستارة أفقية علشان تداري المنظز كتر خيرهم بس للأسف أنا جيت اشد الستارة باظت في ايدي و خرجت من مكانها و لم تعد حتى الآن معلش ربنا يعوض عليهم كان المفروض انهميحطوا رف قابل للطي و مختلف الارتفاعات و التثبيت بدلاً من الستارة الأفقية الفلاحي و لكن للأسف يا جماعة كل ده كوم و مكان عدسة الريموت على التابلوه من ناحية باب السائق بين القايم و التابلوه محطوط بطريقة بلدي اوي وفحلقي جدا لدرجة اني بافكر اصرف نظر عن شراء السيارة علشان المنظر العار ده و المؤسف جداً و الواضح انه تقفيل مصري تحت السلم انا من الأول قولتلكم اني مش مقتنع بالعربية دي لكن أولادي عايزين العربية دي بالذات لانها واسعة جدا ودي الحقيقة الميزة الوحيدة اللي انا شايفها في العربية دي بالإضافة لارتفاعها المناسب جدا عن الأرض اما باقي الكماليات فقد تم رفعها من السيارة للتوفير كما سبق و ذكرت لكم وهنا حدث و لا حرج انا مش عارف بيعملوا كده ليه كل ده علشان يكسبوا اكتر بس يا خسارة بيخسروا ثقة كل العملاء و بيكسبوا كراهيتهم للمنتج و للوكيل ليه ما ينزلوش العربية زي ما هي نازلة في بلادها و يزودوا تمنها حتى 10 أو 15 و لا حتى 20 الف جنيه و برضه حتتباع و لا خسارة في المستهلك المصري انه يتمتع بالكماليات زي باقي مواطني الدول المحترمة لأ و المضحك لدرجة الهستريا ان السيارة عليها اقبال منقطع النظير و الناس يعيني بتقطع بعضها علشان تجيب العربية و كل معرض بيزود من 5 إلى 10 و 14الف جنيه في بعض المعارض للاستلام الفوري تصوروا الناس اتجننت يا جماعة أمال لو كانت العربية بها جميع الكماليات كانت الناس عملت ايه لأ و ايه التوكيل بيقولك احجز و استلم بعد 3 شهور ليه يا جماعة هي رولز و لا فيراري و لا ايه الناس دي نسيت نفسها اكيد دي كل ده و بنتكلم في كوري امال الياباني و الأوروبي يعملوا ايه لكن الظاهر ان ده آخر زمن انا كنت مقتنع بالسيراتو الهاي لاين و لكن ولادي مصممين اجيب الكارنز و شكلي كده هاجيب نيسان ليفينا أو سوزكي اس اكس 4 على الأقل بهم كل الكماليات و امرى الى الله و لا جشع الوكيل و طمعه لكن للأسف احنا اللي بنعمل قيمة للناس دى علشان بنشتري العربيات بالسعر ده رغم علمنا ان الكماليات مش موجودة فيها زي ما هي في بلادها و لو احنا خدنا موقف من الوكلاء لاجبرناهم على احترامنا و عدم رفع أي شئ من السيارات مثل الكاسيت أو الانذار أو الريموت او الجنوط أو الكاوتش و الدركسيون متعدد الوظائف ......الخ ياللا يا جماعة نحط ايدينا في ايد بعض و نقاطع اي و كيل يشيل أي كماليات من السيارة صدقوني حنجيب نتيجة سريعة زي حملة خليها تصدي و موديلها يعدي علشان بعد كده يحترموا عقلية المستهلك المصري و يراعوا ضميرهم و يكسبوا بالمعقول 
|
|
#2
19-12-2009, 09:32 PM
|
|||
|
|||
|
رد: كيا كارنز
الموضوع ده ازاى فلت كده من غير تعليق طول الشهور دى
|
|
#3
19-12-2009, 10:45 PM
|
||||
|
||||
رد: كيا كارنز
عموما و ردا علي صاحب الموضوع لو ميفرقش معاك عليك و علي الخليجي
__________________
Sharief Mansy
 Farewell my Cayenne, you were the best car i ever had and driven
|
|
#5
24-03-2011, 07:37 AM
|
||||
|
||||
|
رد: كيا كارنز
طبعاً فى الحالة دى لو لقيت منها خليجى يبقى أحسن لأنك ها تلاقى فيها كل الإمكانيات المنزوعة منها ....منهم لله الوكلاء الجشعون
__________________
م . نبيل عبد الرحمن مصر موتورز الإسكندرية
|
 |
|
|
