معايا راس المال ومش عارف ابدا ؟؟؟؟؟؟

[hanybany]

ياجماعه سلام عليكم
انا الحمد لله لسه راجع من السفر ومعايا مبلغ يجيب عربيه اوبترا مثلا
وبفكر اشتريها واشتغل بيها فى اى شركه عندنا فى الاسكندريه
على اساس انا اللى اسوقها
وبصراحه مش لاقى اى فرصه عمل اخرى غير انى اعمل كده
المبلغ اللى معايا عاوز احطه فى سياره زى دى واشتغل بيها على هذا الاساس
ياترى فيه حد تانى عنده فكره غير دى للانى بجد محتار
اللى عنده اى فكره ليا ياريت يدلنى وخاصه لو كان حد من اهل اسكندريه
ولكم جميعا التحيه
المراسله على ايميلى الخاص
hanybany222@yahoo.com

[SHERIF MARLBORO]

بالنسبه ليا انا شاصيا افضل تاكسى لو ليك خبرة فى العربيات توكل على الله الموضوع ده فى اسكندرية بيعمل الصح و بيعتيش مراتح و بتشتغل بمواعيدك و الله الموفق
بس الموضوع لو مش فى دماغك حلو بلاش!!

او هات عربية نقل بالتقسيط و هتشتغل بيهل فى شركة او اى حاجه كده مع اللف فو الدوران اعرف واحد واخد عقد بعربية اسوزوا كاسر ل5000 جنيه شهريا و طبعا شغل اوردرات و طلبيات هكذا

بصراحة الموضوع اللى اللى انت كاتبه ده معنديش عنه فكرة

[didos]

اولا لو عالمشاريع ففيه مشاريع كتير قوى ممكن تتعمل بالمبلغ ده والحكم هنا لو انت عايز المشروع ده ولا عايز مشروع وخلاص
ثانيا انصحك طالما تاجير خليك فى اللانوس او الفيرنا لان دول قطع غيارهم ببلاش واعتقد ان عيوبهم اقل كتير من الاوبترا
عموما انا من اسكندرية ولو احتجت نصيحة فى اى مشاريع تجارية ابعتلى ع الخاص ولو محتاج اى نصيحة تحت امرك

[mialbedewy]

هو كان فيه فكرة تصنيع اكياس البلاستيك
الموضوع ده بيتعمل في محل ورشه يعني
بيتكون من جزئين
1-مقص وده تمنه في حدود من 18 ل 20 الف
وهو اللي بياخد رول البلاستيك ويقطع ويعهملك الاكياس بالاحجام المختلفه
2-المكنة اللي بتاخد الحبيبات الماده المصنعه يعني وبتطلع الرول وتمنها في حدود 35 الف مصنعه مصري
فيه ناس بتبتدي بالمقص الاول وتشتغل وتشوف سوقها بيشتري الرول من ورشه تانية او مصنع وبيقص عنده ويبيع اكياس
هو مشروع ظريف كنا بنفكر فيه لكن معملناش حاجه
وممكن تطورات بعد كده انك تجيب مكنة الطباعه علي الاكياس عشان تعمل للمحلات والصيدليات
بس الارباح والحجات دي معرفهاش الصراحة
وموضوع المكنة والحبيبات عايز صنيعي طبعا
المقص بيشتغل علي كهرباء 2 فاز يعني زي كهرباء البيت بس المكنة التانية عايزه 3 فاز يعني لازم تركب عداد تجاري 3 فاز وساعتها يبقي اكيد عندك نشاط تجاري واوراق واللذي منه
----------------
وانا في رأي التجارة تشغيل دماغ يعني ممكن واحد يفضل فاتح مجل طول عمرة وممكن واحد يفتح محل وبعد 10 سنين يبقي مصنع وبعديه ب 5 سنين يبقي بيصدر فاهمني
بالتوفيق

[tito_alex]

لو فى موضوع العربيات أولا بلاش تشرى عربية ملاكى وتشغلها لانك حتتعب وفى الاخر حتلجأ انك تأجرها بدون سائق والعربية حتتهلك
حضرتك ممك تشترى تاكسى وهو مشروع كويس حتى لو انت مش فاضى ممكن تجيب حد يكون كويس ويكون معاك انا من اسكندرية واشتغلت فى المجال ده
تانى حاجة ممكن تشترى عربية ميكروباص وتشتغل برده ودخلها كويس بس اهم حاجة الناس اللى يشتغلوا معاك يكونوا كويسين ولو اى استفسار راسلنى على الايميل : tito5331@yahoo.com

أو إتصل بيه وإن شاء الله حفيدك 0190200389