شراء ماكينة تصوير ريكو

[tham1010]

الحقيقة عاوز اشترى ماكينة تصوير ريكوا 1515 واحد قال لى ثمنها كويس وادائها ممتاز للاستخدام الشخصى. انا عندى برنتر كويس ليزر ولكن ساعات بكون محتاك اصور نسخ من الشغل بتاعى. واصحاب مكاتب التصوير طبعا بدوا يغلوا السعر يعنى نادرا ما تلاقى حد بيصور 10 قروش للصفحة A4

كانت المفاجاة ان 95% من مكن التصوير هو مستعمل وارد الخارج ومن المانيا بالتحديد.ومكن التصوير للمستندات يتراوح بين 1200 جنية وفيما فوق. ولكن عندى تخوف واحد انى اشترى ماكينة مستعملة وتطلع مضروبة او تبوظ بسرعة لان محدش يضمن القطعة اللى هتقع تحت ايدة رغم ان الكل بيقول ان المكن الريكو مكن يابانى الصنع وبيعمر حتى ولو مستعمل

هل ممكن حد يفدنى بخبرته فى حكاية مكن التصوير دى ويرشح لى مكان ثقة وتكون اسعارة جيدة لان وجدت تفاوت رهيب فى الاسعار سألت عند اكثر من واحد . وتراوح السعر بين 1400 إلى 1800 لنفس الماكينة وهى ريكوا 1515

ارجو المشاركة بالخبرة فى هذا الامر

[tham1010]

[tham1010]

[ahany]

بصراحة انا معرفش حاجة عن مكن التصوير بس عندى فكرة ممكن تكون مضمونة اكثر . وهى انك تجيب سكانر وتطبع على البرنتر
بصراحة بخاف من حكاية المستعمل فى اى حاجة . ممكن تجيب ماكينة تصوير مستعملة و بعد شهر ممكن تحتاج 1200 تانى اصلاح و قطع غيار
وتقبل مرورى

[tham1010]

المشاركة الأصلية كتبت بواسطة ahany بصراحة انا معرفش حاجة عن مكن التصوير بس عندى فكرة ممكن تكون مضمونة اكثر . وهى انك تجيب سكانر وتطبع على البرنتر بصراحة بخاف من حكاية المستعمل فى اى حاجة . ممكن تجيب ماكينة تصوير مستعملة و بعد شهر ممكن تحتاج 1200 تانى اصلاح و قطع غيار وتقبل مرورى

أوافقك تماما ولكن المشكلة فى التكلفة. يعنى البرنتر بيتملى حبر ب 70 جنية لافضل الانواع ودول يعملوا حوالى 2000 إلى 2500 ورقة. أما ماكينة التصوير فلو أتملت حبر ب 70 جنية هتعمل من 5000 إلى 6000 ورقة وممكن أكثر. ماكينة التصوير الليزر ب 600 جنية ولو عطلت صعب تصلحها أما التصوير فالماكينة 1200 جنية مثلا ممكن تتصلح كذا مرة..

أنا بقالى اسبوع بأقرا واتصل بالتليفونات لحد ما عرفت ان 95 % من مكن التصوير فى مصر هو مكن مستعمل لان اقل ماكنة تصوير جديدة بنتكلم على 7000 جنية مصرى وهى ماكينة بيبعها توشيبا العربى وهى ابيض وأسود. فى مكن تصوير كبير فى شركات البترول وملون ممكن ثمنها يوصل 25 الف جنية.

واحد كلمته قال لى مكن التصوير المشهور بتصنعه شركات كبيرة ولها اسمها علشان كدة الماكينة بتعيش مع الصيانة زى العربيات تلاقى عربية مرسيدة او بى ام دابوا موديل 80 وماشية فى الشارع عادى. هو قالى ان المكن كدة برضوا بيكون أستعمال الخارج ألمانيا واتحد اوروبى وصناعة يابانى او المانى ومستعمل 4 او 5 سنوات. والمكينة بتكون زى الجديدة ولو فى حاجة بايظة بيظبطوها قبل ما تتباع وبيعطى ضمان 3 أو 6 شهور وقطع الغيار موجودة عندهم...

المشكلة دلوقتى أنا عاوز أعرف مين اكبر التجار فى اللعبة دى علشان اعرف اجيب ماكينة تكون مش متهانة جامد وفى نفس الوقت السعر يكون كويس مش تشترى من تاجر صغير يكون جايبها من تاجر اكبر وتلاقى الواحد دفع 300 جنية زيادة فى الاونطة... لو حد عاندة معلومة ياريت مش يبخل بيها...