ماتور جولف 2 استيراد مقلق منه !!!

[mohei26]

السلام عليكم ورحمة الله وبركاته
جبت ماتور استيراد جولف 2 وركبته في العربيه بس مش مرتاحله

1- فيه صوت تكتكه ( زي صوت التكهات ) قالوا انها من الركنه ومع المشي هايروح الصوت لانها ضغط زيت , كلمت ميكانيكي تاني وقالي ده من الكوبستنات وممكن يروح مع المشي او نفتح ونحل الوش ونشوف البلوف بتاعتهم ( تنصحوني بايه احل ولا استنى )

2- كهربة الماتور مش مظبوطه وسحبها اكيد وحش وبتكركر , ميكانيكي قالي لازم نظبط المشكله الاولى عشان نقدر نضبط كهربة العربيه , واخر يقول انه الاسبلاتير مش بتاع الماتور .

3- فيه دخان ازرق بيخرج من الشكمان مع دوسة بنزين ومع الكركره , الميكانيكي قال ده ممكن يكون كاوتش صباب او شنبر وبيقول لازم نغير شنبر وجوان وش سليندر ده صح ولا ايه , واللي اشتريت منه الماتور بقولي دي بواقي من الزيت في الشكمان من الماتور القديم
*ميكانيكي تاني قالي لازم نظبط كهربة العربيه الاول عشان نحكم على الماتور
*ولو عايز طقم شنبر اغيره بكام بالمصنعيه ولا ارجع للي اشتريت الماتور منه وتكلفة الفك والتركيب للماتور التاني على مين البائع ولا المشتري ( حرام ) اتنفخت بجد

وشكرا

[Mohamed_ayad]

الماتور كام cc و جايبة منين و مسقطة عند مين

[mohei26]

1300 cc
من الحرفين
ومسقطه في الحرفين بجوار اللي اشتريت منه الماتور

[Hisham.Elgazzar]

مشعارف اقولك اه لكن يفضل ترجعه لأن فك الوش وعمل شغل فيه بتمن وش استيراد
وماينفعش أقولك هات وش استيراد لمكنة إستيراد
اومال البساتم والشمايز عاملين اه بقى :w6w200504112 235376e

[mohei26]

كلامك ص
ربنا يسهل واغيره ويكون ماتور كويس