مقبل على تركيب فوانيس شبورة للـ BYD f3

[mahshahin]

بسم الله الرحمن الرحيم


مقبل على تركيب فوانيس شبورة زينون السعر 200 جنيه بس حاجة نضيفة
ياريت نصيحة .....أركبو على مفتاح السخان ولا على الشبورة الخلفي ولا مع النور ولا أعملو مفتاح لوحده وديه حاجة قلقاني عشان مش عايز لعب في منطقة العدادات خصوصا ان في احد الاعضاء في منتدى أخر كان كاتب ان نور الشبورة الامامي موجود اسلاكه وموجد المؤشر بتاعه في الطابلوة وبينور أخضر مش برتقالي زي الشبورة الخلفي بس لازم الكهربائي يدور عليه والسلاك عند منطقة العدادت

تنصحوني بأيه بقى ... بس بسرعة ياجماعة انا هاركب الخميس او الجمعة

[yasser_z9]

متابع
التوكيل كان عايز يركبه بدل السخان ب380 جنيه بس انا رفضت وطلبت مفتاح منفصل فقلى استنى لما تجيب مفتايح
شبوره عادى مش زينون اللى فى التوكيل

[mahshahin]

الصراحة بتوع التوكيل حطين سعر مبالغ فيه اوي ..... عشان كدة انا هاجبهم من برة ولاقيتهم عند واحد في الاميرية بـ 200 زينون ..... وشكرا على الافادة بخصوص ان التوكيل بيركب على مفتاح السخان

[peter magdy]

كان فى عضو هنا قال
انة اشترى مفتاح شبورة تيوتا استيراد ب 20 جنية بس مقلش اشتراة منين و ركبة جنب لمبة الانذار
و لقى كهربائى قدر يوصلة زى ما حضرتك بتقول
و هل شوفت خامة الكشافات و هل جربت قدرة النور بتاعها
اتمنى من حضرتك تقولنا عملت اية علشان المشكلة ناس كتير نفسها تحلها و التوكيل حرامى قوى و ياريت هيعملها عدل بمفتاح منفصل
نتمنى من حضرتك توافينا بالجديد
ربنا يوفقك

[hanyyyyyy]

المشاركة الأصلية كتبت بواسطة mahshahin بسم الله الرحمن الرحيم مقبل على تركيب فوانيس شبورة زينون السعر 200 جنيه بس حاجة نضيفة ياريت نصيحة .....أركبو على مفتاح السخان ولا على الشبورة الخلفي ولا مع النور ولا أعملو مفتاح لوحده وديه حاجة قلقاني عشان مش عايز لعب في منطقة العدادات خصوصا ان في احد الاعضاء في منتدى أخر كان كاتب ان نور الشبورة الامامي موجود اسلاكه وموجد المؤشر بتاعه في الطابلوة وبينور أخضر مش برتقالي زي الشبورة الخلفي بس لازم الكهربائي يدور عليه والسلاك عند منطقة العدادت تنصحوني بأيه بقى ... بس بسرعة ياجماعة انا هاركب الخميس او الجمعة

هتروح عند اى حد بتاع قطع غيار استيراد يابانى(وليكن سوسو بتاع قطع غيار استيراد يابانى وكورى وهو موجود على المريوطية -هرم واشهر من ميدان التحرير هناك) وتشترى منه المفتاح بتاع الشبورة بتاع العربية التويوتا هيعمل من 20 الى 50 وهو بيركب مكان الدرج الصغير بتاع الفلوس الفضة اللى على شمالك وبيركب بالظبط يعنى شيل وحط والمربع اللى راكب فيه الدرج بتاع الفلوس ولمبة الانذار وزراير ظبط اتجاهات المرايه ده كله بيتشال ومن وراه الكهربائى هيلاقى فيشة موصله كهرباء للمبة الانذار وزراير المرايا هيلاقى فيها مخرج فاضى لو لمس بالمفك هيلاقيه واصلو كهرباء وده يعمله للمبة الشبورة اللى هنجبها وهنركبها مكان الدرج
الصغير بتاع الفلووووس ...!!!