استفسار/ الورق معايا المفروض أرخص إمتى ؟؟؟

[myson medo]

سلام الله عليكم ورحمته وبركاته

انا الورق لسه جايلى النهاردة والمبايعة اللى فيها اسمى بتاريخ 8/12/2012 والنهاردة 22/12/2012

كنت عاوزة اعرف قدامى قد ايه ولازم ارخص او بمعنى اصح انا عاوزة استنى لاول شهر واحد فهل فى مشكلة فى التأخير وهل فى مدة محددة من تاريخ المبايعة لازم ارخص فيها ؟

وشكرا ليكم

[hyundai 2005]

ما فيش اي مشكله بس المهم ما تمشيش بالعربيه كتير و اوعي العربيه تتمسك منك في اي لجنه

[myson medo]

المشاركة الأصلية كتبت بواسطة hyundai 2005 ما فيش اي مشكله بس المهم ما تمشيش بالعربيه كتير و اوعي العربيه تتمسك منك في اي لجنه

هى عملت تقريبا 600 كيلو

[ahmed el gendy]

بصي نصيحه اول ما الورق يبقي ف ايدك روحي رخصي واشتري دماغك لان ابن عمي كان شاري لانسر 2012 ما مشيش بالعربيه يومين جاله امين شرطه من المرضي نفسيين طلب رخصه قاله العربيه لسه جدسده قاله ورقها وشاف ورقها راح ساحب الورق والعربيه منه وقاله تاريخ المبايعه بقاله 5 ايام وانت لسه ما رخصتش وسحب العربيه ولما جاب العربيه بعد كده كانت اولا متخربشه من بره جامد ثانيا الكاسيت السي دي اللي فيها فص ملح وداب ثالثا فرد الكاوتش بالجنوط اتبدلت فنصيحه رخصي دلوقتي عشان ميجيش حتت امين شرطه معاه ابتدا~يه ويتنطط عليكي وكده كده اصلا انتي هترخصي
وهو ده اللي انا عملته ف عربيتي فيفي العربيه والله جبتها يوم ثلاثاء باليل ودخلت الجراج الساعه 9 مساءا وتاني يوم الساعه 7 صباحا كنت ف المرور بارخص واتعلق لها النمر الساعه الواحده ظهرا ولحد النهارده فيه ناس جيراني ميعرفوش ان العربيه زيرو لانهم شافوها بنمرها من ول مره ههههههههههههههههه
اخر حاجه رخصي باسرع ما يمكن عشان لا قدر الله لو حصل اي حاجه التأمين يشيل لو مأمنه لان التأمين مش بيبدأ غير بترخيص العربيه والله اعلم

[عمرو الامير]

الافضل رخصى بسرعه

لو هتستنى وقولهم لسه الورق جايلى من ساعتين ومستلماه وهرخص بكرة

انا اول ممشيت بعربيتى محدش كلمنى بيقولى اتفضل يا باشا

لو اتمسكتى مليش دعوة