اول حادثه في حياتك

[mohamed hossam elemam]

اول حدثه جرتلك كانت فين وكان عمرك كام سنه سعتها وكان معاك عربيه نعوعها ايه وتفصيل الحادث

[mohamed hossam elemam]

انا اول واحد هقول اول حدثه جرتلي كانت فين هي كانت في الشارع اليجنب القصر بتاع حدايق الاقبه وكان عمري سعتها 36 سنه العربيه الي كانت معايا 128 موديل 1985

[hamed2020]

انا اول حادث كنت هلبسه انهرده بس ربنا ستر
السياره جولف١ و الحادث كان هيكون معا ميكروباس
الباشا بعد ما راح علي اليمين علشان يركب راح عايز يروح الشمال علشان يجري
وانا عارف انهم كلهم بغبائهم هم وآلاوتوبيسات بيعملوا كده وانا علي الشمال و دايس بنزين علشان اطلع منه عمال ازمر جامد علشان عارف انه هي عملها يدوب قربت منه من ورأ سنه صغيره في الجمب راح عاملها و كنت هلبس فيه

[no2nn]

اول حادثه حصلتلي كنت ف المملكه العربيه السعوديه
وتحديدا ف المدينه المنوره
وكنت راكب عربيه شيفروليه ابيكا 2006 ((( موديل بعد الاوبترا كده )))
المهم كنت ف 3 اعدادي ساعتها
كنت رايح اجيب للحاج سجاير
وماشي ف امان الله وابص الاقي عربيه تويوتا تيرسل موديل 95 تقريبا
واللي سايقها كان سعودي والباشا كان بيتكلم ف التليفون وبيشرب سجاير ونازل من منزل وقام مخييش ف العربيه من ورا دخل ف الجنط وسحبتو معايا ف الاكصدام الخلفي كحت فيه ووقفت
انا ساعتها كنت تحت بيتي وبجانب الإماره اللي فيها امير المدينه المنوره (زي المحافظ عندنا كده )
المهم انا حسيت ان الراجل خبطني ف الباب
ف قولت الحاج هايعلقني لا محاله
ولما نزلت ببص لاقيت الرادياتير بتاعو مايتو كلها ف الارض والرفرف بتاعو مكسور وواقع ف الارض والفانوسين بتوعو مكسور الازاز بتاعهم
وانا الكاوتش اتوسخ شويه والاكصدام اتلون بلون عربيته ( امريكي يابا )
المهم انا طبعا اجنبي ف بلدو ومش معايا رخصه
المهم لقيت واحد صاحبي معدي من جنبي ب جيمس يوكن موديل 2009 وقالي اركب واجري وانا هظبطك وكان سعودي بردو
قولتو لا انا مش غلطان
المهم الراجل قعد يهلل ويقولي يا تصلح يا اجيب المرور ويخلوك تصلح غصب عنك
المهم قولتلو هاجيب الوالد واجي
روحت جبت والدي ونزلت والدي شخط فيه وان هو الغلطان
قالو ابنك معهوش رخصه
ف الوالد اتفق معاه يديلو تمن الفوانيس بس 200 ريال تمن الازاز
ومشينا واتخصمو من مصروفي
بس الحمد لله مكنتش انا الغلطان

[zing0]

أنا بقى أول حادثة عملتها كانت مع مكروباص, الطريق عالكورنيش بعد كنيسة مارجرجس فى المعصرة
الطريق ضيق بادوب عربيتين جنب بعض و فيه قهاوى و كافيهات و عربيات راكنة على يمين الكورنيش.
أنا كنت ماشى فى الحارة اليمين لأنى ماشى بطئ و لسه متعلم سواقة من حوالى 3 شهور, و فجأة عربية نقل مياه عدت التقاطع بدون إنذار كالعاده, و دخلت يمين علشان تنزل النيل تملأ مياه. و أنا عديت وراها.
الباشا بتاع النقل بعد ما عدى راح راجع بضهرة عالكورنيش تانى و أنا وراه, بيييييييييييييييييب و بحركة لا إرادية لقيت نفسى بأحدف شمال, لاقيت نص نقل جاية من الشمال بييييييييييييييب. رحت راجع يمين تانى و الحمد لله جات على فانوس و لإشارة ميكروباص صينى من الجداد.
أشتريتهم و إديتهم للسواق و الحمد لله إن كل البنى آدمين بخير.

من ساعتها و أنا بطنى بتكركب من المنطقة دى.