الكاوتش جننى .... بيقوللى غيرتى و لا إيه؟

[zing0]

السلام عليكم
كنت شارى العربية الصيف إللى فات,و كان فيها أربع فرد كاوتش توبلس بس أنواع مختلفه (كل فرده من شركة مختلفه) و صاحبها بيقول بقالهم 10000 كيلو, و كنت كل إللى بأعمله أنى أضبط هوا كل أسبوع مرة.

من شهر تقريباً و ظهر أول خرم (بالنسباللى), و عملته و غيرت بلفين,و من ساعتها تقريباً كل 4 أو 5 أيام أروح أعمل خرمين تلاته سبعه !!!!! الراجل بيقولى أصلك عديت على زجاج مكسر.
هل الزجاج المكسر يخرم الكاوتش؟ _ أنا كان عندى عجلة (دراجه) و أنا صغير و مكانش الزجاج المكسر بيخرم كاوتشها!!!

بكلم الراجل بتاع الكاوتش, قاللى هأعمللك ؟؟؟؟؟؟؟ (تقريباً زى ما فهمت الجنوط مصدى من جوه و هينضفة و يرشه بلاك)
المهم قولتله لما أفضى. و طنشت ..... بس العربية مش عاوزة تطنش.
رحت بيها مشوار بالليل و ماشى ورا العربيات عالكورنيش. تانى يوم فردتين عالأرض (عالأرض و هما تيوبلس مش فاهم إزاى)

ملحوظة: أنا عملت حوالى 19000 كيلو (+ الـ 10000 إللى مستلم بيهم الكاوتش)
نقشة الكاوتش ممتازة (لم تتآكل), بس برضه لاحظت إن فيه فرده أمام مشققه. (الصنايعى بيقول لى علشان مبتزودهاش هوا !!!!!)

آخر حاجة فكرت فيها: أنزل التوفيقيه أجيب كمبروسر هوا محمول و خابور حديد و البتاع اللى بيعملوا بيه الخرم و عليهم زجاجة مياه بالصابون و أشتغل أنا.

مش عارف أعمل إيه؟
منتظر رأيكم

[mr_astra]

تنزل الحرفيين
تجيب اربع فرد كاوتشس بجنوط حديد استيراد

[waleedrahmy]

المشاركة الأصلية كتبت بواسطة zing0 السلام عليكم كنت شارى العربية الصيف إللى فات,و كان فيها أربع فرد كاوتش توبلس بس أنواع مختلفه (كل فرده من شركة مختلفه) و صاحبها بيقول بقالهم 10000 كيلو, و كنت كل إللى بأعمله أنى أضبط هوا كل أسبوع مرة. من شهر تقريباً و ظهر أول خرم (بالنسباللى), و عملته و غيرت بلفين,و من ساعتها تقريباً كل 4 أو 5 أيام أروح أعمل خرمين تلاته سبعه !!!!! الراجل بيقولى أصلك عديت على زجاج مكسر. هل الزجاج المكسر يخرم الكاوتش؟ _ أنا كان عندى عجلة (دراجه) و أنا صغير و مكانش الزجاج المكسر بيخرم كاوتشها!!! بكلم الراجل بتاع الكاوتش, قاللى هأعمللك ؟؟؟؟؟؟؟ (تقريباً زى ما فهمت الجنوط مصدى من جوه و هينضفة و يرشه بلاك) المهم قولتله لما أفضى. و طنشت ..... بس العربية مش عاوزة تطنش. رحت بيها مشوار بالليل و ماشى ورا العربيات عالكورنيش. تانى يوم فردتين عالأرض (عالأرض و هما تيوبلس مش فاهم إزاى) ملحوظة: أنا عملت حوالى 19000 كيلو (+ الـ 10000 إللى مستلم بيهم الكاوتش) نقشة الكاوتش ممتازة (لم تتآكل), بس برضه لاحظت إن فيه فرده أمام مشققه. (الصنايعى بيقول لى علشان مبتزودهاش هوا !!!!!) آخر حاجة فكرت فيها: أنزل التوفيقيه أجيب كمبروسر هوا محمول و خابور حديد و البتاع اللى بيعملوا بيه الخرم و عليهم زجاجة مياه بالصابون و أشتغل أنا. مش عارف أعمل إيه؟ منتظر رأيكم

اولا لازم الفرد الاريعة دول يتغيروا ويبقوا من نوع ومقاس واحد
وتغير الجنوط المصدية بجنوط استيراد مستعملة وتستلمها علي ماكينة الترصيص

[zing0]

يعنى كده محتاج حوالى 1500 جنية كاوتش و جنوط على الأقل.

ربنا ييسر, حين ميسرة

[Sameh Ragih]

باختصار و علشان أقصر عليك طريق التفكير الراجل ده علشان يبيعلك العربية راح لمحل كاوتش ممكن يكون معرفه و أخد منه أربع فرد متخزنين و تاريخهم قديم و طبعاً كل فردة نوع مختلف و الكاوتش القديم ده بيكون ناشف و أقل حاجة ممكن تخرمه مش زي الجديد ياخد و يدي معاك.. والله أعلم و إن بعض الظن إثم