المشاركة الأصلية كتبت بواسطة Eng/salwa
حسبى الله ونعم الوكيل
انا كمان كنت ناوية اشترى 2 جداد
لنا الله فيكى يامصر
|
حضرتك أنا أشترت 420 جنية الفردة على السعر القديم لانى كنت عند التاجر قبلها بكام يوم وكان ناوى كمان يخفض لى 10 جنية لما اجى اشترى. يعنى كانت الفردة 420 جنية قبل الفصال. هذا التاجر هو الافضل فى بلدنا والارخص والاكبر، ومع هذا قلت أسال عند الناس التانية اخد فكرة لقيت نفس الفردة كانت بسعر 430 او 440 من اسبوع. طبعا عرفت انه أرخص واحد رحت له اليوم قال لى الاسعار زادت وبقت الفردة ب 430 ولكن لانى ارتبطت معاك بكلام فأعطيهم لك بنفس الثمن وهو 420 ولما قلت له انت وعدتنى بتخفيض حب يراضينى فأعطانى 5 بلفات المانى سعر الواحد 5 جنية يعنى خفض كمان 5 جنية فى الفردة...
الحاجة اللى كانت ملفته للنظر أن الناس زى ما يكون كله بيلحق يعنى لقيت خمس زباين عندة وكله عمال يشيل كوتش من كل نوع وبطريات لانه كله عارف ان الاسعار هتولع شوية شوية بسبب الدولار. حتى أن واحد كان واخد فرديت قال لى أنا اصلا وخدهم اشيلهم للصيف لان الحال مش عارف هيكون ازى...
قلت وانا مروح أما اشوف الراجل دة فعلا بيرسم على علشان يبيع بنفس السعر ولا كلام بجد لفيت عند الناس اللى كنت سألت عندهم من قبل لقيت اللى كان بيقول 430 بيقول لى 450 وفى واحد قال لى 455 وتحجزهم كمان وواحد أستهبل وقال لى 460. رجعت البيت وأنا بأحمد ربنا على ان أخذت 4 فرد بالسعر دة...
وللعلم الفردة دى جى تى اندونيسى يعنى مش بريجستون ولا متشيلان ولا حاجة من الحاجات العالية دى. يا ترى الزيادة فى الكوتشات الغالية هتكون قد ايه؟؟؟
12-01-2013, 09:04 PM
زيادة فى أسعار الكاوتش
