الراي في كيا عصفورة 97 و سعرها (اول مرة اشتري كيا )

[akdodo]

معروض عليه كيا برايد97 فبريكة بره و جوه / تكيف / سنتر لوك عمله 130 ألف كيلو
عاوز اعرف سعرها تقريبا يعمل كام من الاخر
وهل هي كده محتاجه عمرة وله لا
وهل الموديل 97 ده كويس
واهم عيوبها وهل قطع غيرها متوفرة جديدة ام مستعمل فقط

[AbOnOrA]

سعرها تقريباً مابين 28 - 35 من الاخر ديه حسب الحالة والفصال والكماليات
زى ما بتقول لو فابريكا بره وجوة وفيها تكييف وكاسيت حلو وطقم جنوط مثلاً والزجاج الكهرباء شغال تمام ممكن تخلص 30 - 32 وانت وشطارتك

مش عارف ليه بتسأل على العمرة !! حسب كلامك العداد عامل 130 يعنى لسه الموتور بحالتة مش هتفكر فى عمرة الا وانت داخل على 200 الف كم وحسب الاستخدام طبعاً

الموديل 97 ممتاز وقطع الغيار متوفرة فى كل حتة جديد واستيراد وكورى ويابانى وصينى كمان متقلقش من الناحية ديه خالص

[akdodo]

انا شفت العربية النهاردة
بس طلع مفيهاش زجاج كهرباء بس التكيف شغال حلو و فيها جنوط وفعلا فبريكة بره و جوه
الماتور لما كبست علي الشكمان من طلع في ايدي دخان اسووصوتالماتور علي ده معناه ايه
ارجو الافائدة السريعة وشكرااااااااااااااااااااا اااااا

[Moha28]

العربية دي سعرها غالي حاول تدور عربية غيرها العربيات ماليه البلد

الا ماقلتلي العربية دي ماشية كام

[AbOnOrA]

غريبة اوى ان 130 الف كيلو وتعمل كدة الا لو كانت متهانة بس انصحك لو عجباك وسعرها مناسب متكتفيش بالمعاينة بس وتكشف عليها عند ميكانيكى يبص على الات الجر عموماً موتور وفتيس وكمان الكربراتير علشان يعرف الدخنة ديه سببها اية بالظبط وياريت تبص على العفشه كمان علشان تعرف لو محتاجة مصاريف بعد كدة