مشاكل فى استلام شيفرولية لانوس ياريت تقولولى رأيكم.

[hanyreload]

السلام عليكم جميع الاعضاء الكرام
استلمت عربيتى يوم الخميس الماضى من مصنع 6 اكتوبر واثناء الاستلام وجدت قطعة ناقصة بجانب عصاية الفتيس وبالفعل تم استكمالها ولكنى ايضا وجدت رائحة تشبة رائحة التيل او الاسطوانة تخرج من السيارة اثناء دوران الموتور فابلغت العامل المسئول عن التسليم فابلغنى بأن هذة الرائحة عادية وستستمر لمدة شهر تقريبا وذلك لان جميع الجوانات وخاصة جوان الشكمان لسة جديدة (وطبعا لم اقتنع) مع العلم ان صديقى كان هو الاخر يستلم سيارتة فى نفس الوقت ولم يكن هناك مثل هذة الرائحة ولكن كان هناك عيوب اخرى فى سيارتة على سبيل المثال وليس الحصر اكرة الباب بتعلق وعند ابلاغ العامل قال (لا مفيش مشكلة حطلها شوية زيت وتبقى تمام) فاستسمحناة ليضع هو الزيت حتى لا نخرج من المصنع والسيارة بها عيوب وبالفعل تفضل بعمل اللازم. نرجع لموضوعنا المهم بعد استلام سيارتى غادرت المصنع متوجة الى الاسكندرية حيث اسكن ففى الطريق قولت اسحب بالعربية اشوف اية اخبارها و فعلا استجابت العربية لكن صوت الموتور عالى جدا جدا بالنسبة لعربية زيرو وايضا عند رفع قدمى من على البنزين صوت العربية يفضل عالى لمدة اربع خمس ثوانى الى ان يهدأ صوت الموتور والبور تقيل مقارنا بعربيات موديلات اخرى .
بصراحة العربية لم تنال اعجابى حتى الان ولم اشعر برائحة الزيرو فيها مطلقا فبرجاء من لهم خبرة بلانوس افادتى هل سيتغير هذا الوضع مع الاستخدام ام ستستمر على هذا الوضع واسف على الاطالة وشكرا للجميع.

[hanyreload]

[hanyreload]

معقول يا جماعة كل العدد ده من المشاهدة ومفيش حد عندة اجابات على الموضوع .

[احمد على 1999]

معلش هى اللانوس صوتها عالى فعلا
هى فيها عداد rpm ؟
و لو فيها .............. طيب لما تمور عشان تهدى ال rpm بينزل لكام ؟

[hanyreload]

اولا شكرا على الاهتمام
فعلا فى عداد rbm بينزل على الف لفة ويثبت اربع او خمس ثوانى الى ان يستقر تحت الالف لفة .