مساعدة في تركيب البانيو

[tomyseal22]

ا

اخواتي قمنا بتغيير البانيو القديم و تغيير مكانه
المهم السباك ركب البانيو امبارح و بنا حواليه الطوب
و المفروض انو جاي اليوم و جايب مبلط يركب السيراميك فوق الطوب
انا سالتة ان كده الطوب مش هيكون نشف كويس و مينفعش يتركب سيراميك عليه
قالي عادي مش مشكلة و مش هيحصل حاجه
اية رأيكم في الكلام ده
لازم الطوب يستنى يومين تلاته عشان ينشف
ولا يتركب عليه السيراميك عادي
انا حاسس انو بيطلسأ عشان يخلص

فيدوني و جزاكم الله خير

[elmo7areb]

لا نشف يا باشا مفيش مشكلة المهم انه يخدم كويس تحت البانيو ومن جناب البانيو علشان ميطبلش ودة بالرمل

[tomyseal22]

المشاركة الأصلية كتبت بواسطة elmo7areb لا نشف يا باشا مفيش مشكلة المهم انه يخدم كويس تحت البانيو ومن جناب البانيو علشان ميطبلش ودة بالرمل

هو فعلا كابسه كويس بس من 3 جناب و الارضية
بس الجنب اللي لازق في الحيطة مش كبسه كويس و بيطبل
لما سالته قالي انو معرفش يكبسة لان السيراميك راكب على البانيو
عشان المية اللي نازله من الدش متتسربش بين السيراميك و البانيو

وهو فعلا قطع بالصاروخ في السيراميك بحيث ان البانيو يبقى تحت السيراميك
لان البانيو القديم كان متركب تحت السيراميك كده بس دا كان بانيو زهر

ايه رايك يا باشا في الموضوع ده
وهل التطبيل اللي في الجنب ده يأثر على البانيو
او يعرضه للكسر ولا ايه

[elmo7areb]

طبعا حضرتك بتتكلم على الجنب الى راكب فية خلاط الميه وهو فعلا صعب انة يتكبس لان حضرتك بتقول ان البانيو الى قبله كان راكب كدة وكمان كان زهر وطبعا الزهر مش بيحتاج كبس لانة عمرة ما يتكسر بس الى اقدر افيد حضرتك فية ان حسب صوت الفراغ الى هتسمعة تقدر تحكم زي العربيات بالضبط فى عربية راشه بس مش واخدة معجون كتير ودي بتعرفها لما تخبط على الصاج وفى عربية مليانة معجون ودي بتعرفها بنفس الطريقة

اتمني ان التطبيل يكون صوته واطي وانت هتحسها هل فى فراغ كبير ورا ولا الصوت مكتوم شوية وعلى العموم انا اهم حاجة عندي ان الارضية متطبلش وكمان يا باشا ياريت خدم كويس حوالين البانيو علشان التسريب ميحصلش نهائي

صحيح يا باشا على فكرة البانيو الزهر بيتباع وسعرة كويس لانه بيبقى تقيل جدا والحاجات القديمة دي ليها وزنها وقيمتها

انا بعت البانيو الزهر ب 250 جنية وكان ممكن اطلب اكتر بس الى خده كان معرفة وكان كارمني فى حاجات كتير وهو الى جة اشتاله من الشقة بنفسة

لك خالص تحياتي ولو فى اى حاجة انا تحت امرك

[elmo7areb]

طبعا حضرتك بتتكلم على الجنب الى راكب فية خلاط الميه وهو فعلا صعب انة يتكبس لان حضرتك بتقول ان البانيو الى قبله كان راكب كدة وكمان كان زهر وطبعا الزهر مش بيحتاج كبس لانة عمرة ما يتكسر بس الى اقدر افيد حضرتك فية ان حسب صوت الفراغ الى هتسمعة تقدر تحكم زي العربيات بالضبط فى عربية راشه بس مش واخدة معجون كتير ودي بتعرفها لما تخبط على الصاج وفى عربية مليانة معجون ودي بتعرفها بنفس الطريقة

اتمني ان التطبيل يكون صوته واطي وانت هتحسها هل فى فراغ كبير ورا ولا الصوت مكتوم شوية وعلى العموم انا اهم حاجة عندي ان الارضية متطبلش وكمان يا باشا ياريت خدم كويس حوالين البانيو علشان التسريب ميحصلش نهائي

صحيح يا باشا على فكرة البانيو الزهر بيتباع وسعرة كويس لانه بيبقى تقيل جدا والحاجات القديمة دي ليها وزنها وقيمتها

انا بعت البانيو الزهر ب 250 جنية وكان ممكن اطلب اكتر بس الى خده كان معرفة وكان كارمني فى حاجات كتير وهو الى جة اشتاله من الشقة بنفسة

لك خالص تحياتي ولو فى اى حاجة انا تحت امرك