لقد ودعتها

[nodey]

السلام عليكم
كنت قد كتبت لكم اني معي كليو 2004 جير اتوماتيك 1400
المهم في يوم كدا طنبورة الدينمو فكت ورحت لكهربائي منه لله عشان يشوف ليها حل
قام ايه قالي انها عايزة جلبة تنشحط فيها بالمخرطة وسمعت كلامه وعملت ليها جلبة واصبحت الطنبورة بدل ما تلف جوا بعضها اصبحت ماسكة وثابت وده سبب مصيبة
ركبنا سير الدينمو وبسم الله اول 10 متر انقطع السير ورجعت ليه تاني ركبنا سير تاني كان معي المرة دي انقطع وجت حته منه عند بكرة الكرنك وثبت الكرنك والعربية دايرة وكانت الطامة
اتكسرت كل البفلوف او الصبابات
وتعدمت العربية وبيعتها للاشف خردة
لكن انطباعي الان انطباع مختلف انا راكب الان كرولا 98 حاجة زبالة بالمقارنة من التقنية الفرنسية وجمالها وامكانياتها
انا اشهد ان السيارات الفرنسية جميلة لكن يعيبها سوء التصيميم الداخلي للماترو وخلافه
دولقتي اروح اغير زيت للسيارة علي طلول يمد الراجل ايده يفك فلتر الزيت
في الرينو كنت بتاحايل عليهم عشان يعرفوا يفكوا فلتر الزيت وقلة قطع الغيار
الله المستعان
والحمد لله علي كل حال

[ahmed el gendy]

ماهي دي المشكله هاوز تتكيف ادفع عاوز تمشي حالك يبقي اركب زي ما كل الناس راكبه بس مش وسعت منك لما قلت الكليو اللي كانت ب80 الف احسن من الكورولا اللي النهارده عامله 170 الف مش غريبه؟ الكورولا كورولا

[Ahmed Nageb61]

المشاركة الأصلية كتبت بواسطة ahmed el gendy ماهي دي المشكله هاوز تتكيف ادفع عاوز تمشي حالك يبقي اركب زي ما كل الناس راكبه بس مش وسعت منك لما قلت الكليو اللي كانت ب80 الف احسن من الكورولا اللي النهارده عامله 170 الف مش غريبه؟ الكورولا كورولا

يا استاذى الفاضل ركز شويه هو بيقولك كورولا موديل 1998 مش 2013 لأن كورولا 2013 لايمكن تقارنها اساسا بالكليو