|
#1
15-02-2013, 03:58 PM
|
||||
|
||||
مساعده فى مشاكل نوبيرا 2001 اوتوماتيك كوري
السلام عيكم نرجو من الخبراء افادتي بالنسبه للتالي:
السياره نوبيرا 2001 اوتوماتيك كوري اول مشكله لما اكون في البنزينه وافول العربيه تغيب في الدواره شويه لكن غير كده دايما بدور من اول لقطه . تاني مشكله الطنبوره اللي قدام عاوزه تتغير عامله شفه من فوق بس الفرامل جيده . فطبعا مش حستني لما تشتكي فعاوز نصيحه ايه افضل نوع اجيبه ويا تري في جديد ولا لأ واجيب منين جديد او استيراد افضل الاماكن لقطع الغيار بالنسبه للمعادي او اقرب مكان ليها . ثالثا استهلاك البنزين كان نوعا ما كويس لكن بعد مالكهربائي لعب في العربيه الاستهلاك زاد نوعا ما وسبب مرواحي للكهربائي لمبة التشك كانت منوره وانا لسه شاري العربيه روحتله عمل سكان قالي من حساس ال egr متكسر وملغي قال ححللك المشكله راح جايب خرطوم ووصله معرفشي فين طبعا انا كنت جوه العربيه قالي افتح كونتاكت ودور راحت فعلا اللمبه طفت . رابعاً انا مظبط فيشة الاوكتان زي مال الزملاء قالو الثلاث فرد في بعض وبحط بنزين 80 والسرعه حلوه علي العالي لكن السرعات القليله عزمها بيبقي بطيء شويه لكن في برده تسقيفه نوعا ما لكن لما بظبط الفرده اليمين مع اللي في النص (مش عارف دية 90 ولا 95 عشان الشرح كان علي اللانوس ) التسقيفه اقل بس الاستهلاك بتاع البنزين عالي جدا جدا بس عزم العربيه كان عاجبني وبرده الفرده اللي في النص مع الشمال التسقيفه قليله بس مغامرتش بمشوار طويل عشان البنزين مكانشي حيكفي وخفت تشربه فهل ممكن اكون كنت مظبطها علي 95 فدوة خلاها تاكل بنزين يعني اجرب الوضع التاني ممكن يطلع وضع ال 90 وحيفرق في استهلاك البنزين . وهل ممكن يكون موضوع الفيشه ملوش علاقه اصلا بالبنزين ويكون الموضوع دوة سببه حساس ال egr اللي الكهربائي وصله الخرطوم . اخيرا لما بعمل كيك داون او ازود بنزين جامد العربيه بتدي نتشه زي ميكون الموتور بيرجع لورا و بينط من مكانه وساعاة بحس بالتنتيشه دية والعربيه بترجع غياراتها وساعاة بحس بالغيارات بتاعة العربيه لما بكون قارص مش بنفس السلاسه وانا واخد العربيه علي راحتها . التعديل الأخير تم بواسطة AbOnOrA ; 17-02-2013 الساعة 11:08 AM سبب آخر: توضيح العنوان 
|
|
#2
16-02-2013, 11:47 AM
|
||||
|
||||
رد: مساعده
طيب الموضوع فعلا ليه علاقة بالتفويل ؟ و لا ممكن يحصل برضه بعد مشوار و تقف 5 دقايق مثلا و ترجع تدور ؟
الطنبورة على حسب حالتها لازم حد متخصص يبص عليها اصله عادى يبقى فيه شفه و انا لو مكانك و حغير حجيب جديد اصل المستعمل يمكن يكون مخروط و حتبقى هيا هياها بص انا فاكر حضرتك فى موضوع تانى قولت على حكاية حساس ال egr و قولت لحضرتك مفيش اصلا حاجة اسمها حساس egr ال egr ليه سولونويد و ليه صمام برق شغال بالشفط من خلال خرطوم متوصل بالسولونويد اللى متوصل بالثروتل بدى السولونويد بياخد اشارة من الكنترول بالفتح اعتمادا على مدخلات حساسات كتير زيى درجة حرارة الميه و ال rpm من الواضح ان حساس الماب كان خرطومه فالت و هو وصله تانى لازم لحساب الاستهلاك مظبوط تعمل مشوار على طريق سفر بسرعة 90 كم / س بلاش مشاوير جوه البلد تبقى دليل على سوء الاستهلاك بالنسبة لاوضاع الفيشة انا جربت ال 3 اوضاع الوحيد اللى مجربتوش وضع ال 80 و التلاتة بالنسبالى استهلاكهم يكاد يكون متشابه بس عندك حق حكاية تظبطها على 95 او 91 او 87 و تحط بنزين 80 اللى هو 83 ديى ممكن تزود الاستهلاك لان الاحتراق حيبقى مش كامل نتيجة للتسقيف فانصحك تثبت على موضعية التلاتة فى بعض طالما بتستخدم 80 حكاية نتعة الفتيس مع الكيك داون دا طبيعى جدا بس حكاية تحسها و الغيارات بترجع او مع التسارع دا بقى له دلالات مش كويسة على العموم للاسف فتيس النوبيرا بيبوظ بسرعة و بتغيره بواحد استعمال ارخص من الاصلاح
__________________
سبحانك لا علم لنا الا ما علمتنا
|
|
#3
17-02-2013, 09:28 AM
|
||||
|
||||
|
رد: مساعده
شكرا جدا يا استاذ احمد علي بس انا لما كنت قاعد جوه العربيه قريت بنفسي علي الكمبيوتر اللي كان موصله انه في مشكله في ال egr وهل بلف ال egr ليه علاقه باستهلاك البنزين وعلي فكره موضوع الدواره لما افول بس غير كده كله تمام . ومعلشي في مصطلحات مش فاهمها اللي هي السلونيد والثروتل ايه دولة بالظبط ومكانهم فين
|
|
#4
17-02-2013, 11:09 AM
|
||||
|
||||
رد: مساعده فى مشاكل نوبيرا 2001 اوتوماتيك كوري
 رجاء هام للغاية من الاخوة الاعضاء ان يتخيرو لموضوعاتهم عناوين توضح المحتوى الخاص بالموضوع والبعد عن عنوانين مثل ( هام جدا - عاجل - ارجو الافادة - استفسار عاجل ... الخ) وذلك لاسباب كثيرة منها - مثل هذه العناوين مكررة وغالباً ما يتجهالها الاعضاء - غالباً ما لا يلتفت اليها اصحاب الخبرة فى مجال السؤال وعلى العكس توضيح محتوى الموضوع فى العنوان غالباً ما يجذب اصحاب الخبرة والدراية فى هذه التخصص - تكرار الموضوعات بهذه الشكل يفقد محتوى الموقع قيمتة ويجعل من الصعب بل من المستحيل على اى شخص اخر يتصفح المنتدى او يبحث عن معلومة ان يستفيد مرة اخرى من محتوى الموضوع - تعديل هذه الموضوعات واختيار عنوان مناسب هو عمل يستهلك مجهودات القائمين على الاشراف بل ويمنعهم احياناً كثيرة من التجاوب مع الاعضاء والاجابة على استفسارتهم فنرجو منكم جميعاً مراعاة ذلك كلة والتبيه على من يستجد لتحقيق الهدف الاسمى من الموقع وهو الافادة العامة للناس والله الموفق والمستعان مسئول الدعم الفنى بالموقع
|
|
#5
17-02-2013, 12:01 PM
|
||||
|
||||
|
رد: مساعده فى مشاكل نوبيرا 2001 اوتوماتيك كوري
حاول تغير زيت وفلتر للفتيس بتاعك كإجراء وقائى للمحافظة على عمر الفتيس
وتغير الزيت بالكامل كل 30 ألف وتغير الزيت مع الفلتر كل 60 ألف مشكلة كمبيوتر العربية لازم مركز متخصص لتحليل العادم وظبط فيشة الأوكتان والحساسات 
|
 |
|
|
