عاوزة أعرف المفروض إيه ( تسخين العربيات الحديثة )

[myson medo]

سلام الله عليكم ورحمته وبركاته

ان شاء الله تكونوا بخيــــــــــــــــــر

دايماً أسمع ان الصبح كده وقبل ما تمشى بالعربية تدورها شوية طيب كنا نسمع ان المدة 5 دقايق وقالوا ان المدة دى كتير وبتهدر البنزين

طيب سمعت ان العربيات الحديثة مش بتحتاج -

فعاوزة أعرف العربيات الحديثة تحتاج تسخين ولا مش تحتاج ولو تحتاج يبقى مدة ؟؟؟؟ هل نصف دقيقة كافى او أكثر ؟؟؟

دمتم بخيـــــــــــــــــــــر

[mr_astra]

قبل تدوير الموتور دوسى دبرياج عشان نفصل حركة الفتيس عن الموتور
التسخين الافضل انة يستمر لغاية لما الموتور يهدى لوحدة وعداد الـ ار بى ام ينزل لغاية 900 لفة على الدقية
بداية التحرك تكون بسرعة بطيئة نسبيا عشان زيت الفتيس يملى الكيسنج بتاع الفتيس ويدخل بين التروس

[svneleven]

للعربيات الجديدة نص دقيقة زي الفل و ممكن أقل.

[melkhayat83]

30 ثانيه وتتحرك بتسارع بطئي يعني ماتحرقش يعني لحد 2000 او 2500 حلو وانقل لحد ماتوصل لحراره التشغيل وغالبا كده كده فتره الصبح مش هاتعرف كده كده هاتسخن وهي واقفه من ام الزحمه الصباحيه هو في حاجة بتقصف عمر المواتير في مصر غير أم الوقفه علي الفاضي

[AbOnOrA]

المشاركة الأصلية كتبت بواسطة melkhayat83 30 ثانيه وتتحرك بتسارع بطئي يعني ماتحرقش يعني لحد 2000 او 2500 حلو وانقل لحد ماتوصل لحراره التشغيل وغالبا كده كده فتره الصبح مش هاتعرف كده كده هاتسخن وهي واقفه من ام الزحمه الصباحيه هو في حاجة بتقصف عمر المواتير في مصر غير أم الوقفه علي الفاضي

بالظبط كده التسخين على الواقف ان شاء الله يقعد نص ساعة برضو مش تسخين كامل
فالتسخين يتعمل على مرحلتين الاول نص دقيقة والعربيه واقفة وبعدين بالمشى بدون تسارع او (قرص) على الموتور لحد ما درجة الحرارة تبقى طبيعية فى الموتور
وزى ما قال الزملاء الزحمة بتاعتنا بتسخن العربية اجبارى اصلاً