|
#1
23-01-2013, 06:06 PM
|
||||
|
||||
اكلة جمبرى وكاليمارى وكابوريا ولا اجمد المطاعم بالصور
ودى صوره تشويقيه
 نبتدى اول حاجه بالمكونات ودى صورتهم للتوضيح  جمبرى مقشر ودا هنقليه جمبرى بقشره ودا هنعمله طاجن وكاليمارى هنقلى منه وهنعمل طاجن وكابوريا وبصل وتوم وجزر وطماطم وفلفل وتوابل عباره عن ( توم بودره - كمون - بهارات - كارى - كزبره ناشفه - شطه - وزعتر - حبهان - ورق لورى - فلفل ابيض ) ودى صورتهم  اول حاجه طاجن الجمبرى هنتبل الجمبرى اللى بقشره بالتوابل اللى احنا قولنا عليها وبعدين هنشوح نص بصله وفلفل وجزر تشويحه بسيطه يادوب دقيقتين فى شويه زيت صغيرين وبعدين هنحط الجمبرى لحد مالونه يتغير نقلبه علا الناحيه التانيه وبعديننشيله من الطاسه ونلفه فى ورق فويل و نضعه فى طاجن بيركس وندخله الفرن يادوب 5 دقايق واسيبكو مع الصور       ودا شكله لماطلع من الفرن  نيجى بقى بعد كده للكابوريا ودى سهله اوى هنغسلها طبعا حلو اوى وبعدين هنحطها فى حله وعلى النار علطول وهنضيفلها بصلايه وطماطمايه وجزرايه وقرن فلفل وفصين توم وكوب ماء ونسيبها لحد مالونها يبقى برتقالى وتستوى ونتبلها طبعا بالتوابل السمك واسيبكو مع الصور   ودا شكلها لما استوت  نيجى بعد كده لطاجن الكاليمارى وده هنشوح برده بصله مقطعه جوليان وفلفل رومى وحراق وجزرايه فى شويه زيت وبعدين نحط الكاليمارى عليهم ونتبلهم بالتوابل اللى عندنا ونسيبهم دقيقتين وننزل عليهم بعصير طماطميتين ونقبهم تقليبه وعلى الفرن علطول ودى الصور  ودى صورته لما طلع من الفرن  نيجى بد كدة لرز الصياديه بنجيب بصله ونشوحها فى شوية زيت لحد ماتغمق شويه مش تتحرق وبعدين نحط فلفله مقطعه صغير وجزرايه مبشوره وفصين توم مدقوقين ونشوح وبعدين انا ضفت جمبرى صغير وكاليمارى وقلبت وتيلتهم بتوابل السمك وبعدين حطيت الرز وقلبته معاهم شويه وبعدين ضيفتله عصير طماطمايه وماء وصويا صوص ووطيت عليه خالص لما استوى واسيبكو مع الصور     بعد كده الجمبرى و الكاليمارى المقلى ودول بنتيلهم بالتوابل اللى قولنا عليها وبعدين بنحطهم فى الدقيق ومعاه شوية نشا صغنانين اوى عشان يبق مقرمش وعالزيت سخن اوى علطول  وبكده نكون خلصنا اكلتنا وعملت معاها طبعا سلطة طماطم وسلطة طحينه و زيتون مخلل وجرجير و شيبسى . بارب تكون عجبتكو الف هنا و شفا منقول 
|
 |
|
|
