اتخبطت مرتين فى شهر واحد

[blade2011]

انا باختصار زهقت من العربية ومن السواقة ومن البلد كلها بجد اول امبارح اتخبطت تانى مع العلم كانت اول خبطة يوم 5 يناير واحد موت واحد شالة بالعربية يعنى قام واخد مرشدير وهرسلى الرفرف بتاعى والتانية ملف يادوبك يعدى فية عربية واحدة وعلى راس الملف دة شارع اخرة عربية واحدة فا واحد طاير من الملف على الشارع من غير مايبص قدامة فخدت انا يمينى بسرعة وتقلت رجلى على البنزين عشان مايلبس فى وشى فاتخبطت فى عربية ربع نقل وهوة طبعا خدلة رفارف واكصدامات تلت عربيات واقفة راكنة فى امان الله ( طبعا العربية الربع نقل مااتحكتش حتى ) وانا بقة رفرف واكصدام وفانوس لانوس هايتغيروا والعربية لسة جديدة والله عاملة 7000 كيلو فى سنتين وماخبطهاش الا مرة واحدة واكنت ردتها بارد ولما حتى كنت بتعلم سواقة من سنتين ماخبطهاش مش عارف فية اية ومش عارف فية اية فى البلد اليومين دول خلى الناس بالبجاحة والتناحة وقلة الذوق وانعدام الضمير كدة لدرجة ان الللى ماشى مخالف بقة عادى واحنا اللى غلطانين يعنى تخيل لما واحدة يخبط واحدة وياخد مارش ويجرى وايبصش حتى على اللى خبطة ولا حد يمشى مخالف طاير بالمنظر دة ولا انزل مرة من البيت الاقى العيال مزكرالى على العربية بمسمار فى الكبوت والشنطة انا زهقت بجد ومش عارف اية والمشكلة ان العيب فيا مابحبش اخد تعويض من حد حتى لو انا مش غلطان ومضرور انا زهقت بجد مش عارف العيب فيا ولا فى العربية ولا فى اية بجد العربية لانوس 2012 وربنا يعوض عليا بس انا كنت بس انا كنت بسال اجيب رفرف وفانوس واكصدام اصلى يعنى افضل ولا عادة واستيراد وكدة تانى حاجة هما لما بيتغيروا الحاجات دى بتبان يعنى عشان انا بصراحة اعصابى تعبت من ام دى عربية