#1
|
خطوات تنظيف وغسيل فلتر التكيف بالصور
احباااائى اعزاااائى فلذات اكبدابى
وحتووووووونى كلكم قولت اجى امسى عليكم بموضوع زى ما انتم عارفين بلدنا جميلة والهوا فيها يشرح ونقاوة مفيش بعد كدة يعنى ولا تقولى تراب ولا عوادم سيارات ولا اى حاجة تانية هههههه المهم فلتر التكيف بتاعى بقى مهما انضفة بطلع ريحة وحشة جدا جدا ومش بطيقها عارف لما يكون حد حاطط ماسورة شكمان فى مناخيرك قلت اجيب واحد جديد .. وبالفعل روحت علشان اجيب لقيت الموجود كورى وانا بتاعى الماااااااااانى وقعت فى حيرة ما بين الامرين انى اشترى كورى وخلاص واتحلى عن وعدى للعربية انى مش هجيبلها غير كل حاجة المانى وانى استحمل الريحة دى المهم قولت خلاص استحمل شوية لحد ما الافى فلتر المانى واجيبة وروحت البيت متعكنن والحاجة كانت بتغسل هدوم ... وبصيتلها بلؤم كدة وقررت انى اغسل الفلتر !!!!!!!!!!!! طب ازاى .. وانا معرفش اى حاجة عن الموضوع دة ولا اعرف حد جربة قبل كدة ولا بتاع اعدت ع النت وحاولت ادور ولكن دون جدوى او ممكن مدورتش بضمير بس عموما المواقع العربية ملقيتش فيها حاجة عن الموضوع دة جمدت قلبى ونزلت العربية فكيت الالفلتر وطلعت وكبرت فى دماغى بقى انى اغسلة ودى صورة الفلتر نبتدى بقى كدة ونشمر هدومنا وتوكل ع الله اول حاجة هنجيب طبق هدوم حلو كدة ونملية مياة وبعدين نجيب برسيل جيل وبكرر تانى برسيل جييل (اوعى حد يفكر انى بعملهم دعايا) اولا لانة قوى فعلا وريحتة جميلة وبيدى نعومة ثانيا لانة مش لية رواسب زى العادى واخف من العادى هنحط منة بمقدار غطا واحد نقلبة كويس نجيب الفلتر ونمسك من ودانة الاتنين العصب بتاعة يعنى علشان ميبوظش وننزلة فى المياة صعودا وهبوطا بشكل رأسى شايفين البلاوى الى فى مياة .. كمية عوادم اةةةةةةةةةةةةةةةةةة بعدين نطلعة من الطبق ونشطفة بالدش كويس نكب المياة الوسخة ونغسل الطبق ونملية مياة نضيفة تانى هنكرر العملية لحد ما نحس ان المياة بدأت تنضف لسة بردة فى وساخة نرجع نشطف تانى ونغير المياة نشوف الاخبار اية نضف ولا لسة ؟ كدة تمام وعشرة ع عشرة وزى الفل نبدا نصفية من المياة كويس كدة تمام هناخدة بقى ونسيبة فى الشمس لحد ما الشمس تغيب والكلام دة لمدة يومين بكررها تانى يومييييييييييييييييييين علشان ميعفنش النتيجة الفلتر رجع جديد وبدون اى تلفيات نهاااااااائى الحمد الله ريحة جميلة جدا جدا جدا جدا والهوا فى انتعاش غير طبيعى ومخلى ريحة العربية حلوة الريحة مستمرة بقالها دلوقتى شهر ونص ملحوظة ممنوع التجربة دى للفلتر لو مش اصلى ممنوع التجربة للفلاتر الورقية ( مش هتستحمل وهتبوش فى ايدك ) الموضوع دة انا عملتة من حوالى شهر ونص ومرضتش اكتب الموضوع هنا الا لما اتأكدت من اداء الفلتر كويس اوى ع فكرة انا من النوع الى بشغل التكيف صيف شتا ومش بفتح الازاز نهائى اتمنى اكون افدتكم واى استفسار انا تحت امركم التجربة دى تجربة شخصية وكل الصور من تصويرى ويسمح بنقلة فقط للفائدة العامة ومع ذكر المصدر |
#2
|
||||
|
||||
رد: خطوات تنظيف وغسيل فلتر التكيف بالصور
جزاك الله خيرا وجعله الله فى ميزان حسناتك
|
#3
|
||||
|
||||
رد: خطوات تنظيف وغسيل فلتر التكيف بالصور
السلام عليكم
شكرا علي نقل التجربه المفيده والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#4
|
||||
|
||||
رد: خطوات تنظيف وغسيل فلتر التكيف بالصور
عارف
والله انك بتفكر فى اصدقائك عشان تفدهم دة شعور نبيل مشكور على التجربة المفيدة
__________________
يااااااااااااا رب إرحمنا بقدرتك علينا |
#5
|
||||
|
||||
رد: خطوات تنظيف وغسيل فلتر التكيف بالصور
تسلم ايدك
هو ده فلتر الكروز بتاع التكييف؟؟ تحياتى ليك اخوك حسام علوانى
__________________
<a href="http://www.gulfup.com/" target="_blank" title="مركز تحميل الصور"><img src="http://im33.gulfup.com/4ryQD.jpg" border="0" alt="مركز تحميل الصور" /></a>
|
|
|