الله يخربيت الاختراع اللي اسمه توك توك

[ahmed el gendy]

ايه يا جدعان كميه التكاتك دي دي التكاتك بقت اكتر من الناس اللي ماشيه ع الارض
والمشكله اللي بيسوقها اغلبهم شويه عيال
امبارح كنت راجع من الشغل ومديري خانق عليا وماشي ف قلب البلد علي سرعه 60 وف اقصي اليسار اقوم الاقي توك توك كاسر عليا الاكصدام ف الاكصدام كاسر قدامي مفيش نص متر قدامي طبعا فرملت جااااااامد وانتوا عارفين فرامل الفيرنا ازاي العربيه زحفت مني بس ربنا ستر
وعلي راي المثل ضربني وبكي وسبقني واشتكي
لقيت عيل عنده 15 سنه نازل بيقولي مش تحاسب رحت مقفل العربيه ونازل له مين ياض اللي يحاسب بقي تكسر عليا زي البهيمه وبتتكلم
المهم رد الواد عليا يقولي اللي قدامي وقف
قلت له وقف ايه يعني ما تقف زيه هو يقف تقوم كاسر عليا
يقوم يقولي ما تقف انت قلت له هو انا اللي كاسر عليك ولا انت اللي كاسر عليا
انت يا بني اول مره تسوق ولا ايه
راح قايلي بس ما تقولش اول مره تسوق وعاوز يتخانق
بصراحه كلامه ضحكني وخرجني م المود اللي كنت فيه قلت رايح يا بابا العب بعبدد احسن لك قال ما تقف انت قااال

ودي كانت عينه من تفكير سواقين التوك توك اشمعني هو يقف لا انا اللي اقف

[sherifabden]

15 سنة سايق توكتوك ؟؟!!!
احنا عندنا العيل اللي لسا بيرضع تلاقيه سايق توكتوك

[hamed2020]

15 سنه دا انت محظوظ انا بشوف في حواري شبرا عيال مكملتش 8 سنين

[zing0]

يا راجل ده أنا شغلى فى وسط مستعمرة تكاتك
و فعلاً لما بيكون إللى سايق كبير (يعنى زى أبو ألـ 15 سنة ده) يبقى ممكن تتخانق معاه أو على الأقل تغلطه.
إنما المشكلة إن 90% منهم عيال يا دوب بتشب علشان تشوف الطريق.
ده بقى هتعمل فيه إيه؟ ده مبيغلطش أصلاً و مينفعش تكلمة لأنه مش هيفهمك.
أخرك تبصله و أنت قافل بقك , و ربنا يستر و ميطلعش ضارب برشام على الريق و يلم إصحابه بتوع التكاتك و تتهرى حك و تخبيط.

المشكله إن فى ناس كتير بتشجع التكاتك لسببين:
1- بيعتقدوا أنها فرصة عمل للشباب إللى مش لاقى شغل, بس للأسف الشباب مش بيشتغل على توكتوك, العيال هيا إللى بتشتغل و بيتسربوا من التعليم.
2- و سيله سريعة للمكسب المادى و و سيلة نقل سريعة (بغض النظر عن الأمان)

[نبيل عبدالرحمن]

المفروض حكومتنا الرشيده تشوف حل للتكاتك دى وترخصها ويبقى لها نمر عشان تقدر تحاسب المخطئ وأيضاً التنيات اللى معلقه نمر ملاكى وشغاله فى نقل الركاب من غير مايدفعوا ولا مليم للضرائب