حكايتى مع الاكسيل بعد جوان وش السلندر وتغير البطارية لغاية ما اتظبطت

[sayed2077]

السلام عليكم ورحمة الله وبركاته

طبعا عارفين لما العربيه ضربت جوان وش سلندر ورحت وعملته و التقطيع اللى كانت بتقطعه وادى ذلك للتحميل جامد على البطارية والمارش و كانت ايام ما يعلم بيها الا ربنا

نبداء الحكاية انا لسه مخلص جوان وش السلندر وطالع من علقه تمام وهوب وانا بستلم العربيه من الميكانيكى اضطرينا ندورها زق علشان البطارية فاضية من ايام التدوير الكتيير اللى شافتها وكدا

المهم دورنها زق وخدتها عند الكهربائى شحنها على التونجر ودور دارت العربيه تمام وبعد كدا فضلت العربيه شغالة تمام بتاع حوالى ثلاث ايام بس كل ما تيجى تدور تعتل فى الاول وبعدين تدور تمام المهم فضلت على كدا تلات ايام لغاية ما جات فى يوم الصبح بدور حلفت ما هى دايرة المهم جبت توصيلة ودورتها وقولت اخدها لغاية حلون طريقى المفضل وارجع بيها تانى علشان البطارية تشحن تمام وفعلا دارت ورحت طالع بيها على حلوان عدل وطول الطريق ماشى زى الفل واول ما وصلت حلوان وجيت بلف الصينية علشان الف وارجع تانى زى ما جيت مره واحده راحت فصللت احاول ادور يمين شمال مفيش خالص وبعدها بدقتين تلاته البطارية فضيت شحن خالص لدرجة ان السنتر فصل خلاص انا لقيت الوضوع وصل كده روحت متصل بالاسطى احمد الكهربائى قالى انت فين قلتله حلوان قالى خلاص انا جايلك وفعلا جاب عربيه وجه واول ما ادانى واصله العربيه دارت تمام بس لاحظنا ان العربيه فى السلانسيه بتفصل بس لو شغلت الشفاط تشتغل عادى
روحنا شادين الشفاط وجرى على المعادى تانى ورحت عنده وحطينا البطارية على التونجر اخر مره نشوف هتقبل شحن ولا لا

روحنا حاطين البطارية من الساعه 1 الضهر لغاية 9 بليل على التونجر وبعدين خلاص جه هيقفل روحنا شايلين البطارية وركبناها فى العربيه ودورت دارت العربيه عادى جدااا واليوم ده كان يوم الثلاثاء الى كان فيه مطره شديده وساعتها المطره نازله ترخ علينا المهم ركبت انا وهو وقالى انه هيروح يجيب ابنه من عند الدكتور قلتله خلاص نروح نجيبه علشان المطره اللى احنا فيها واروحه وفعلا روحت استنيته لغاية ما جاب ابنه وجه ركب وجينا ندور مدرتش هههههههههههههههه رحت انا نازل و روحت زاقق العربيه فى عز المطره واييييييه الطره بترخ وانا ازوق ههههههههه المهم دارت بعد ما خدت المطره كلها عليا و روحت وصلته واتفقت معاه انى اجيب بطارية واظبط حال العربيه بعد ما اخلص امتحانات وروحت وصلته وروحت البيت وركنت العربيه وقولت لما اخلص امتحانات بقى ابقى اشوف مالها وفعلا خلاصت الحمد لله وروحت امبارح اشتريت بطارية
AC Delco
وجينا ركبنا وجينا ندور المرش مابيلقطش وساعتها كنت عند الكهربائى علشان قبل ما نشترى البطارية دورنا العربيه زق ووديتها عند الكهربائى المهم راح الاسطى احمد فك المارش لقى الحكاية كلها ان فيه شربون السوسته بتاعته كانت معلقه فمكنش بيطلع من مكانة فمكنش بيدور وراح عامل للمرش صيانة تمام وركب ودور راحت العربيه دارت الحمد لله بس مازالت مشكلة تبطيل السلانسيه ديه مستمرة وقولت النهارده اخد بعضى واروح اعملها وصحيت النهارده بدر روحت على حلوان تانى ههههههههههه علشان افول بنزين وفولت ورجعت على الميكانيكى طلع الحاكية كلها ظبت كربراتير مسمار الهوا والبنزين فعلا روحت قلولته خلاص نغير فلتر البنزين بالمره وتغير خرطوم بياخد بخار الزيت من عمة التاكيهات للمنافول علشان كان مقطوع وغيرنا الفلتر و الخرطوم وبرضوا كان فيه تنتيشه (سكه لما تكبس بنزين مره واحده الماتور يسك فى الاول وبعدين يعلى مره واحده ) وكان الكربراتير مربوط بثلاث مسامير فقط والمسامير مكانها فى المنافول مبوش وكانت حالتهم حاله فقولت اروح للاسطى معتز بتاع الكربراتير لانه كان قايلى ساعتها انى اظبط العربيه واروحله علشان نظبط الكربراتير تمام ونظبط المسامير المبوشه

وفعلا خدت بعضى وروحت له قام فك الكربراتير واتصل بالخراط علشان يعمل كراسى للمنافول للمسامير اللى بتربط الكربربراتير (الكراسى ديه عباره عن الاتى مثالا مكان المسامير فى المنافول 13 يقوم هو يخرط المكان ده على مقاس 16 مثالا ويعمل زى مسمار نحاس كدا مقاس 16 برضوا ومن جوه المسمار يعمل تجويف بمقاس 13 ويقوم يربط المسمار النحاس ده بمقاسه ال 16 فى المكان اللى خرمه فى المنافول ويربطه تمام وبعدين يقصه فيبقى كان قدام الفتحه لمسمار 13 وبعدين يسنفر المكان كويس وتخلص الحكاية ويرجع المكان يشيل مسامير مقاس 13 من جديد من غير ما يفوت) وروحت اشتريت 4 مسامير جداد للكربراتير علشان نربط بيهم تمام وفعلا اتعملت الحاكية وركبنا الكربراتير وركب تمام الحمد لله وكله شغل على نضافه ودورنا العربيه دارت تمام وراح الاسطى معتز ظبط مسمار الهوا والبنزين وهوب مره واحده لقيت حنفيه ماية طالعه من ورا من الشكمان وخلاص خلصنا ظبت على كدا وبصراحه الاسطى معتز بتاع الكربراتير فنان فعلا الله يباركله ومرضاش ياخد فلوس ليه وقالى ان ده ظبط للكربراتير ومفيهوش حاجه مع انه هو اللى كان واقف مع الخراط لغاية ما عمل الاربع كراسى وهو اللى اتصل بيه و ادانى جوان جديد بتاع المنافول وبرضوا مرضاش ياخد فلوسه وروحت بقى وانا فرحان جدااا ان العربيه عادت للحياه ده انا اتشحتط فى المواصلات والتاكس اللى يتقمر على الواحد وعلى حسب مزاج سيادته يودينى ولا لا و الميكروباص اللى يعم اجره على مزاجه واللى مش عاجبه ينزل والاتوبيس اللى كل حته فيه مخلعه من كل نحية وبيطلع اصوات هبد وترزيع من كل مكان غير سرعته البطيئه جدااا كأنه سلحفه ماشية ههههههههههههه
وفى ناهية الموضوع بجد كل واحد عنده عربيه يتقى ربنا فيها وفعلا ديه شايلانه وحميانى من كل بهدلة المواصلات الى بنشوفها فى الشارع

واليكم التكاليف كالاتى

420 بطارية AC Delco سعة 55 امبير
واخد القديمة بي 60 جنية
يبقى البطارية ب 360 جنية
و
15 خرطوم بخره زيت من العمه للمنافول اصلى هيونداى
15 فلتر بنزين
45خراطة الاربع اماكن بتوع المنافول
10 جنية 4 مسماير بتوع الكربراتير
20 جنية مصنعية ميكانيكى

واتمنى منكم تدعولى ربنا يباركلى فى العربيه الى مغالبانى ديه

وتدعولى انجح فى الامتحانات اللى لسه مخلصها ديه

وجزاكم الله خيرا
و
السلام عليكم ورحمة الله وبركاته